ଅଧିନାୟକ ପଦରୁ ହଟାଇବା ପରେ ରାଗିଲେ ରୋହିତ ଫ୍ୟାନ୍ସ, ମୁମ୍ବାଇ ହରାଇଲା ଗୋଟେ ଘଂଟାରେ 4 ଲକ୍ଷ ଫଲୋଅର୍ସ
IPL 2029 ର ଅକ୍ସନ ଏହି ମାସ 19 ରେ ହେବ, ଯେଉଁଥି ପାଇଁ ଫ୍ରାଞ୍ଚାଇଜ୍ ଜୋରଦାର ପ୍ରସ୍ତୁତି ଆରମ୍ଭ କରିଛନ୍ତି ।ତେବେ ମିନି ନିଲାମୀ ପୂର୍ବରୁ ମୁମ୍ବାଇ ଇଣ୍ଡିଆନ୍ସ କରିଛି ବଡ଼ ପରିବର୍ତ୍ତନ। MI ର ସବୁଠୁ ସଫଳ ଅଧିନାୟକ ରୋହିତଙ୍କୁ କ୍ୟାପଯେନ୍ ପଦରୁ ହଟାଇ ଦେଇଛି ।
ରୋହିତଙ୍କୁ କ୍ୟାପଯେନ୍ ପଦରୁ ହଟାଇ ମୁମ୍ବାଇ ହାର୍ଦ୍ଦିକ ପାଣ୍ଡ୍ୟା ଙ୍କୁ ତାଙ୍କ ଦଳର ନୂତନ ଅଧିନାୟ ଭାବରେ ନିଯୁକ୍ତି କରିଛି । IPL 2024 ସିଜନ ରେ ଏବେ ପାଣ୍ଡ୍ୟା ଦଳ କୁ ସମ୍ଭାଳୁଥିବାର ଆପଣମାନେ ଦେଖିବାକୁ ପାଇବେ ।
MI ଫ୍ୟାନ୍ସ ହେଲେ କ୍ରୋଧିତ:
ତେବେ ସବୁଠାରୁ ବଡ଼ କଥା ହେଉଛି ଗତ ଶୁକ୍ରବାର ସନ୍ଧ୍ୟାରେ ଏହି ଖବର ଆସିବା ପରେ MIଙ୍କ ଫ୍ୟାନ୍ସ ମାନଙ୍କ ମଧ୍ୟରେ ଦେଖିବାକୁ ମିଳିଛି ତୀବ୍ର ପ୍ରତିକ୍ରିୟା। ବିଶେଷ କରି ସୋସିଆଲ ମିଡିଆରେ ଫ୍ୟାନ୍ସମାନେ ତାଙ୍କ ପ୍ରତିକ୍ରିୟା ପ୍ରକାଶ କରିଛନ୍ତି।
ହାର୍ଦ୍ଦିକ ଅଧିନାୟକ ଘୋଷଣା ହେବା ପରେ ମୁମ୍ବାଇ ଇଣ୍ଡିଆନ୍ସ ସୋସିଆଲ ମିଡିଆ ପେଜ୍କୁ ବହୁ ଫ୍ୟାନ୍ସ ଅନ୍ ଫଲୋ କରୁଥିବାର ଦେଖିବାକୁ ମିଳିଥିଲା। ନୂଆ ଅଧିନାୟକ ଘୋଷଣା ହେବାର ଏକ ଘଣ୍ଟା ମଧ୍ୟରେ ମୁମ୍ବାଇ ଇଣ୍ଡିଆନ୍ସର ‘X’ରେ ୪ ଲକ୍ଷ ଫଲୋଅର୍ସ ହ୍ରାସ ପାଇଛି।
ସେହିପରି ଇନଷ୍ଟାଗ୍ରାମରେ ମଧ୍ୟ MI ର ଫଲୋଅର୍ସ ଦ୍ରୁତ ଗତିରେ ହ୍ରାସ ପାଉଥିବା ଦେଖିବାକୁ ମିଳିଛି। କେବଳ ଏତିକି ନୁହେଁ ରୋହିତଙ୍କୁ ଅଧିନାୟକ ପଦରୁ ହଟାଇ ଏହି ପୋଷ୍ଟ ହାର୍ଦ୍ଦିକଙ୍କୁ ମିଳିବା ପରେ ସୋସିଆଲମିଡିଆରେ ‘ShameonMI’ ବି ଟ୍ରେଣ୍ଡ କରୁଛି।