ଦେଖନ୍ତୁ ଭିଡ଼ିଓ: ଏସିଆ କପ ରୁ ବାହାର ହେବା ପରେ ରୋହିତ କହିଲେ, "ହଁ ହଁ ପୁଣି ଥରେ ହେବ ଭାରତ-ପାକିସ୍ତାନ ମ୍ୟାଚ୍"
କ୍ରିକେଟ୍ ଖବର : ଶ୍ରୀଲଙ୍କା ବିପକ୍ଷ ଏସିଆ କପ୍ର ସୁପର ଫୋର୍ ମ୍ୟାଚ୍ରେ ଭାରତୀୟ କ୍ରିକେଟ୍ ଦଳ ହାରିଛି ଏବଂ ଏହା କ୍ରମାଗତ ଦ୍ୱିତୀୟ ପରାଜୟ, ଯାହା ପରେ ଟିମ୍ ଇଣ୍ଡିଆ ପାଇଁ ଫାଇନାଲ୍ ରାସ୍ତା କଷ୍ଟକର ହୋଇପଡିଛି। ବର୍ତ୍ତମାନ ଭାରତ ଏବଂ ପାକିସ୍ତାନ ମଧ୍ୟରେ ଫାଇନାଲର ସ୍ୱପ୍ନ ଧୂଳିସାତ ହୋଇଛି। କିନ୍ତୁ ଅଧିନାୟକ ରୋହିତ ଶର୍ମା ଦାବି କରିଛନ୍ତି ଯେ, ପୁଣି ଥରେ ଭାରତ ପାକିସ୍ତାନ ମ୍ୟାଚ୍ ହେବ।
ଶ୍ରୀଲଙ୍କା ବିପକ୍ଷ ସଦ୍ୟତମ ପାଞ୍ଚ ୱିକେଟ୍ ପରାଜୟ ପରେ ଯେତେବେଳେ ସାମ୍ବାଦିକ ସମ୍ମିଳନୀରେ ରୋହିତଙ୍କୁ ଭାରତ ବନାମ ପାକିସ୍ତାନ ମ୍ୟାଚ୍ ବିଷୟରେ ପ୍ରଶ୍ନ ପଚରାଯାଇଥିଲା, ସେତେବେଳେ ହିଟମ୍ୟାନ କହିଥିଲେ ଯେ ଏହା ହେବ, ଆପଣ କାହିଁକି ଟେନସନ ନେଉଛନ୍ତି?
ରୋହିତଙ୍କ ଏହି ଉତ୍ତରରେ ସମସ୍ତେ ହସିଲେ। ନିଜର ଚତୁର ଶୈଳୀ ପାଇଁ ଜଣାଶୁଣା ରୋହିତଙ୍କୁ ଅଫ୍ ଫିଲ୍ଡ ବାର୍ତ୍ତାଳାପ ପାଇଁ ପ୍ରଶଂସକମାନେ ମଧ୍ୟ ପସନ୍ଦ କରନ୍ତି। ସେ ନିଜ ଶୈଳୀରେ ସାମ୍ବାଦିକମାନଙ୍କ ପ୍ରଶ୍ନର ଉତ୍ତର ଦିଅନ୍ତି ଏବଂ ସର୍ବଦା କୁଲ୍ ଦେଖାଯାନ୍ତି।
ଦେଖନ୍ତୁ ଭିଡ଼ିଓ:
Rohit saying India vs Pak hoga 😉 #Crickettwitter pic.twitter.com/rfdQvpv4d6
— Vimal कुमार (@Vimalwa) September 6, 2022
ଏହି ମ୍ୟାଚରେ ଅଧିନାୟକ ରୋହିତ ଚମତ୍କାର ବ୍ୟାଟିଂ କରିଥିଲେ ସେ, ମାତ୍ର 41 ବଲରେ 72 ରନ୍ ସଂଗ୍ରହ କରିଥିଲେ। ରୋହିତ ସ୍ୱୀକାର କରିଛନ୍ତି ଯେ ଏସିଆ କପ୍ ପରି ବହୁରାଷ୍ଟ୍ରୀୟ ଇଭେଣ୍ଟରେ ଦ୍ୱିପାକ୍ଷିକ ସିରିଜ୍ ଅପେକ୍ଷା ଅଧିକ ଚାପ ରହିଛି।