ବିରାଟ-ନବୀନ-ଗମ୍ଭୀର ବିବାଦ କୁ ନେଇ ମୁହଁ ଖୋଲିଲେ ଆଫ୍ରିଦି, ଏହି ଖେଳାଳିଙ୍କ ସପୋର୍ଟ ରେ ଦେଲେ ବଡ଼ ବୟାନ

ଆଇପିଏଲ୍ 2023 ର 43 ତମ ମ୍ୟାଚ୍ ରେ ଆରସିବି ଦଳ ଲକ୍ଷ୍ନୌ ସୁପର ଜିଆଣ୍ଟସକୁ 18 ରନରେ ପରାସ୍ତ କରିଛି। ଏହି ମ୍ୟାଚ୍‌ରେ ଲକ୍ଷ୍ନୌ ଦଳ ଜିତିବା ପାଇଁ ଆରସିବି ସମ୍ମୁଖରେ 126 ରନ୍‌ର ଏକ ଟାର୍ଗେଟ ଦେଇଥିଲା, ଯାହାକି ଲକ୍ଷ୍ନୌ ଦଳ ହାସଲ କରିପାରି ନଥିଲା ଏବଂ ସମଗ୍ର ଦଳ ମାତ୍ର 108 ରନ୍‌ରେ ଆଉଟ୍ ହୋଇଥିଲେ, କିନ୍ତୁ ମ୍ୟାଚ୍ ଶେଷ ହେବା ପରେ ବିରାଟ କୋହଲି ଆଉ ଲକ୍ଷ୍ନୌ ଦଳର ଖେଳାଳି ନବିନ-ଉଲ୍ -ହାକଙ୍କ ସହ ଯୁକ୍ତିତର୍କ ହୋଇଥିଲା। ଏହା ପରେ ଗୌତମ ଗମ୍ଭୀର ମଧ୍ୟ କୋହଲିଙ୍କ ସହ ଯୁକ୍ତିତର୍କ କରିଥିଲେ। ଏହି ବିବାଦରେ ପାକିସ୍ତାନର ସହିଦ ଆଫ୍ରିଦି ନବୀନ ଉଲ ହକଙ୍କୁ ସମର୍ଥନ ଜଣାଇଛନ୍ତି।

ସହିଦ ଆଫ୍ରିଦି କହିଛନ୍ତି ଯେ ଯେତେବେଳେ କେହି ଅନାବଶ୍ୟକ ତାଙ୍କୁ ଉତ୍ତେଜିତ କରନ୍ତି ସେତେବେଳେ ନବୀନ ପ୍ରତିକ୍ରିୟା କରନ୍ତି। ମୁଁ ତାଙ୍କୁ ବୋଲିଂ ଦେଖିଛି। ସେ ନିଜ ତରଫରୁ ଝଗଡା ଆରମ୍ଭ କରନ୍ତି ନାହିଁ। ମୁଁ ତାଙ୍କୁ ଏତେ ଆକ୍ରମଣାତ୍ମକ ଦେଖି ନାହିଁ। ପ୍ରତ୍ୟେକ ଦଳର କିଛି ଆକ୍ରମଣାତ୍ମକ ଖେଳାଳି ଅଛନ୍ତି। ଆମ ପାଖରେ ମଧ୍ୟ ଅଛି ଏବଂ ଏହା ସ୍ୱାଭାବିକ। କିଛି ଦ୍ରୁତ ବୋଲରମାନେ ଏହି ପ୍ରକୃତିର ଅଟନ୍ତି।

ସୂଚନାଯୋଗ୍ୟ ଯେ, ଆରସିବି ଏବଂ ଲକ୍ଷ୍ନୌ ସୁପର ଜିଆଣ୍ଟସ୍ ମଧ୍ୟରେ ମ୍ୟାଚ୍ ପରେ ବିରାଟ କୋହଲିଙ୍କ ସହ ହାତ ମିଳାଇଥିବା ବେଳେ ନବୀନ-ଉଲ୍-ହକ୍ କୋହଲିଙ୍କ ହାତକୁ ଛିଟାଇ ଦେଇଥିଲେ। ଏହା ପରେ ସେ ମଧ୍ୟ କ୍ରୋଧରେ କୋହଲିଙ୍କୁ କିଛି କହିଥିବାର ନଜର ଆସିଥିଲେ।  ତା’ପରେ ଯେତେବେଳେ କୋହଲି ଲକ୍ଷ୍ନୌ ବ୍ୟାଟ୍ସମ୍ୟାନ୍ କାଇଲ୍ ମେୟରଙ୍କ ସହ କଥା ହେଉଥିଲେ, ସେତେବେଳେ ଗୌତମ ଗମ୍ଭୀର ସେଠାକୁ ଆସି ମେୟରଙ୍କୁ ସାଙ୍ଗରେ ନେଇଯାଇଥିଲେ। ତା’ପରେ ଗମ୍ଭୀର ଏବଂ କୋହଲିଙ୍କ ମଧ୍ୟରେ ବାକ ଯୁଦ୍ଧ ହୋଇଥିଲା।