IPL 2022 : ମେଗା ଆକ୍ସନରେ ୧୦ କୋଟି ଟଙ୍କା ପର୍ଯ୍ୟନ୍ତ ବିକ୍ରି ହେବେ ଏହି ୩ ଜଣ ସ୍ପିନ୍ ବୋଲର , ୩ ନମ୍ବର ବୋଲର ତ ଧୋନିଙ୍କର ପ୍ରିୟ !
କ୍ରିକେଟ୍ ଖବର : ଆଇପିଏଲର ୧୫ ତମ ସିଜନ ପାଇଁ ୨ଟି ନୂଆ ଦଳ ଯୋଗ ହେବା ପରେ ଏହି ଲିଗର ଉତ୍ସାହ ଆହୁରି ବଢ଼ିବାକୁ ଯାଉଛି। ଏପ୍ରିଲରେ ଏହି ଲିଗ୍ ଆରମ୍ଭ ହେବା ପୂର୍ବରୁ ଜାନୁଆରୀରେ ହେବାକୁ ଥିବା ମେଗା ନିଲାମକୁ ପ୍ରଶଂସକମାନେ ମଧ୍ୟ ଅପେକ୍ଷା କରିଛନ୍ତି। ମେଗା ନିଲାମ ପୂର୍ବରୁ, ଲିଜରେ ଥିବା ଖେଳାଳିମାନଙ୍କୁ ନେଇ ବର୍ତ୍ତମାନ ଚର୍ଚ୍ଚା ଆରମ୍ଭ ହୋଇସାରିଛି। କାହାକୁ କେତେ ଟଙ୍କାରେ କିଣାଯିବ ତାକୁ ନେଇ କ୍ରିକେଟ୍ ପ୍ରେମୀମାନେ ଜାଣିବା ପାଇଁ ଉତ୍ସାହିତ ଅଛନ୍ତି।
ଅନ୍ୟପଟେ ଭାରତୀୟ ପିଚରେ ସ୍ପିନ୍ ବୋଲରମାନେ ପ୍ରାଧାନ୍ୟ ବିସ୍ତାର କରିଥାନ୍ତି। ଏଭଳି ପରିସ୍ଥିତିରେ, ଆଇପିଏଲର ସମସ୍ତ ଫ୍ରାଞ୍ଚାଇଜ୍ ଅନ୍ତତତଃ ଜଣେ ବିଶ୍ୱ ସ୍ତରୀୟ ସ୍ପିନ୍ ବୋଲରଙ୍କୁ ନିଜ ଦଳରେ ଅନ୍ତର୍ଭୁକ୍ତ କରିବାକୁ ଚାହୁଁଛନ୍ତି। ତେବେ ଆଜିର ଆର୍ଟିକିଲରେ, ଆମେ ଆପଣଙ୍କୁ ଏପରି ୫ ଜଣ ସ୍ପିନ୍ ବୋଲରଙ୍କ ବିଷୟରେ କହିବୁ ଯେଉଁମାନେ କି ଆଇପିଏଲ୍ ୨୦୨୨ ର ମେଗା ନିଲାମ ସମୟରେ ବିପୁଳ ପରିମାଣରେ ବିକ୍ରି ହେବେ।
୧) ରସିଦ ଖାନ :
ଆଫଗାନିସ୍ତାନ କ୍ରିକେଟ୍ ଦଳର ଭେଟେରାନ୍ ଲେଗ୍ ସ୍ପିନର ରସିଦ୍ ଖାନ୍ ଜଣେ ଲୋକପ୍ରିୟ ସ୍ପିନ ବୋଲର। ବିଶ୍ୱ କ୍ରିକେଟର ଶ୍ରେଷ୍ଠ ବୋଲରଙ୍କ ମଧ୍ୟରେ ରସିଦଙ୍କୁ ଗଣନା କରାଯାଏ। ୨୦୧୭ ରେ ସନରାଇଜର୍ସ ହାଇଦ୍ରାବାଦ (SRH) ସହିତ ନିଜର ଆଇପିଏଲ୍ କ୍ୟାରିଅର୍ ଆରମ୍ଭ କରିଥିବା ରସିଦ୍ ଗତ ୫ ବର୍ଷ ମଧ୍ୟରେ ନିଜର ଚମତ୍କାର ବୋଲିଂ ସହିତ ହାଇଦ୍ରାବାଦ ପାଇଁ ଅନେକ ମ୍ୟାଚ୍ ଜିତାଇଛନ୍ତି। ସେ ୨୦୧୮ ମସିହାରେ ହାଇଦ୍ରାବାଦକୁ ଫାଇନାଲରେ ନେବାରେ ପ୍ରମୁଖ ଭୂମିକା ଗ୍ରହଣ କରିଥିଲେ। ସେହିବର୍ଷ ସେ ମୋଟ ୨୧ ଟି ୱିକେଟ୍ ନେଇଥିଲେ।
ସାରା ବିଶ୍ୱରେ ହେଉଥିବା ଟି-୨୦ ଲିଗରେ ଖେଳିବାର ରସିଦଙ୍କ ପାଖରେ ଅପାର ଅଭିଜ୍ଞତା ଅଛି। ଏହି ଡାହାଣ ହାତର ଲେଗ୍-ସ୍ପିନର ବୋଲିଂ ସହିତ ଲମ୍ବା ଛକା ମାରିବାରେ ମଧ୍ୟ ପାରଙ୍ଗମ। ରସିଦ ଏପର୍ଯ୍ୟନ୍ତ ତାଙ୍କ ଆଇପିଏଲ କ୍ୟାରିୟରରେ ୭୬ ଟି ମ୍ୟାଚରେ ମୋଟ ୯୩ଟି ୱିକେଟ୍ ନେଇଛନ୍ତି। ତେବେ ହାଇଦ୍ରାବାଦ ତାଙ୍କୁ ଆଇପିଏଲ ୨୦୨୨ରେ ରିଟେନ କରିବାକୁ ଚାହୁଁଥିଲା। କିନ୍ତୁ ରସିଦ ମେଗା ନିଲାମରେ ପ୍ରବେଶ କରିବାକୁ ନିଷ୍ପତ୍ତି ନେଇଥିଲେ। ଏଭଳି ପରିସ୍ଥିତିରେ ଆଇପିଏଲ ୨୦୨୨ ର ମେଗା ନିଲାମ ସମୟରେ, ସମସ୍ତ ଦଳ ରସିଦଙ୍କୁ ଯେକୌଣସି ମୂଲ୍ୟରେ କିଣିବା ପାଇଁ ଚେଷ୍ଟା କରିବେ। ଅନ୍ୟପଟେ ଶୁଣିବାକୁ ମିଳୁଛି ଯେ, ପ୍ରଥମ ଥର ପାଇଁ ଆଇପିଏଲରେ ଭାଗ ନେଉଥିବା ଲକ୍ଷ୍ନୌ ଫ୍ରାଞ୍ଚାଇଜ୍ ତାଙ୍କୁ ନିଜ ଦଳରେ ଅନ୍ତର୍ଭୁକ୍ତ କରିବାକୁ ଯାଉଛନ୍ତି।
୨) ୟୁଜବେନ୍ଦ୍ର ଚହଲ :
ଗତ ଏକ ବର୍ଷ ଭାରତୀୟ ଦଳର ଷ୍ଟାର ଲେଗ ସ୍ପିନର ୟୁଜବେନ୍ଦ୍ର ଚହଲଙ୍କ ପାଇଁ ବିଶେଷ କିଛି ନୂଆ ହୋଇନାହିଁ। ନିଜର ଖରାପ ପ୍ରଦର୍ଶନ ଯୋଗୁଁ ତାଙ୍କୁ ଭାରତୀୟ ଦଳରୁ ବାହାରେ ରହିବାକୁ ପଡିଛି। ତାଙ୍କୁ ଚଳିତ ବର୍ଷ ହୋଇଥିବା ଟି-୨୦ ବିଶ୍ୱକପ ଦଳରେ ସୁଯୋଗ ଦିଆଯାଇନଥିଲା। କିନ୍ତୁ ୟୁଏଇରେ ଖେଳାଯାଇଥିବା ଆଇପିଏଲ ୨୦୨୧ ର ଦ୍ୱିତୀୟ ପର୍ଯ୍ୟାୟରେ ସେ ତାଙ୍କର ବୋଲିଂ ଦ୍ୱାରା ସମସ୍ତଙ୍କୁ ବହୁତ ପ୍ରଭାବିତ କରିଥିଲେ। ଆଇପିଏଲର ୧୪ ତମ ସିଜନରେ ଚହଲ ୧୫ ଟି ମ୍ୟାଚ ଖେଳି ୨୧ ଟି ୱିକେଟ୍ ନେଇଥିଲେ। ତେବେ ୨୦୨୨ରେ ହେବାକୁ ଥିବା ଆଇପିଏଲରେ ନିଜ ଦଳରେ ଚହଲଙ୍କୁ ସ୍ଥାନ ଦେଇନି ଆରସିବି। ଏପରି ପରିସ୍ଥିତିରେ, ଆଇପିଏଲ୍ ୨୦୨୨ ର ମେଗା ନିଲାମ ସମୟରେ, ଅନେକ ଫ୍ରାଞ୍ଚାଇଜ୍ ଏହି ଚାମ୍ପିଅନ୍ ବୋଲରଙ୍କୁ ସେମାନଙ୍କ ଦଳ ସହିତ ଯୋଡିବା ପାଇଁ ବିପୁଳ ପରିମାଣର ଅର୍ଥ ଖର୍ଚ୍ଚ କରିପାରନ୍ତି ବୋଲି ସାଧାରଣରେ ଚର୍ଚ୍ଚା ହେଉଛି।
୩) ରବିଚନ୍ଦ୍ରନ୍ ଅଶ୍ୱିନ୍ :
ଭାରତୀୟ ଦଳର ଅଭିଜ୍ଞ ଅଫ୍ ସ୍ପିନର ରବିଚନ୍ଦ୍ରନ୍ ଅଶ୍ୱିନ୍ ଆଜିର ସମୟରେ ଜଣେ ସର୍ବୋତ୍ତମ ସ୍ପିନ୍ ବୋଲର ଅଟନ୍ତି। ଅଶ୍ୱିନଙ୍କର କ୍ରିକେଟ୍ ଅଭିଜ୍ଞତା ବହୁତ ଅଛି। ନ୍ୟୁଜିଲ୍ୟାଣ୍ଡ ସହ ନିକଟରେ ଶେଷ ହୋଇଥିବା ଟେଷ୍ଟ ସିରିଜରେ ଅଶ୍ୱିନ ଟେଷ୍ଟ କ୍ରିକେଟରେ ୱିକେଟ୍ ମାମଲାରେ ହରଭଜନ ସିଂଙ୍କୁ ପଛରେ ପକାଇ ଦେଇଛନ୍ତି। ଯଦି ଆମେ ଆଇପିଏଲ ବିଷୟରେ କହିବା ତେବେ, ଶେଷ ଦୁଇଟି ସିଜନରେ ଦିଲ୍ଲୀ କ୍ୟାପିଟାଲସ୍ ପାଇଁ ଖେଳୁଥିବା ଅଶ୍ୱିନ୍ ପୂର୍ବରୁ ପଞ୍ଜାବ କିଙ୍ଗସ୍ (PBKS), ରାଇଜିଂ ପୁଣେ ସୁପରଜିଆଣ୍ଟସ୍ (ଆରପିଏସଜି) ଏବଂ ଚେନ୍ନାଇ ସୁପର କିଙ୍ଗସ୍ (ସିଏସକେ) ଦଳର ଅଂଶ ଥିଲେ। ସେ ପଞ୍ଜାବ କିଙ୍ଗ୍ସ ପାଇଁ ମଧ୍ୟ ଅଧିନାୟକତ୍ୱ କରିଛନ୍ତି।
ଅନ୍ୟପଟେ ଅଶ୍ୱିନ୍ ବର୍ତ୍ତମାନ ଉତ୍କୃଷ୍ଟ ଫର୍ମରେ ଚାଲୁଛନ୍ତି | ଆଇପିଏଲରେ ଚମତ୍କାର ପ୍ରଦର୍ଶନ କରିବାର ପ୍ରାୟ ୪ ବର୍ଷ ପରେ ସେ ସୀମିତ ଓଭର କ୍ରିକେଟ୍ ରେ ପ୍ରତ୍ୟାବର୍ତ୍ତନ କରିଛନ୍ତି। ୟୁଏଇରେ ଖେଳାଯାଇଥିବା ଟି – ୨୦ ବିଶ୍ୱକପ ୨୦୨୧ ରେ ଅଶ୍ୱିନ ତାଙ୍କ ଚମତ୍କାର ବୋଲିଂରେ ବହୁତ ବ୍ୟଟ୍ସମ୍ୟାନଙ୍କୁ ପ୍ରଭାଭିତ କରିଛନ୍ତି। ଏହା ପରେ ତାଙ୍କୁ ନ୍ୟୁଜିଲାଣ୍ଡ ବିପକ୍ଷ ଘରୋଇ ଟି-୨୦ ସିରିଜରେ ମଧ୍ୟ ସୁଯୋଗ ଦିଆଯାଇଥିଲା। ସେଠିମଧ୍ୟ ଅଶ୍ୱିନ୍ ନିଜର ବୋଲିଂ ଯାଦୁ ଦେଖାଇଥିଲେ।
ତେବେ ଦିଲ୍ଲୀ କ୍ୟାପିଟାଲ୍ସ ତାଙ୍କୁ ଆସନ୍ତା ବର୍ଷ ହେବାକୁ ଥିବା ଆଇପିଏଲ ପାଇଁ ରିଟେନ କରିନାହିଁ। ଏଭଳି ପରିସ୍ଥିତିରେ, ଆଇପିଏଲ୍ ୨୦୨୨ ନିଲାମ ସମୟରେ ଅଶ୍ୱିନ୍ ବହୁତ ଟଙ୍କାରେ ବିକ୍ରି ହୋଇପାରନ୍ତି। ଏହି କିମ୍ବଦନ୍ତୀ ଡାହାଣହାତୀ ସ୍ପିନର ତାଙ୍କ ଆଇପିଏଲ କ୍ୟାରିୟରରେ ମୋଟ ୧୬୭ ମ୍ୟାଚରେ ୧୪୫ ଟି ୱିକେଟ୍ ନେଇଛନ୍ତି।