କ୍ରିକେଟ୍ ଖବର : ରବିବାର ଦିନ ବର୍ମିଂହାମ୍ର ଏଜବାଷ୍ଟନ୍ ଠାରେ ଚାଲିଥିବା କମନୱେଲଥ୍ ଗେମ୍ସରେ ଗ୍ରୁପ୍ ଏ ମୁକାବିଲାରେ ଭାରତୀୟ ମହିଳା କ୍ରିକେଟ୍ ପାକିସ୍ତାନକୁ ହରାଇଛି। ହରମନପ୍ରୀତ କୌରଙ୍କ ନେତୃତ୍ୱାଧୀନ ଦଳ ପାକିସ୍ତାନକୁ ଆଠ ୱିକେଟରେ ହରାଇଛି। ପାକିସ୍ତାନ ମହିଳା ଦଳ ପ୍ରଥମେ ବ୍ୟାଟିଂ କରି 18 ଓଭରରେ 99 ରନ କରି ଅଲଆଉଟ୍ ହୋଇଥିବା ବେଳେ, ଟିମ୍ ଇଣ୍ଡିଆର ମହିଳା ଦଳ 11.4 ଓଭର ଖେଳି 102 ରନ କରି ମ୍ୟାଚ୍ ଜିତି ନେଇଥିଲା। ଏହି ସମୟରେ ମହିଳା ଭାରତୀୟ ଦଳ ମାତ୍ର 2 ୱିକେଟ ହରାଇଥିଲା।

ସ୍ମିତୀ ମାନ୍ଦନାଙ୍କ ଦମଦାର୍ ଅର୍ଦ୍ଧଶତକ ଆଉ ସ୍ନେହା ରଣା, ରାଧା ଯାଦବଙ୍କ ଘାତକ ବୋଲିଂ ବଳରେ ଟିମ୍ ଇଣ୍ଡିଆ ମହିଳା ଦଳ ପାକିସ୍ତାନକୁ ହରାଇଛି। ତେବେ ଏହି ସମୟ ମଧ୍ୟରେ ମହିଳା ଭାରତୀୟ ଦଳର ଅଧିନାୟକ ହରମନପ୍ରୀତ କୌର୍ ଏକ ରେକର୍ଡ ସୃଷ୍ଟି କରିଛନ୍ତି। ସେ ମହେନ୍ଦ୍ର ସିଂ ଧୋନିଙ୍କ ଏକ ରେକର୍ଡକୁ ଭାଗିଛନ୍ତି। 

ଧୋନିଙ୍କ ଏହି ରେକର୍ଡ ଭାଙ୍ଗିଲେ ହରମନପ୍ରୀତ :

ଏହି ମ୍ୟାଚ୍ ଜିତିବା ପରେ, ହରମନପ୍ରୀତ କୌର ଜଣେ ଭାରତୀୟ ଅଧିନାୟକ ଭାବରେ ଅଧିକାଂଶ T20I ବିଜୟ ପଞ୍ଜିକରଣ କରିବା ପାଇଁ ଏମଏସ ଧୋନିଙ୍କୁ ଅତିକ୍ରମ କରିଛନ୍ତି। ଅଧିନାୟକ ଭାବରେ 71 ଟି ମ୍ୟାଚରେ ହରମନପ୍ରୀତ 42 ଟି ବିଜୟ ଏବଂ 26 ଟି ପରାଜୟର ରେକର୍ଡ କରିଥିବାବେଳେ ତିନୋଟି ମ୍ୟାଚର ଫଳାଫଳ ଆସି ପାରିନାହିଁ। ଅନ୍ୟପକ୍ଷରେ ଧୋନି 72 ଟି ମ୍ୟାଚରେ 41 ଟି ବିଜୟ ଏବଂ 28 ପରାଜୟର ରେକର୍ଡ କରିଥିଲେ। ଧୋନିଙ୍କ ଅଧିନାୟକତ୍ୱରେ ଗୋଟିଏ ମ୍ୟାଚ୍ ଟାଇ ଭାବରେ ଶେଷ ହୋଇଥିବା ବେଳେ ଅନ୍ୟ ଦୁଇଟି ଫଳାଫଳ ନଥିଲା। ତେବେ ବର୍ତ୍ତମାନ ଧୋନିଙ୍କ ଏହି ରେକର୍ଡକୁ ଭାଙ୍ଗିଛନ୍ତି ହରମନପ୍ରୀତ କୌର୍।