କ୍ରିକେଟ୍ ଖବର: ଟିମ୍ ଇଣ୍ଡିଆର ସମସ୍ତ ମୁଖ୍ୟ ଖେଳାଳି ଭାରତ ଏବଂ ଶ୍ରୀଲଙ୍କା ମଧ୍ୟରେ ଖେଳାଯିବାକୁ ଥିବା ODI ସିରିଜ ମାଧ୍ୟମରେ ଦଳକୁ ଫେରୁଛନ୍ତି। ଦଳର ଷ୍ଟାର ଖେଳାଳି ବିରାଟ କୋହଲି ଏବଂ ରୋହିତ ଶର୍ମା ମଧ୍ୟ ଖେଳୁଥିବା ନଜର ଆସିବେ। ଏଥି ସହିତ କେ.ଏଲ୍ ରାହୁଲ ମଧ୍ୟ ଦଳରେ ନଜର ଆସିବେ ବୋଲି ଆଲୋଚନା ହେଉଛି।

ଅନ୍ୟପଟେ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱରେ ଯୁବ ଭାରତୀୟ ଦଳ ଶ୍ରୀଲଙ୍କା ବିପକ୍ଷ ଟି -20 ସିରିଜରେ ଖେଳୁଥିବା ଦେଖିବାକୁ ମିଳିଥିଲା। ଏଭଳି ପରିସ୍ଥିତିରେ ଆମେ ଶ୍ରୀଲଙ୍କା ଦଳ ବିପକ୍ଷ ODI ସିରିଜରେ ଭାରତୀୟ ଦଳରେ ଅନେକ ପରିବର୍ତ୍ତନ ଦେଖିପାରିବା। 

ସବୁଠାରୁ ଚର୍ଚ୍ଚାର ବିଷୟ ଏହା ଯେ, କେ.ଏଲ୍ ରାହୁଲ ଦଳରେ ସ୍ଥାନ ପାଇବାକୁ ସମର୍ଥ ହେବେ କି? କାରଣ ଏହି ସିରିଜ୍ ପାଇଁ ଇଶାନ କିଶନ ଏବଂ ଶୁଭମାନ ଗିଲ ଚୟନ ହୋଇଛନ୍ତି। ତେଣୁ ରୋହିତଙ୍କ ସହିତ ଓପନର୍ ଭାବରେ ଇଶାନ୍ କିମ୍ବା ଶୁଭମନ୍ ଗିଲ୍ ଓପନ୍ କରିପାରନ୍ତି। କାରଣ ସେମାନଙ୍କର ଫର୍ମ ଲୋକେଶ ରାହୁଲଙ୍କ ତୁଳନାରେ ଭଲ ରହିଛି। 

ନିକଟରେ ଇଶାନ୍ ଦିନିକିଆରେ ଦ୍ଵିଶତକ ହାସଲ କରିଥିବା ବେଳେ, ଶୁଭମନ୍ ଗିଲ୍ ମଧ୍ୟ ଭଲ ଫର୍ମରେ ରହିଛନ୍ତି ଏଭଳି ପରିସ୍ଥିତିରେ ଅଧିନାୟକ ରୋହିତ ଶର୍ମାଙ୍କ ସହ କିଏ ଓପନର୍ ଭାବରେ ଦେଖାଯିବେ ତାହା ଦେଖିବାକୁ ବାକି ରହିଲା। 

ଆହୁରି ପଢ଼ନ୍ତୁ: IND vs SL: ଶ୍ରୀଲଙ୍କା ବିପକ୍ଷ ODI ସିରିଜରୁ ଜସପ୍ରୀତ ବୁମ୍ରା ଏହି କାରଣରୁ ହେଲେ ବାହାର୍, ଫେନ୍ସ କହିଲେ ବୁମ୍ରା କେବଳ IPL ଖେଳିବେ

ପ୍ରଥମ ODI ରେ ଭାରତର ସମ୍ଭାବ୍ୟ ଏକାଦଶ : 

ରୋହିତ ଶର୍ମା (କ୍ୟାପଟେନ), ଇଶାନ କିଶନ (ୱିକେଟ୍ କିପର), ବିରାଟ କୋହଲି, ସୂର୍ଯ୍ୟକୁମାର ଯାଦବ,ଶ୍ରେୟସ୍ ଆୟର, ହାର୍ଦ୍ଦିକ ପାଣ୍ଡ୍ୟା (ଉପ ଅଧୀନାୟକ), ଅକ୍ସର ପଟେଲ, ଚାହଲ୍, ଉମ୍ରାନ ମଲିକ, ମହମ୍ମଦ ଶାମି, ମହମ୍ମଦ ସିରାଜ।