ମୁମ୍ବାଇ ଇଣ୍ଡିଆନ୍ସ ଅଧିନାୟକ ରୋହିତ ଶର୍ମା ଟସ୍ ଜିତିଥିଲେ ଏବଂ ଶେଖ ଜାଏଦ ଷ୍ଟାଡିୟମରେ ଆଇପିଏଲ 2021 ର 42 ତମ ମ୍ୟାଚରେ ପଞ୍ଜାବ କିଙ୍ଗ୍ସ ବିପକ୍ଷରେ ବୋଲିଂ କରିବାକୁ ନିଷ୍ପତି ନେଇଥିଲେ ଏବଂ ତାଙ୍କ ବୋଲରମାନେ ନିଷ୍ପତ୍ତିକୁ ସମ୍ପୂର୍ଣ୍ଣ ଠିକ ବୋଲି ପ୍ରମାଣ କରିଥିଲେ।

ମୁମ୍ବାଇ ଇଣ୍ଡିଆନ୍ସ ଏହି ମ୍ୟାଚ କୁ ସହଜରେ ଜଟି ଯାଇଥିଲା । ତେବେ ଏହି ମ୍ୟାଚ୍ ସମୟରେ ଏକ ମୁହୂର୍ତ୍ତ ଥିଲା ଯାହା ଆପଣଙ୍କୁ ରୋହିତ ଶର୍ମାଙ୍କ ପ୍ରଶଂସକ ହେବାକୁ ବାଧ୍ୟ କରିବ |

ପଞ୍ଜାବର ଇନିଂସର ଷଷ୍ଠ ଓଭରରେ କ୍ରୁନାଲ ପାଣ୍ଡ୍ୟା ବୋଲିଂ କରୁଥିବା ବେଳେ କ୍ରିସ ଗେଲ ଷ୍ଟ୍ରାଇକରେ ଥିଲେ ଏବଂ ଏହି ଘଟଣା ଘଟିଥିଲା। ଗେଲ ପାଣ୍ଡ୍ୟାଙ୍କ ବଲରେ ସିଧା ସଟ୍ ମାରିଥିଲେ ଏବଂ ଅଣ ଷ୍ଟ୍ରାଇକର ଶେଷରେ ଠିଆ ହୋଇଥିବା ରାହୁଲଙ୍କୁ ବାଜିବା ପରେ ବଲ କ୍ରୁନାଲଙ୍କ ହାତକୁ ଯାଇଥିଲା। କୌଣସି ବିଳମ୍ବ ନକରି କ୍ରୁନାଲ ଅଣ-ଷ୍ଟ୍ରାଇକରଙ୍କ ଶେଷରେ ଷ୍ଟମ୍ପ କୁ ଲଗାଇ ଦେଇଥିଲେ ଏବଂ ସେତେବେଳକୁ ରାହୁଲ କ୍ରିଜରୁ ବାହାରି ଯାଇଥିଲେ।

ରନଆଉଟ ପାଇଁ କ୍ରୁନାଲ ଅମ୍ପାୟାରଙ୍କୁ ଅପିଲ କରିଥିଲେ ଏବଂ ଅମ୍ପାୟାର ମଧ୍ୟ ତୃତୀୟ ଅମ୍ପାୟାର ଯିବାକୁ ନିଷ୍ପତ୍ତି ନେଇଥିଲେ କିନ୍ତୁ ରୋହିତ ଶର୍ମା ଅମ୍ପାୟାରଙ୍କୁ ଏହି ଆବେଦନକୁ ଖାରଜ କରିବାକୁ କହିଥିଲେ ଏବଂ ରୋହିତଙ୍କୁ ଦେଖିବା ପରେ କ୍ରୁନାଲ ମଧ୍ୟ ତାଙ୍କ ଆବେଦନ ପ୍ରତ୍ୟାହାର କରି ନେଇଥିଲେ। ରୋହିତଙ୍କ ଏହି ନିଷ୍ପତ୍ତି ମଧ୍ୟ ରାହୁଲଙ୍କ ହୃଦୟ ଜିତିଛି ଏବଂ ରୋହିତଙ୍କୁ ସେ ଧନ୍ୟବାଦ ଜଣାଇଛନ୍ତି ।