ଇଣ୍ଡିଆନ୍ ପ୍ରିମିୟର ଲିଗ୍ (IPL) 2021 ର 31 ତମ ମ୍ୟାଚରେ ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର (ଆରସିବି) କୋଲକାତା ନାଇଟ୍ ରାଇଡର୍ସ (କେକେଆର୍) ଠାରୁ ଶୋଚନୀୟ ଭାବରେ ପରାସ୍ତ ହୋଇଛି । ଏକପାଖିଆ ମ୍ୟାଚରେ କେକେଆର ଆରସିବିକୁ ପରାସ୍ତ କରିଛି ।

ଆବୁଧାବିରେ ଖେଳାଯାଇଥିବା ମ୍ୟାଚରେ କୋଲକାତା ନାଇଟ୍ ରାଇଡର୍ସ ବାଙ୍ଗାଲୋରକୁ ଅତି ସହଜରେ ପରାସ୍ତ କରି ପଏଣ୍ଟ୍ ଟେବୁଲରେ ବଡ଼ ପରିବର୍ତ୍ତନ କରିଛି । ଏହି ବିଜୟ ସହିତ କେକେଆର୍ ପାଇଁ ନୁଆଁ ଆଶା ସୃଷ୍ଟି ହୋଇଛି ।

କୋହଲିଙ୍କ ଫ୍ଲପ୍ ସୋ ଜାରି ରହିଛି:

ଟସ୍ ଜିତିବା ପରେ ଆରସିବି ଅଧିନାୟକ ବିରାଟ କୋହଲିଙ୍କ ବ୍ୟାଟିଂ ନିଷ୍ପତ୍ତି ଭୁଲ ବୋଲି ପ୍ରମାଣିତ ହୋଇଛି। ଏହି ମ୍ୟାଚରେ ଆରସିବି ବ୍ୟାଟ୍ସମ୍ୟାନ୍ ମାନେ ଭଲ ପଦର୍ଶନ କରି ପାରିନଥିଲେ । କ୍ୟାପଟେନ ବିରାଟ କୋହଲି ମାତ୍ର 5 ରନ୍ ସ୍କୋର କରି ପାଭିଲିୟନକୁ ଫେରିଥିଲେ। ଓପନର୍ ବ୍ୟାଟ୍ସମ୍ୟାନ୍ ଦେବଦତ୍ତ ପାଦିକ୍କାଲ ଦଳ ପାଇଁ ସର୍ବାଧିକ 22 ରନ୍ ସଂଗ୍ରହ କରିଥିଲେ ।

ବାଙ୍ଗାଲୋର ବ୍ୟାଟ୍ସମ୍ୟାନ୍ମାନେ କେକେଆର୍ ବୋଲରଙ୍କୁ ସାମ୍ନା କରିପାରିନଥିଲେ ଏବଂ 19 ଓଭରରେ 92 ରନ୍ ରେ ଆଲ ଆଉଟ ହୋଇଥିଲେ। ମ୍ୟାଚ୍ ବେଳେ କେକେଆର୍ ଖେଳାଳି ଆଣ୍ଡ୍ରେ ରସେଲ୍ ରୟାଲ୍ ଚ୍ୟାଲେଞ୍ଜର୍ସ ବାଙ୍ଗାଲୋର ବିସ୍ଫୋରକ ବ୍ୟାଟ୍ସମ୍ୟାନ୍ ଏବି ଡି ଭିଲିୟର୍ସଙ୍କୁ ପ୍ରଥମ ବଲରେ ବୋଲ୍ଡ କରି ତାଙ୍କୁ ପାଭିଲିୟନକୁ ପଠାଇଥିଲେ ।

93 ରନ୍ ର ପିଛା କରି କେକେଆର ଦଳ ଶୁଭମ୍ ଗିଲ (48 ରନ୍) ର ୱିକେଟ୍ ହରାଇ ମ୍ୟାଚ୍ ଜିତିଥିଲେ। ମାତ୍ର 60 ବଲ ରେ ଜିତିବା ପରେ କେକେଆରର ନେଟ୍ ରନ୍ ହାର ବହୁତ ବୃଦ୍ଧି ପାଇଛି । ପଏଣ୍ଟ୍ ଟେବୁଲରେ 5 ନମ୍ବର ରେ ରହିଛି KKR ଦଳ, ମୁମ୍ବାଇ 4 ନମ୍ବର ରେ ରହିଛି, ଏହି ଦୁଇ ଦଳ ମଧ୍ୟ 4 ନମ୍ବର ପାଇଁ କଡା ପ୍ରତିଯୋଗିତା ହେବାର ସମ୍ଭାବନା ରହିଛି ।