ଏହି ୫ ଜଣ ଖେଳାଳିଙ୍କୁ ପରବର୍ତ୍ତୀ ସିଜନରେ କେହି କିଣିବେ ନାହିଁ, IPL 2022 ରେ ଖେଳୁଛନ୍ତି ସବୁଠୁ ବେକାର୍ !
କ୍ରିକେଟ୍ ଖବର : ଚଳିତବର୍ଷର ଆଇପିଏଲ୍ ସିଜନ ଆରମ୍ଭ ପୂର୍ବରୁ ଖେଳାଳି କିଣାବିକା ସମୟରେ ଅନେକ ଭଲ ଭଲ ଖେଳାଳିଙ୍କୁ କୌଣସି ଦଳ କିଣିବା ପାଇଁ ଆଗ୍ରହ ପ୍ରକାଶ କରିନଥିଲେ। ଭାରତୀୟ ଦଳର ପୂର୍ବତନ ଷ୍ଟାର୍ ଖେଳାଳି ସୁରେଶ ରାଇନାଙ୍କ ସମେତ ଅନେକ ଭଲ ଭଲ ଖେଳାଳିଙ୍କୁ କୌଣସି ଦଳ କିଣିବା ପାଇଁ ଆଗ୍ରହ ପ୍ରକାଶ କରିନଥିଲେ। ଯେଉଁଥିପାଇଁ ସେମାନେ ଅନସୋଲ୍ଡ ରହିଯାଇଥିଲେ। ତେବେ ଚଳିତବର୍ଷର ସିଜନରେ ମଧ୍ୟ କିଛି ଖେଳାଳି ଭଲ ଖେଳ ପ୍ରଦର୍ଶନ କରିପାରୁନାହାନ୍ତି। ଏହି ଖେଳାଳିମାନଙ୍କୁ ଆଗାମୀ ସିଜନରେ ଦଳରୁ ବାହାର କରିବା ପାଇଁ ଫ୍ରାଞ୍ଚାଇଜମାନେ ଚିନ୍ତା କରୁଛନ୍ତି।
ଆଜିର ଏହି ଆର୍ଟିକାଲରେ ଆମେ ୫ ଜଣ ଖେଳାଳିଙ୍କ ବିଷୟରେ ଆଲୋଚନା କରିଛୁ, ଯେଉଁମାନଙ୍କୁ କି ଆଗାମୀ ସିଜନରେ ଫ୍ରାଞ୍ଚାଇଜ୍ ଗୁଡିକ ରିଲିଜ୍ ପାଇଁ ଛାଡ଼ିଦେବେ ଆଉ ଖେଳାଳି ନିଲାମ ସମୟରେ ବି କୌଣସି ଦଳ ଏହି ୫ ଜଣ ଖେଳାଳିଙ୍କୁ କିଣିବେ ନାହିଁ। ତେବେ ଚାଲନ୍ତୁ ଜାଣିବା ସେମାନଙ୍କ ବିଷୟରେ...
୧) ଅଜିଙ୍କ୍ୟେ ରାହାଣେ - କୋଲକାତା ନାଇଟ୍ ରାଇଡର୍ସ :
ଆଇପିଏଲ୍ ୨୦୨୨ ର ଖେଳାଳୀମାନଙ୍କ ମଧ୍ୟରୁ ଅଜିଙ୍କ୍ୟେ ରାହାଣେଙ୍କୁ କୋଲକାତା ଟିମ୍ ନିଲାମୀ ପାଇଁ ରିଲିଜ୍ କରିପାରେ। ତେବେ ସେ ପରବର୍ତ୍ତୀ ସିଜନରେ ବିକ୍ରି ହୋଇନପାରନ୍ତି। ଯଦିଓ ଏହି ସିଜନରେ ତାଙ୍କର ପ୍ରଥମ ଖେଳ ଭଲ ଥିଲା, କିନ୍ତୁ ବାକି ମ୍ୟାଚ ଗୁଡିକରେ ସେ ଭଲ ଖେଳ ଖେଳିପାରିନାହାନ୍ତି। ସେ ପ୍ଲେଇଙ୍ଗ ଏକାଦଶକୁ ପ୍ରତ୍ୟାବର୍ତ୍ତନ କରିଛନ୍ତି ସତ, କିନ୍ତୁ କେକେଆର ତାଙ୍କୁ ଆସନ୍ତା ସିଜନରେ ବଜାୟ ରଖିବାକୁ ଚାହୁଁନାହିଁ। ଅନ୍ୟପଟେ ରାହାଣେଙ୍କ ପାଇଁ ଭାରତୀୟ ଟି-୨୦ ଦଳକୁ ଫେରିବା ପ୍ରାୟ ଅସମ୍ଭବ ମନେ ହେଉଛି। ଏଭଳି ପରିସ୍ଥିତିରେ ରାହାଣେଙ୍କୁ ଆସନ୍ତା ବର୍ଷର ଆଇପିଏଲର ନିଲାମୀରେ କୌଣସି ଫ୍ରାଞ୍ଚାଇଜ୍ କିଣିବା ପାଇଁ ଆଗ୍ରହ ପ୍ରକାଶ କରିବେ ନାହିଁ।
୨) ଡାରିଲ୍ ମିଚେଲ୍ - ରାଜସ୍ଥାନ ରୟାଲ୍ସ :
ଏହି କିୱି ଅଲରାଉଣ୍ଡର ଚଳିତବର୍ଷର ନିଲାମରେ ରାଜସ୍ଥାନ ଦଳରେ ଖେଳିବା ପାଇଁ ସାଇନ୍ କରିଛନ୍ତି। କିନ୍ତୁ ସେ ଚଳିତବର୍ଷର ଆଇପିଏଲରେ ଆଶାନୁରୁପ ପ୍ରଦର୍ଶନ କରିପାରିନାହାନ୍ତି। ତାଙ୍କ ପସନ୍ଦିତ ଶର୍ଟ ଚଳିତ ଆଇପିଏଲରେ ଦେଖିବାକୁ ମିଳିନାହିଁ। ରାଜସ୍ଥାନ ଆଗାମୀ ସିଜନର ନିଲାମୀ ସମୟରେ ମିଚେଲଙ୍କୁ ରିଲିଜ୍ କରିପାରେ। ଯଦି ସେ ନିଲାମରେ ଯାଆନ୍ତି ତେବେ ଅନ୍ୟ କୌଣସି ଦଳ ତାଙ୍କୁ କିଣିବାକୁ ପସନ୍ଦ କରିବେ ନାହିଁ। କାରଣ ମିଚେଲ୍ ଚଳିତବର୍ଷର ଆଇପିଏଲ୍ ସିଜନରେ ଭଲ ଖେଳିନାହାନ୍ତି।
୩) ଶେଲଡନ୍ ଜ୍ୟାକସନ - କୋଲକାତା ନାଇଟ୍ ରାଇଡର୍ସ :
ଶେଲଡନ୍ ଜ୍ୟାକସନଙ୍କୁ ଏହି ସିଜନରେ ଅନେକ ସୁଯୋଗ ମିଳିଛି। ତେବେ ସେ ଏହି ସିଜନର କୌଣସି ମ୍ୟାଚ୍ରେ ନିଜର ସ୍ଥିତିକୁ ଯଥାର୍ଥତା ଦେଇପାରି ନାହାଁନ୍ତି। ତାଙ୍କ ବୟସକୁ ବିଚାରକୁ ନେଇ, ଫ୍ରାଞ୍ଚାଇଜ୍ ଜ୍ୟାକସନଙ୍କୁ ଆସନ୍ତା ଆଇପିଏଲ୍ ସିଜନରେ ରିଲିଜ କରିବ। ଯଦି KKR ତାଙ୍କୁ ମୁକ୍ତ କରେ, ତେବେ ସେ IPL 2023 ପାଇଁ ବିକ୍ରି ହୋଇନପାରନ୍ତି।
୪) ଟାଇମାଲ ମିଲ୍ସ - ମୁମ୍ବାଇ ଇଣ୍ଡିଆନ୍ସ :
ଆଇପିଏଲ୍ ୨୦୨୨ ର ଖେଳାଳୀମାନଙ୍କ ମଧ୍ୟରୁ ଟାଇମାଲ୍ ମିଲ୍ସ ଅନ୍ୟତମ ଯିଏକି ପରବର୍ତ୍ତୀ ସିଜନରେ ରିଲିଜ୍ ହୋଇପାରନ୍ତି। ଯଦିଓ ସେ ଅନ୍ୟ ଇଭେଣ୍ଟରେ ଭଲ ଫର୍ମରେ ଥିଲେ ମଧ୍ୟ ମିଲ୍ସ ମୁମ୍ବାଇ ଇଣ୍ଡିଆନ୍ସ ପାଇଁ ଭଲ ଖେଳିପାରି ନାହାନ୍ତି। ସେ ଚଳିତ ସିଜନରେ ଆହତ ହୋଇଛନ୍ତି। ତେବେ ଯେତେବେଳେ ମୁମ୍ବାଇ ତାଙ୍କୁ ରିଲିଜ୍ କରିବ, ତାଙ୍କର ଏକ-ଡାଇମେନ୍ସନାଲ୍ ଅବଦାନକୁ ବିଚାରକୁ ନେଇ, ଅନ୍ୟ ଦଳମାନେ ତାଙ୍କୁ ନିଯୁକ୍ତି ଦେବା ପାଇଁ ଅଧିକ ଆଗ୍ରହୀ ହେବେ ନାହିଁ। ତେଣୁ, ଆଗାମୀ ବର୍ଷର ଆଇପିଏଲ ସିଜନରେ ଏହି ଇଂରାଜୀ କ୍ରିକେଟର ବିକ୍ରି ହେବେ ନାହିଁ।
୫) ବିଜୟ ଶଙ୍କର - ଗୁଜୁରାଟ ଟାଇଟାନ୍ସ :
ଗୁଜୁରାଟ ଟାଇଟାନ୍ସ ଦଳରେ ଚଳିତବର୍ଷ ଏକାଧିକ ସୁଯୋଗ ସତ୍ତ୍ୱେ ବିଜୟ ଶଙ୍କର ଭଲ ଖେଳ ପ୍ରଦର୍ଶନ କରିପାରି ନାହାନ୍ତି। ତେଣୁ ଗୁଜରାଟ ଟାଇଟାନ୍ସ ଏହି ଅଲରାଉଣ୍ଡରଙ୍କୁ ଆସନ୍ତା ବର୍ଷର ମେଗା ନିଲାମରେ ରିଲିଜ୍ କରିପାରେ। ଯଦି ବିଜୟଙ୍କୁ ଗୁଜୁରାଟ ରିଲିଜ୍ କରିଦିଏ ତେବେ ସେ ୨୦୨୩ ଆଇପିଏଲରେ ଖେଳିବାର ସୁଯୋଗ ପାଇବେ ନାହିଁ ବୋଲି ଚର୍ଚ୍ଚା ହେଉଛି। କାରଣ ଚଳିତ ସିଜନରେ ବହୁତ ଖରାପ ଖେଳ ପ୍ରଦର୍ଶନ କରୁଛନ୍ତି।