ଜୁନ 26 ରୁ ମାଲାହିଡରେ ଆୟର୍ଲାଣ୍ଡ ବିପକ୍ଷ ଦୁଇ ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍ ପାଇଁ ବିସିସିଆଇ ବୁଧବାର ଟିମ୍ ଇଣ୍ଡିଆର ଦଳ ଘୋଷଣା କରିଛି। ଭାରତୀୟ ଦଳ ହାର୍ଦ୍ଦିକ ପାଣ୍ଡ୍ୟାଙ୍କ ନେତୃତ୍ୱ ନେଉଥିବାବେଳେ ଭୂବନେଶ୍ୱର କୁମାରଙ୍କୁ ଉପ-ଅଧିନାୟକ କରାଯାଇଛି ।

ରାହୁଲ ତ୍ରିପାଠୀ ମଧ୍ୟ ଦଳରେ ସ୍ଥାନ ପାଇଛନ୍ତି। ହାର୍ଦ୍ଦିକ ପ୍ରଥମ ଥର ପାଇଁ ଭାରତର ନେତୃତ୍ୱ ନେବେ, ସେ ଗୁଜୁରାଟ ଟାଇଟାନ୍ସକୁ ପ୍ରଥମ ସିଜନରେ ଇଣ୍ଡିଆନ ପ୍ରିମିୟର ଲିଗ୍ (ଆଇପିଏଲ୍) 2022 ଟାଇଟଲକୁ ଜିତାଇଥିଲେ । ଦକ୍ଷିଣ ଆଫ୍ରିକା ବିପକ୍ଷ ପାଞ୍ଚ ମ୍ୟାଚ୍ ବିଶିଷ୍ଟ ଟି-ଟ୍ୱେଣ୍ଟି ସିରିଜ୍ ପାଇଁ ସେ ବର୍ତ୍ତମାନ ଦଳର ଏକ ଅଂଶ ।

ଏହି ସମୟରେ ମହାରାଷ୍ଟ୍ର ବ୍ୟାଟ୍ସମ୍ୟାନ୍ ରାହୁଲ ତ୍ରିପାଠୀ ଦକ୍ଷିଣ ଆଫ୍ରିକା ଟି-୨୦ ପାଇଁ ଚୟନରୁ ବଞ୍ଚିତ ହେବା ପରେ ଏହି ସିରିଜରେ ସାମିଲ ହୋଇଛନ୍ତି । ସୁର୍ଯ୍ୟକୁମାର ଯାଦବ ଏବଂ ସଞ୍ଜୁ ସାମସନ ମଧ୍ୟ ଦଳରେ ପ୍ରତ୍ୟାବର୍ତ୍ତନ କରିବେ ।

ଦକ୍ଷିଣ ଆଫ୍ରିକା ବିପକ୍ଷ ସିରିଜ ପାଇଁ ପ୍ରଥମ ଥର ପାଇଁ ଦଳରେ ସାମିଲ ହୋଇଥିବା ଉମ୍ରାନ ମଲିକଙ୍କୁ ମଧ୍ୟ ଦଳରେ ରଖାଯାଇଛି। ଭାରତ ଏବଂ ଆୟର୍ଲାଣ୍ଡ ଯଥାକ୍ରମେ 26 ଜୁନ୍ ଏବଂ 28 ଜୁନ୍ରେ ଡବଲିନ୍ରେ ଦୁଇଟି ଟି-20 ଖେଳିବେ ।

ଇଂଲଣ୍ଡ ବିପକ୍ଷ ଷଷ୍ଠ ତଥା ଅନ୍ତିମ ଟେଷ୍ଟ କାରଣରୁ ଅଧିନାୟକ ରୋହିତ ଶର୍ମା ଏବଂ ବିରାଟ କୋହଲିଙ୍କ ସମେତ କିଛି ବଡ ନାମ ଦଳରେ ସ୍ଥାନ ପାଇଲେ ନାହିଁ ।

ଭାରତ T20I ଦଳ ବନାମ ଆୟର୍ଲାଣ୍ଡ:

ହାର୍ଦ୍ଦିକ ପାଣ୍ଡ୍ୟା (କ୍ୟାପଟେନ), ଭୂବନେଶ୍ୱର କୁମାର (ଉପ-କ୍ୟାପଟେନ), ଇଶାନ କିଶନ, ରୁତୁରାଜ ଗାଇକୱାଡ, ସଞ୍ଜୁ ସାମସନ, ସୂର୍ଯ୍ୟକୁମାର ଯାଦବ, ଭେଙ୍କଟେଶ ଆୟର, ଦୀପକ ହୁଡା, ରାହୁଲ ତ୍ରିପାଠୀ, ଦୀନେଶ କାର୍ତ୍ତିକ (ଡବ୍ଲୁ.କେ), ୟୁଜବେନ୍ଦ୍ର ଚହଲ, ହର୍ଷଲ ପଟେଲ, ଆଭେଶ ଖାନ, ଅର୍ଶଦୀପ ସିଂ, ଉମ୍ରାନ ମଲିକ ।