MI ଫ୍ୟାନ୍ସଙ୍କ ପାଇଁ ଦୁଃଖ ଖବର, ମୁମ୍ବାଇ ଛାଡ଼ି ଏହି ଫ୍ରାଞ୍ଚାଇଜରୁ ଖେଳିବେ ରୋହିତ ଶର୍ମା

ବର୍ତ୍ତମାନ IPL ୨୦୨୪ ଆରମ୍ଭ ପାଇଁ ଆଉ କିଛି ସପ୍ତାହ ବାକି ଅଛି। ଏହି ମେଗା ଇଭେଣ୍ଟ ପାଇଁ ପ୍ରସ୍ତୁତି ଜୋରସୋରରେ ଚାଲିଛି। ଆଇପିଏଲର ୧୭ ତମ ସଂସ୍କରଣ ମାର୍ଚ୍ଚ ଶେଷ ସପ୍ତାହରୁ ଆରମ୍ଭ ହୋଇପାରେ।  ତେବେ ଆଇପିଏଲ୍ ୨୦୨୪ ପୂର୍ବରୁ ରୋହିତ ଶର୍ମା ତାଙ୍କ ଦଳ ମୁମ୍ବାଇ ଇଣ୍ଡିଆନ୍ସ ଛାଡି ଏକ ନୂତନ ଫ୍ରାଞ୍ଚାଇଜରେ ଯୋଗ ଦେଇ ପାରନ୍ତି।

ନିକଟରେ ମୁମ୍ବାଇର ଅଧିନାୟକତ୍ୱ ରୋହିତଙ୍କଠାରୁ ଛଡ଼ାଇ ହାର୍ଦ୍ଦିକ ପାଣ୍ଡ୍ୟାଙ୍କୁ ଦିଆଯାଇଥିଲା, ଯାହା ପରେ ରୋହିତ ବର୍ତ୍ତମାନ ଏକ ବଡ ନିଷ୍ପତ୍ତି ନେଇପାରନ୍ତି। ମିଡିଆ ରିପୋର୍ଟ ଅନୁଯାୟୀ, ରୋହିତ ଶର୍ମା ମୁମ୍ବାଇର ପରିଚାଳନାରେ ଖୁସି ନୁହଁନ୍ତି। ଏଭଳି ପରିସ୍ଥିତିରେ ସେ ଆଗାମୀ ସିଜନ ପୂର୍ବରୁ ଏକ ବଡ଼ ନିଷ୍ପତ୍ତି ନେଇ ସମସ୍ତଙ୍କୁ ଆଶ୍ଚର୍ଯ୍ୟ କରିପାରନ୍ତି।

ଭାରତ ଏବଂ ଇଂଲଣ୍ଡ ମଧ୍ୟରେ ଖେଳାଯିବାକୁ ଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ପରେ ହିଟମ୍ୟାନ୍ ଆଇପିଏଲ୍ ସମ୍ବନ୍ଧରେ ଏକ ବଡ଼ ଘୋଷଣା କରିବେ ବୋଲି ବିଶ୍ୱାସ ରହିଛି। ସିରିଜର ଶେଷ ମ୍ୟାଚ୍ ୭ ରୁ ୧୧ ମାର୍ଚ୍ଚ ପର୍ଯ୍ୟନ୍ତ ଧର୍ମଶାଲାରେ ଖେଳାଯିବ। ଯଦି ଗଣମାଧ୍ୟମର ରିପୋର୍ଟକୁ ବିଶ୍ୱାସ କରାଯାଏ, ତେବେ ହିଟମ୍ୟାନ୍ ଗୁଜରାଟ ଟାଇଟାନ୍ସର କ୍ୟାମ୍ପରେ ଯୋଗ ଦେଇପାରନ୍ତି। ତେବେ ସେ ଏ ବାବଦରେ ଏପର୍ଯ୍ୟନ୍ତ ସୁଦ୍ଧା କିଛି ସ୍ପଷ୍ଟ କରାଯାଇନାହିଁ।

ଆଜ୍ଞା ହଁ, ଆଇପିଏଲ୍ ୨୦୨୪ ଆରମ୍ଭ ପୂର୍ବରୁ ମୁମ୍ବାଇ ଇଣ୍ଡିଆନ୍ସ ରୋହିତ ଶର୍ମାଙ୍କୁ ଅଧିନାୟକତ୍ୱରୁ ହଟାଇ ଦେଇଥିଲା ଏବଂ ତାଙ୍କ ସ୍ଥାନରେ ହାର୍ଦ୍ଦିକ ପାଣ୍ଡ୍ୟାଙ୍କୁ ଗୁଜୁରାଟରୁ ଟ୍ରେଡ଼ କରାଯାଇଥିଲା ଏବଂ ତାଙ୍କୁ ଅଧିନାୟକ ମଧ୍ୟ କରାଯାଇଥିଲା। ମୁମ୍ବାଇର ଏହି ନିଷ୍ପତ୍ତି ପରେ ରୋହିତଙ୍କ ପ୍ରଶଂସକମାନେ ନୀତା ଅମ୍ବାନୀଙ୍କ ସମେତ ପରିଚାଳନା କମିଟି ଉପରେ କ୍ରୋଧିତ ହୋଇଥିଲେ।  

ତେବେ ଆସନ୍ତା ସିଜନରେ ପାଣ୍ଡ୍ୟାଙ୍କ ଅଧିନାୟକତ୍ୱରେ ମୁମ୍ବାଇର ଏକ ନୂଆ ଅଧ୍ୟାୟ ଆରମ୍ଭ ହେବାକୁ ଯାଉଛି।  ପାଣ୍ଡ୍ୟା ପ୍ରଥମ ଥର ପାଇଁ ମୁମ୍ବାଇର ଅଧିନାୟକତ୍ୱ ଗ୍ରହଣ କରିବେ। ଏଥର ପ୍ରଶଂସକମାନେ ଟି-୨୦ ବିଶ୍ୱକପ ୨୦୨୪ରେ ଭାରତଠାରୁ ବହୁତ ଆଶା ରଖିଛନ୍ତି  ବିସିସିଆଇ ସଚିବ ଜୟ ଶାହା ମଧ୍ୟ ଆଗାମୀ ବିଶ୍ୱକପ ପାଇଁ ରୋହିତଙ୍କ ଉପରେ ଆତ୍ମବିଶ୍ୱାସ ପ୍ରକାଶ କରିଛନ୍ତି ଏବଂ ୱେଷ୍ଟଇଣ୍ଡିଜ ଏବଂ ଆମେରିକାରେ ଅନୁଷ୍ଠିତ ହେବାକୁ ଥିବା ବିଶ୍ୱକପରେ ଆମେ ଭାରତୀୟ ପତାକା ଉତ୍ତୋଳନ କରିବୁ ବୋଲି ଆଶ୍ୱାସନା ଦେଇଛନ୍ତି।  ବିଶ୍ୱକପ ୨୦୨୩ରେ ଭାରତୀୟ ଦଳର ଦୃଢ ପ୍ରଦର୍ଶନକୁ ଦୃଷ୍ଟିରେ ରଖି ହିଟମ୍ୟାନଙ୍କୁ ଦଳର ଅଧିନାୟକ ନିଯୁକ୍ତ କରାଯାଇପାରେ।