ଅସୁବିଧାରେ ଆଇପିଏଲର ଏହି ୪ ଦଳ! କିଏ ହେବ ଅଧିନାୟକ?

ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ଆରମ୍ଭ ହେବା ପାଇଁ ଆଉ ମାତ୍ର କିଛି ମାସ ବାକି ଅଛି। ଯଦି ରିପୋର୍ଟଗୁଡିକ ବିଶ୍ୱାସ କରାଯାଏ, ତେବେ ଏହାର ୧୮ ତମ ସିଜନ ମାର୍ଚ୍ଚ ୧୪ ତାରିଖରୁ ଆରମ୍ଭ ହେବାକୁ ଯାଉଛି। ଯେଉଁଠାରେ ଫାଇନାଲ ମ୍ୟାଚ୍ ୨୫ ମଇରେ ଖେଳାଯିବ। ଏହାପୂର୍ବରୁ ସମସ୍ତ ଦଳ ନିଜ ନିଜର ପ୍ରସ୍ତୁତି ଆରମ୍ଭ କରିଛନ୍ତି। କିନ୍ତୁ, ୪ ଟି ଦଳ ଅସୁବିଧାରେ ଥିବା ଜଣାପଡିଛି। ସେମାନେ ଏପର୍ଯ୍ୟନ୍ତ ସେମାନଙ୍କ ଅଧିନାୟକଙ୍କ ନାମ ଘୋଷଣା କରିନାହାଁନ୍ତି। ଆସନ୍ତୁ ଜାଣିବା ସେହି ଦଳଗୁଡିକ ବିଷୟରେ …

ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୫ ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ମେଗା ନିଲାମ ପରେ ସମସ୍ତ ଦଳର ସ୍କ୍ୱାର୍ଡ ସାମ୍ନାକୁ ଆସିଛି। ଏଥର ଆଇପିଏଲର ୧୮ ତମ ସିଜନରେ ଏକ କଠିନ ପ୍ରତିଯୋଗିତା ଦେଖିବାକୁ ମିଳିପାରିବ। କାରଣ ମେଗା ନିଲାମରେ ଅନେକ ଖେଳାଳି ସେମାନଙ୍କ ପୁରୁଣା ଦଳ ବିପକ୍ଷରେ ଖେଳୁଥିବା ଦେଖିବାକୁ ମିଳିବ। ଯେତେବେଳେ କି କିଛି ଖେଳାଳି ସେମାନଙ୍କର ପୁରୁଣା ଫ୍ରାଞ୍ଚାଇଜକୁ ଫେରିଥିବା ମଧ୍ୟ ନଜ଼ର ଆସିଛନ୍ତି।

ଏଭଳି ପରିସ୍ଥିତିରେ, ଗୋଟିଏ କଥା ନିଶ୍ଚିତ ଯେ ପ୍ରତିବର୍ଷ ଭଳି ପ୍ରଶଂସକମାନେ ମଧ୍ୟ ଚଳିତ ବର୍ଷ ଉତ୍ତମ ମନୋରଞ୍ଜନ ଦେଖିବାକୁ ପାଇବେ। କିନ୍ତୁ ଏହାପୂର୍ବରୁ ଦିଲ୍ଲୀ କ୍ୟାପିଟାଲ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, କୋଲକାତା ନାଇଟ୍ ରାଇଡର୍ସ ଏବଂ ଲକ୍ଷ୍ନୌ ଦଳ ଅସୁବିଧାରେ ଥିବା ଜଣାପଡିଛି। ଏହି ସମସ୍ତ ଦଳ ସେମାନଙ୍କ ଅଧିନାୟକଙ୍କ ନାମ ପ୍ରକାଶ କରିନାହାଁନ୍ତି। 

ଦିଲ୍ଲୀ କ୍ୟାପିଟାଲ୍ସ, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର, କୋଲକାତା ନାଇଟ୍ ରାଇଡର୍ସ ଏବଂ ଲକ୍ଷ୍ନୌ ଦଳ ଅଧିନାୟକ ହେବାକୁ ଥିବା ଖେଳାଳିଙ୍କୁ ନେଇ ଦ୍ୱନ୍ଦ୍ୱରେ ଥିବା ଜଣାପଡିଛି।  ମୁମ୍ବାଇର ହାର୍ଦ୍ଦିକ ପାଣ୍ଡ୍ୟା ଅଧିନାୟକ ହେବେ। ଚେନ୍ନାଇ ସୁପର କିଙ୍ଗ୍ସର ଅଧିନାୟକ ରୁତୁରାଜ ଗାଇକୱାଡ ରହିବେ। ଯେଉଁଠାରେ ପ୍ୟାଟ୍ କମିନ୍ସ SRH କୁ ଆଗେଇ ନେଇପାରନ୍ତି |  କିନ୍ତୁ, RCB, KKR, LSG ଏବଂ DC ରୁ ସେପରି କୌଣସି ସୂଚନା  ମିଳିପାରିନାହିଁ।

ସୂଚନାନୁସାରେ, ଆରସିବି ବିରାଟ କୋହଲିଙ୍କୁ ପୁଣି ଅଧିନାୟକ କରିପାରେ, ଅନ୍ୟପକ୍ଷରେ କେକେଆରକୁ ନେଇ କୌଣସି ସୂଚନା ମିଳିନାହିଁ। ଗୋଟିଏ ପଟେ ରିଙ୍କୁ ସିଂଙ୍କୁ ଅଧିନାୟକ କରାଯିବାର ଗୁଜବ ରହିଛି। ଲକ୍ଷ୍ନୌ ଆଇପିଏଲର ସବୁଠାରୁ ମହଙ୍ଗା ଖେଳାଳି ଋଷଭ ପନ୍ତଙ୍କୁ ଅଧିନାୟକ କରିପାରନ୍ତି। ଅନ୍ୟପକ୍ଷରେ କେ.ଏଲ୍ ରାହୁଲ ଆଇପିଏଲ୍ ୨୦୨୫ରେ ଡିସି ଦଳର ଅଧିନାୟକ ହୋଇପାରନ୍ତି।