ମୁମ୍ବାଇ, ଚେନ୍ନାଇ ସହ ସବୁ IPL ଦଳ 4 ଜଣ ଖେଳାଳିଙ୍କୁ କଲେ ରିଟେନ, ଜାଣନ୍ତୁ କିଏ ରହିଲେ ଦଳରେ, ଆସିଲା ତାଲିକା

କ୍ରିକେଟ୍ ଖବର : ବିଶ୍ୱର ସବୁଠାରୁ ଆକର୍ଷଣୀୟ ଟି-୨୦ ଲିଗ୍ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ବର୍ତ୍ତମାନ ୧୫ ତମ ସିଜନ୍ ଆଡକୁ ଗତି କରୁଛି। ବର୍ତ୍ତମାନର ୮ଟି ଫ୍ରାଞ୍ଚାଇଜ୍ କେଉଁ କେଉଁ ଖେଳାଳିଙ୍କୁ ରଖିବେ ତାହାର ଶେଷ ତାରିଖ ଆଜି (ମଙ୍ଗଳବାର) ଶେଷ ହେବ। ପୁରୁଣା ଆଠଟି ଦଳର ସଂରକ୍ଷିତ ଖେଳାଳିଙ୍କୁ ଚୂଡ଼ାନ୍ତ କରିବା ପରେ, ଦୁଇଟି ନୂତନ ଫ୍ରାଞ୍ଚାଇଜ୍ ଲକ୍ଷ୍ନୌ ଏବଂ ଅହମ୍ମଦାବାଦ ଡିସେମ୍ବର ୧ ରୁ ୨୫ ପର୍ଯ୍ୟନ୍ତ ୩ ଖେଳାଳି ବାଛିବା ପାଇଁ ଏକ ସୁଯୋଗ ପାଇବ, ଯାହା ପରେ ଜାନୁଆରୀରେ ନିଲାମ ହେବ। ୮ ଟି ଦଳ ପୂର୍ବରୁ ଦଳରେ ରଖିଥିବା ଖେଳାଳିଙ୍କ ମଧ୍ୟରୁ ସର୍ବାଧିକ ୪ ଖେଳାଳିଙ୍କୁ ରଖିପାରିବେ, ଯେଉଁଥିରେ ୩ ରୁ ଅଧିକ ଭାରତୀୟ ଏବଂ ୨ ରୁ କମ ବିଦେଶୀ ଖେଳାଳି ରହିପାରିବେ।

ESPN Cricinfo ର ରିପୋର୍ଟ ଅନୁଯାୟୀ, ଆଠଟି ପୁରୁଣା ଦଳ ସେମାନଙ୍କର ସଂରକ୍ଷଣ ଖେଳାଳିଙ୍କ ତାଲିକାକୁ ଚୂଡ଼ାନ୍ତ କରିସାରିଛନ୍ତି | ତେବେ ଚାଲନ୍ତୁ ସେହି ସଂରକ୍ଷଣ ଥିବା ଖେଳାଳିଙ୍କ ନାମ ଉପରେ ଥରେ ନଜର ପକାଇବା –

୧) ଦିଲ୍ଲୀ କ୍ୟାପିଟାଲ୍ସ:

ଦିଲ୍ଲୀ କ୍ୟାପିଟାଲ୍ସ ସେମାନଙ୍କ ଅଧିନାୟକ ରିଷଭ ପନ୍ତଙ୍କୁ ଦଳରେ ରଖିଛି। ପନ୍ତଙ୍କ ବ୍ୟତୀତ ପୃଥୀ ଶ’ , ଅକ୍ସର ପଟେଲ ଏବଂ ଦକ୍ଷିଣ ଆଫ୍ରିକାର ଦ୍ରୁତ ବୋଲର ଏନ୍ରିକ୍ ନର୍କିଆଙ୍କୁ ଏହି ଫ୍ରାଞ୍ଚାଇଜ୍ ରିଟେନ କରିଛି। ଅନ୍ୟପଟେ କାନ୍ଧରେ ଆଘାତ ଲାଗିବା ପରେ ପୁଣି ଦଳକୁ ଫେରିଥିବା ଷ୍ଟାର ଖେଳାଳି ଶ୍ରେୟାସ ଆୟର ଦଳ ଛାଡିଛନ୍ତି। ଅନ୍ୟପକ୍ଷରେ ଦିଲ୍ଲୀକୁ ରବିଚନ୍ଦ୍ରନ୍ ଅଶ୍ୱିନ୍ ଏବଂ କାଗିସୋ ରାବାଡାଙ୍କ ଭଳି ଖେଳାଳିଙ୍କୁ ଛାଡିବାକୁ ପଡିଲା। ଅନ୍ୟ ଦଳଗୁଡିକ ନିଲାମରେ ଏହି ଖେଳାଳି ମାନଙ୍କୁ କିଣିବା ପାଇଁ ଆଗକୁ ଆସିପାରନ୍ତି।

୨) ମୁମ୍ବାଇ ଇଣ୍ଡିଆନ୍ସ :

୫ ଥର ଆଇପିଏଲ୍ ଟ୍ରଫି ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଫ୍ରାଞ୍ଚାଇଜ୍ ଏହାର ଅଧିନାୟକ ରୋହିତ ଶର୍ମା ଏବଂ ଫାଷ୍ଟ ବୋଲର ଜସପ୍ରୀତ ବୁମ୍ରାଙ୍କୁ ରଖି ଦଳକୁ ଏକ ନୂଆ ରୂପ ଦେବ। ଉଲ୍ଲେଖଥାଉ କି, ସୂର୍ଯ୍ୟକୁମାର ଯାଦବ ଏବଂ ଭେଟେରାନ୍ କ୍ରିକେଟର କିରନ୍ ପୋଲାର୍ଡଙ୍କୁ ମଧ୍ୟ ଫ୍ରାଞ୍ଚାଇଜ୍ ରଖିବାର ଖବର ଆସିଥିଲା। କିନ୍ତୁ ରିପୋର୍ଟ ଅନୁଯାୟୀ, ଏପର୍ଯ୍ୟନ୍ତ ଉଭୟଙ୍କୁ ରଖିବା ପାଇଁ ନିଷ୍ପତ୍ତି ନିଆଯାଇ ନାହିଁ। ତେବେ ଦଳ ସାମ୍ନାରେ ସୂର୍ଯ୍ୟକୁମାର ଏବଂ ଇଶାନ କିଶାନଙ୍କ ମାମଲାରେ ଏକ ଚ୍ୟାଲେଞ୍ଜ ହେବ। ଅନ୍ୟପଟେ ହାର୍ଦ୍ଦିକ ପାଣ୍ଡ୍ୟା ପୂର୍ବ ପରି ଆଉ ଖେଳି ପାରୁ ନାହାନ୍ତି। ସେ ପୂର୍ବ ଭଳି ବୋଲିଂ କରି ପାରୁ ନାହାନ୍ତି। ତେଣୁ ସେ ନିରନ୍ତର ଆଲୋଚନାରେ ରହୁଛନ୍ତି। କିନ୍ତୁ ଦଳ ପୁନର୍ବାର ନିଲାମରେ ତାଙ୍କୁ କିଣିବାକୁ ଚେଷ୍ଟା କରିପାରେ ବୋଲି ସୂଚନା ରହିଛି।

୩) ଚେନ୍ନାଇ ସୁପର କିଙ୍ଗ୍ସ :

ଚଳିତ ବର୍ଷର ଆଇପିଏଲ୍ ଚମ୍ପିୟାନ ଚେନ୍ନାଇ ସୁପର କିଙ୍ଗ୍ସ ତାହାର କ୍ୟାପଟେନ ମହେନ୍ଦ୍ର ସିଂ ଧୋନି ଏବଂ ରବିନ୍ଦ୍ର ଜାଡେଜାଙ୍କୁ ରଖିଛି। ଏହା ସହିତ ଗତ ସିଜନରେ ଦଳର ଟାଇଟଲ ବିଜୟରେ ପ୍ରମୁଖ ଭୂମିକା ଗ୍ରହଣ କରିଥିବା ରୁତୁରାଜ ଗାଇକୱାଡଙ୍କୁ ମଧ୍ୟ ଦଳରେ ରଖିଛି।ଆହୁରି ମଧ୍ୟ, ଅଲରାଉଣ୍ଡର ମୋଏନ୍ ଅଲିଙ୍କୁ ବିଦେଶୀ ଖେଳାଳିଙ୍କ ମଧ୍ୟରେ ରଖାଯାଇଛି। ସୂଚନାଥାଉ ଯେ, ମୋଏନ୍ ଅଲି ବର୍ତ୍ତମାନର T10 ଲିଗରେ ଫୁଲ ଫର୍ମରେ ରହିଛନ୍ତି।

୪) ପଞ୍ଜାବ କିଙ୍ଗସ୍ :

ରିପୋର୍ଟ ଅନୁଯାୟୀ, ପଞ୍ଜାବ କିଙ୍ଗସ୍ ଗୋଟିଏ ବି ଖେଳାଳିଙ୍କୁ ଦଳରେ ରଖିନାହିଁ। ନିଲାମରେ ପଞ୍ଜାବ କିଙ୍ଗ୍ସର ଅଧିନାୟକ କେ.ଏଲ୍ ରାହୁଲଙ୍କ ପ୍ରବେଶ ପ୍ରାୟ ନିଶ୍ଚିତ। ବର୍ତ୍ତମାନ ଏହି ଫ୍ରାଞ୍ଚାଇଜ୍ ଏକ ନୂତନ ଦଳ ଚୟନ କରି ନୂଆ ଆରମ୍ଭ କରିବ ବୋଲି ଜଣାପଡ଼ିଛି। ଦଳ ରବି ବିଷ୍ଣୁ ଏବଂ ଆର୍ଶଦୀପଙ୍କ ପରି ଖେଳାଳିଙ୍କୁ ବଜାୟ ରଖିବାକୁ ଚେଷ୍ଟା କରିଛି। ଆନ୍ତର୍ଜାତୀୟ ମ୍ୟାଚ୍ ଖେଳୁଥିବା ଖେଳାଳିଙ୍କ ମଧ୍ୟରେ ମୟଙ୍କ ଅଗ୍ରୱାଲ, ମହମ୍ମଦ ଶାମି ଏବଂ ନିକୋଲାସ ପୁରାନଙ୍କୁ ପଞ୍ଜାବ କିଙ୍ଗ୍ସ ନିଲାମ ପାଇଁ ପଠାଇଛି।

୫) କୋଲକାତା ନାଇଟ୍ ରାଇଡର୍ସ :

କେକେଆର ଫ୍ରାଞ୍ଚାଇଜ୍ ବରୁଣ ଚକ୍ରବର୍ତ୍ତୀ, ଆଣ୍ଡ୍ରେ ରସେଲ, ଭେଙ୍କଟେଶ ଆୟର ଏବଂ ସୁନୀଲ ନାରିନଙ୍କୁ ଦଳରେ ବଜାୟ ରଖିଛି। ଅର୍ଥାତ୍ ଇଂଲଣ୍ଡର ବିଶ୍ୱକପ୍ ବିଜେତା ଅଧିନାୟକ ଇଏନ୍ ମୋର୍ଗାନ୍ ଏବଂ ଶୁଭମାନ ଗିଲଙ୍କୁ ନିଲାମରେ ପ୍ରବେଶ କରିବାକୁ ପଡିବ। ମୋର୍ଗାନଙ୍କ ନେତୃତ୍ୱ ଦକ୍ଷତାକୁ ଦେଖି ତାଙ୍କୁ ରିଲିଜ କରିବାର ନିଷ୍ପତ୍ତି ସହଜ ନଥିଲା। ତାଙ୍କ ଅଧିନାୟକତ୍ୱରେ, କେକେଆର ଆଇପିଏଲ ୨୦୨୧ ର ୟୁଏଇ ପର୍ଯ୍ୟାୟରେ ଏକ ଚମତ୍କାର ପ୍ରତ୍ୟାବର୍ତ୍ତନ କରି ଫାଇନାଲରେ ସ୍ଥାନ ପାଇଥିଲା।

୬) ରାଜସ୍ଥାନ ରୟାଲ୍ସ :

ଅଧିନାୟକ ସଞ୍ଜୁ ସାମସନଙ୍କୁ ବଜାୟ ରଖିବାକୁ ରାଜସ୍ଥାନ ରୟାଲ୍ସ ନିଷ୍ପତ୍ତି ନେଇଛି। ତଥାପି, ସାମସନଙ୍କୁ ଦଳର ଅଧିନାୟକ କରିବା ପରେ ମଧ୍ୟ ଦଳର ଭାଗ୍ୟ ବଦଳିଲା ନାହିଁ। ଦଳରେ ରଖାଯିବାକୁ ଥିବା ଦୌଡ଼ରେ ଯଶାସୀ ଜୈସୱାଲ ମଧ୍ୟ ଜଡିତ ଅଛନ୍ତି। ଇଂଲଣ୍ଡର ଷ୍ଟାର ୱିକେଟ୍ କିପର ବ୍ୟାଟ୍ସମ୍ୟାନ୍ ଜୋସ୍ ବଟଲରଙ୍କୁ ଦଳରେ ରଖାଯିବାର ସମ୍ଭାବନା ରହିଛି। ବେନ୍ ଷ୍ଟୋକ୍ସ, ଆଘାତ ଏବଂ ଫିଟନେସ୍ ସମସ୍ୟା ସହ ସଂଗ୍ରାମ କରୁଥିବା ଜୋଫ୍ରା ଆର୍ଚରଙ୍କୁ ନିଲାମ ପାଇଁ ପଠାଇବ ରାଜସ୍ଥାନ ରୟାଲ୍ସ।

୭) ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର :

ବିରାଟ କୋହଲି ଅଧିନାୟକତ୍ୱ ଛାଡିସାରିଛନ୍ତି, କିନ୍ତୁ ଆରସିବି ଏହି ତାରକା ଖେଳାଳିଙ୍କୁ ବଜାୟ ରଖିବାକୁ ନିଷ୍ପତ୍ତି ନେଇଛି। ଏହା ସହିତ ଫ୍ରାଞ୍ଚାଇଜ୍ ଗ୍ଲେନ୍ ମ୍ୟାକ୍ସୱେଲଙ୍କ ନାମ ମଧ୍ୟ ରିଟେନ ତାଲିକାରେ ଚୂଡାନ୍ତ କରିଛି। ଗତ ଆଇପିଏଲରେ ଏକ ଚମତ୍କାର ପ୍ରଦର୍ଶନ ପରେ ଟିମ୍ ଇଣ୍ଡିଆରେ ଯୋଗ ଦେଇଥିବା ହର୍ଷଲ ପଟେଲଙ୍କୁ ମହମ୍ମଦ ସିରାଜଙ୍କ ମଧ୍ୟରେ ଏକ ପ୍ରତିଯୋଗିତା ଦେଖିବାକୁ ମିଳିବ। ଏଥିସହ ଓପନର୍ ଦେବଦତ୍ତ ପାଦିକ୍କାଲ ଏବଂ ସ୍ପିନର ୟୁଜଭେନ୍ଦ୍ର ଚହଲଙ୍କୁ ଛାଡିବା ନିଷ୍ପତ୍ତି ଆରସିବି ପାଇଁ ସହଜ ହେବ ନାହିଁ।

୮) ସନରାଇଜର୍ସ ହାଇଦ୍ରାବାଦ :

ସନରାଇଜର୍ସ ହାଇଦ୍ରାବାଦ ଫ୍ରାଞ୍ଚାଇଜ୍ କିୱି ଅଧିନାୟକ କେନ୍ ୱିଲିୟମସନଙ୍କୁ ବଜାୟ ରଖିଛି। ଏଥିସହିତ ଦଳ ରସିଦ ଖାନଙ୍କ ନାମ ଉପରେ ମଧ୍ୟ ବିଚାର କରୁଛି। ଏହା ଦେଖିବାକୁ ବାକି ରହିଲା ଯେ ସେ ତାଙ୍କ ଦ୍ରୁତ ବୋଲର ଭୁବନେଶ୍ୱର କୁମାର ଏବଂ ଟି. ନଟରାଜନଙ୍କ ମଧ୍ୟରେ କାହାକୁ ରଖୁଛି।