୨୨ ନଭେମ୍ବରରୁ ଟିମ୍ ଇଣ୍ଡିଆ ଏବଂ ଅଷ୍ଟ୍ରେଲିଆ ମଧ୍ୟରେ ବର୍ଡର-ଗାଭାସ୍କର ଟ୍ରଫି ଆରମ୍ଭ ହେବାକୁ ଯାଉଛି। ଏହି ସିରିଜରେ ୫ ଟି ମ୍ୟାଚ୍ ଖେଳାଯିବ ଏବଂ ଏହି ସିରିଜ୍ ଟିମ୍ ଇଣ୍ଡିଆ ପାଇଁ ମଧ୍ୟ କଠିନ ପରୀକ୍ଷା ହେବ। ଏଠାରେ ଉଲ୍ଲେଖଯୋଗ୍ୟ ଯେ ଗତ ଦୁଇଥର ଅଷ୍ଟ୍ରେଲିଆ ଗସ୍ତରେ ଟିମ୍ ଇଣ୍ଡିଆ ଜିତିଛି। କିନ୍ତୁ ଏଥର ଏହି ଗସ୍ତ ପୂର୍ବରୁ ଟିମ୍ ଇଣ୍ଡିଆର ବ୍ୟାଟ୍ସମ୍ୟାନଙ୍କୁ ନେଇ ଚିନ୍ତାର ବଢିଛି। ନ୍ୟୁଜିଲ୍ୟାଣ୍ଡ ସିରିଜରେ ଭେଟେରାନ ଭାରତୀୟ ବ୍ୟାଟ୍ସମ୍ୟାନଙ୍କ ପ୍ରଦର୍ଶନ ଅତ୍ୟନ୍ତ ଖରାପ ରହିଛି। 

ଏହା ସହିତ ଗତ ଅଷ୍ଟ୍ରେଲିଆ ଗସ୍ତରେ ଟିମ୍ ଇଣ୍ଡିଆର ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିବା ତିନିଜଣ ବ୍ୟାଟ୍ସମ୍ୟାନଙ୍କୁ ଏଥର ଦଳରୁ ବାଦ ଦିଆଯାଇଛି। ତେବେ ଏଭଳି ପରିସ୍ଥିତିରେ ଟିମ୍ ଇଣ୍ଡିଆ ବର୍ଡର-ଗାଭାସ୍କର ଟ୍ରଫିକୁ ବଞ୍ଚାଇ ପାରିବ ନା ଅଷ୍ଟ୍ରେଲିଆ ଏଥର ଜିତିବ? 

ଅଷ୍ଟ୍ରେଲିଆ ଗସ୍ତରେ ହେବାକୁ ଥିବା ବର୍ଡର-ଗାଭାସ୍କର ଟ୍ରଫି ପାଇଁ ଟିମ୍ ଇଣ୍ଡିଆ ଘୋଷଣା କରାଯାଇଛି। କିନ୍ତୁ ଏଥର ଦଳରେ ଅନେକ ବଡ଼ ପରିବର୍ତ୍ତନ କରାଯାଇଛି ଏବଂ ଗତଥର ସିରିଜ୍ ଜିତିବାରେ ହିରୋ ଥିବା ଚେତେଶ୍ୱର ପୂଜାରା, ମୟଙ୍କ ଅଗ୍ରୱାଲ ଏବଂ ଅଜିଙ୍କ୍ୟ ରାହାଣେଙ୍କୁ ଟିମ୍ ଇଣ୍ଡିଆରେ ଅନ୍ତର୍ଭୁକ୍ତ କରାଯାଇନାହିଁ।  

୧. ଚେତେଶ୍ୱର ପୂଜାରା:- ରାହୁଲ ଦ୍ରାବିଡଙ୍କ ପରେ ଟିମ୍ ଇଣ୍ଡିଆର ୱାଲ୍ ଭାବରେ ବିବେଚିତ ହୋଇଥିବା ଚେତେଶ୍ୱର ପୂଜାରା ଦଳଠାରୁ ବାହାରେ ରହିଛନ୍ତି। ସମସ୍ତେ ଆଶା କରିଥିଲେ ଯେ ତାଙ୍କୁ ଅଷ୍ଟ୍ରେଲିଆ ଗସ୍ତ ପାଇଁ ଦଳରେ ଫେରାଇ ନିଆଯାଇପାରେ କିନ୍ତୁ ତାହା ହୋଇନାହିଁ। ଅଷ୍ଟ୍ରେଲୀୟ ମାଟିରେ ଚେତେଶ୍ୱର ପୂଜାରା ଚମତ୍କାର ପ୍ରଦର୍ଶନ କରି ଆସିଛନ୍ତି। ପୂଜାରା ଏପର୍ଯ୍ୟନ୍ତ ଖେଳାଯାଇଥିବା ୨୧ ଇନିଂସରେ ୯୯୩ ରନ୍ ସଂଗ୍ରହ କରିଛନ୍ତି ଏବଂ ଏହି ସମୟ ମଧ୍ୟରେ ତାଙ୍କର ଆଭରେଜ ୪୭.୨୮ ରହିଛି। ଏହା ବ୍ୟତୀତ ସେ ନିଜ ବ୍ୟାଟ୍ ସହିତ ୩ ଶତକ ଏବଂ ୫ ଅର୍ଦ୍ଧଶତକ ହାସଲ କରିଛନ୍ତି।

୨.ଅଜିଙ୍କ୍ୟ ରାହାଣେ:- ଅଜିଙ୍କ୍ୟ ରାହାଣେ ଗତ ଅଷ୍ଟ୍ରେଲିଆ ଗସ୍ତରେ ୩ ଟି ଟେଷ୍ଟ ମ୍ୟାଚରେ ଅଧିନାୟକତ୍ୱ କରିଥିଲେ ଏବଂ ତାଙ୍କ ନାମରେ ଏକ ଶତକ ମଧ୍ୟ ରହିଥିଲା। ବର୍ଡର-ଗାଭାସ୍କର ଟ୍ରଫି ଜିତିବାରେ ତାଙ୍କର ଏକ ଗୁରୁତ୍ୱପୂର୍ଣ୍ଣ ଅବଦାନ ରହିଥିଲା। ଏହା ସହିତ ଅଷ୍ଟ୍ରେଲିଆରେ ବ୍ୟାଟିଂରେ ତାଙ୍କର ପ୍ରଦର୍ଶନ ଅତ୍ୟନ୍ତ ଭଲ ଅଟେ। ଏପର୍ଯ୍ୟନ୍ତ ଖେଳାଯାଇଥିବା ୨୩ ଇନିଂସରେ ସେ ୪୨.୦୯ ଆଭରେଜରେ ୮୮୪ ରନ୍ ସ୍କୋର କରିଛନ୍ତି। ଏହି ଅବଧିରେ ସେ ୨ ଶତକ ଏବଂ ୪ ଅର୍ଦ୍ଧଶତକ ହାସଲ କରିଛନ୍ତି | 

୩.ମୟଙ୍କ ଅଗ୍ରୱାଲ:- ଟିମ୍ ଇଣ୍ଡିଆ ପାଇଁ ଓପନିଂ କରିଥିବା ମୟଙ୍କ ଅଗ୍ରୱାଲଙ୍କୁ ମଧ୍ୟ ଟିମ୍ ଇଣ୍ଡିଆରୁ ବାଦ୍ ଦେଖାଯାଇଛି। ଅଷ୍ଟ୍ରେଲିଆରେ ସେ ୯ ଇନିଂସରେ ୨୭୩ ରନ୍ ସଂଗ୍ରହ କରିଛନ୍ତି ଏବଂ ଏହି ସମୟ ମଧ୍ୟରେ ତାଙ୍କ ନାମରେ ୨ ଅର୍ଦ୍ଧଶତକ ମଧ୍ୟ ରହିଛି। ମୟଙ୍କ ଅଗ୍ରୱାଲ ୨୦୨୨ ମସିହାରେ ଶ୍ରୀଲଙ୍କା ବିପକ୍ଷରେ ଟିମ୍ ଇଣ୍ଡିଆ ପାଇଁ ତାଙ୍କର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ। ଏହା ପରେ ତାଙ୍କୁ ଟିମ୍ ଇଣ୍ଡିଆରୁ ବାଦ୍ ଦିଆଯାଇଥିଲା।