ଦେଖନ୍ତୁ ଭିଡ଼ିଓ: IPL ଫାଇନାଲ ରେ ଜିରୋ ରେ ଆଉଟ ହେବା ପରେ ଧୋନିଙ୍କ ଆଖିରେ ଦେଖାଗଲା ଲୁହ, ପତ୍ନୀ ସାକ୍ସି ଏବଂ ଝିଅ ଜୀଭା ମଧ୍ୟ ହେଲେ ଭାବୁକ
ଚେନ୍ନାଇ ସୁପର କିଙ୍ଗ୍ସ ଏବଂ ଗୁଜୁରାଟ ଟାଇଟାନ୍ସ ମଧ୍ୟରେ ଚାଲିଥିବା ଆଇପିଏଲ 2023 ଫାଇନାଲ ମ୍ୟାଚରେ ମହେନ୍ଦ୍ର ସିଂ ଧୋନି ଙ୍କ ପ୍ରଶଂସକମାନେ ନିରାଶ ହୋଇଥିଲେ । ଧୋନି ଯେତେବେଳେ ବ୍ୟାଟିଂ କରିବାକୁ ଆସିଥିଲେ, ଚେନ୍ନାଇକୁ ଜିତିବା ପାଇଁ ମାତ୍ର 22 ରନ୍ ଆବଶ୍ୟକ ଥିଲା । ଧୋନି 6 ମାରି ମ୍ୟାଚ ଶେଷ କରିବେ ବୋଲି ଆଶା କରାଯାଉଥିଲା କିନ୍ତୁ ପ୍ରଶଂସକମାନେ ନିରାଶ ହୋଇଥିଲେ ।
ପ୍ରଥମ ବଲରେ ଆଉଟ୍ ହେଲେ ମାହି:
ଯେତେବେଳେ ମହେନ୍ଦ୍ର ସିଂ ଧୋନି ବ୍ୟାଟିଂ କରିବାକୁ ବାହାରିଥିଲେ, ସେତେବେଳେ ମୋହିତ ଶର୍ମା ବୋଲିଂ କରୁଥିଲେ । ମୋହିତ ଶର୍ମା ଏବଂ ଧୋନି ପରସ୍ପର ସହ ଖେଳିବାର ଦୀର୍ଘ ଅଭିଜ୍ଞତା ରଖିଛନ୍ତି, କିନ୍ତୁ ଏଥର ମୋହିତ ଶର୍ମା ଧୋନିଙ୍କୁ ପରାସ୍ତ କରି ତାଙ୍କୁ ପ୍ରଥମ ବଲରେ ଆଉଟ୍ କରିଥିଲେ। ଧୋନିଙ୍କ କ୍ୟାଚ୍ ଡେଭିଡ ମିଲର ଧରିଥିଲେ । ଧୋନି ପ୍ରଥମ ବଲରେ ଆଉଟ ହୋଇଥିବା ଦେଖି ତାଙ୍କ ପତ୍ନୀ ସାକ୍ସି ଏବଂ ଝିଅ ଜିଭା ମଧ୍ୟ ନିରାଶ ହୋଇଥିଲେ ।
ଦେଖନ୍ତୁ ଭିଡ଼ିଓ:
ପ୍ରଥମ ବଲରେ ମହେନ୍ଦ୍ର ସିଂ ଧୋନିଙ୍କ ଆଉଟ ହେବା ଚେନ୍ନାଇର ବିଜୟ ଉପରେ କୌଣସି ପ୍ରଭାବ ପକାଇ ନଥିଲା ଏବଂ ଚେନ୍ନାଇ ଗୁଜୁରାଟକୁ 5 ୱିକେଟରେ ପରାସ୍ତ କରି ମ୍ୟାଚ ଜିତିଥିଲା । ଚେନ୍ନାଇ ଅନ୍ତିମ ଓଭରର ଶେଷ ବଲରେ 15 ଓଭରରେ 171 ରନର ସଂଶୋଧିତ ଲକ୍ଷ୍ୟ ହାସଲ କରିଥିଲା । ଶେଷ ବଲ ଟିରେ ଜାଡେଜା ଚେନ୍ନାଇକୁ ଛକା ଚୌକା ମାରି ବିଜୟ ଦେଇଥିଲେ ।
ଚେନ୍ନାଇ ପାଇଁ କନୱେ 47, ଶିବମ୍ ଦୁବେ 32 ଆଉଟ୍, ରାହାନେ 27, ଗାଇକୱାଡ 26, ରାୟୁଡୁ 19 ଏବଂ ଜାଡେଜା 15 ରନ ସ୍କୋର କରିଥିଲେ ।