ଏତେ ବଡ଼ ଦୁର୍ଘଟଣା ପରେ ମଧ୍ୟ ରିଷଭ୍ ପନ୍ତ ଖେଳିବେ IPL 2023? ସୌରଭ ଗାଙ୍ଗୁଲି ଦେଲେ ବୟାନ, କହିଲେ ଏମିତି

କ୍ରିକେଟ୍ ଖବର: ଡିସେମ୍ବର 30 ରେ ଭାରତୀୟ ଦଳର ୱିକେଟ୍ କିପର ରିଷଭ ପନ୍ତ ଏକ ଭୟଙ୍କର କାର୍ ଦୁର୍ଘଟଣାର ଶିକାର ହୋଇଥିଲେ। ଦିଲ୍ଲୀରୁ ରୁର୍କି ଯାଉଥିବାବେଳେ ତାଙ୍କ କାର ଏକ ଡିଭାଇଡରକୁ ଧକ୍କା ଦେଇଥିଲା, ପରେ ତାଙ୍କୁ ଡେରାଡୁନ ଡାକ୍ତରଖାନାରେ ଭର୍ତ୍ତି କରାଯାଇଥିଲା।

ଏହି ଦୁର୍ଘଟଣା ପରେ କଳ୍ପନାଜଳ୍ପନା କରାଯାଉଛି ଯେ ତାଙ୍କୁ ସମ୍ପୂର୍ଣ୍ଣ ସୁସ୍ଥ ହେବାକୁ 6 ମାସ ସମୟ ଲାଗିପାରେ।  ଏପରି ପରିସ୍ଥିତିରେ, ସେ IPL 2023 ରେ ଖେଳିବେ କି ନାହିଁ ତାହା ଏକ ପ୍ରଶ୍ନ ହୋଇ ରହିଛି। ଏହି ସମୟରେ, ବିସିସିଆଇର ପୂର୍ବତନ ସଭାପତି ସୌରଭ ଗାଙ୍ଗୁଲି ପ୍ରକାଶ କରିଛନ୍ତି ଯେ ପନ୍ତ ଆଇପିଏଲର ଏକ ଅଂଶ ହେବ କି ନାହିଁ।

ପନ୍ତଙ୍କ ଆଇପିଏଲ ଖେଳିବାକୁ ନେଇ କଣ କହିଲେ ସୌରଭ ଗାଙ୍ଗୁଲି :

ବାସ୍ତବରେ, କୋଲକାତାର ଗଣମାଧ୍ୟମ ସହ ଏକ ବାର୍ତ୍ତାଳାପରେ ଗାଙ୍ଗୁଲି କହିଛନ୍ତି ଯେ “ରିଷଭ ଆଇପିଏଲ 2023 ର ଅଂଶ ହୋଇପାରିବ ନାହିଁ। ସେ ସୁସ୍ଥ ହେବାକୁ ସମୟ ଆହୁରି ଦରକାର। ରିଷଭ ପନ୍ତଙ୍କ ଆଘାତ ଦିଲ୍ଲୀ କ୍ୟାପିଟାଲସ ପାଇଁ ଏକ ବଡ଼ କ୍ଷତି। ଏହା ଏକ ଦୁର୍ଘଟଣା। ତାଙ୍କୁ ମାତ୍ର 23 ବର୍ଷ ବୟସ ଏବଂ ତାଙ୍କ ପାଖରେ ବର୍ତ୍ତମାନ ବହୁତ ସମୟ ଅଛି।

ଏଥି ସହିତ, ଯେତେବେଳେ ତାଙ୍କୁ ପଚରାଯାଇଥିଲା ଯେ ପନ୍ତଙ୍କ ଅନୁପସ୍ଥିତିରେ ଦିଲ୍ଲୀ ଦଳର ଦାୟିତ୍ୱ କିଏ ନେବ? ଏହାର ଉତ୍ତରରେ ସେ କହିଛନ୍ତି ଏ ପର୍ଯ୍ୟନ୍ତ ଏ ସମ୍ପର୍କରେ କୌଣସି ନିଷ୍ପତ୍ତି ନିଆଯାଇ ନାହିଁ। ଖୁବ୍ ଶୀଘ୍ର ଏହି ବିଷୟରେ ଏକ ଘୋଷଣା କରାଯିବ। ମୁଁ ଦିଲ୍ଲୀ ଦଳ ସହିତ ଜଡିତ ଅଛି। ଏହା ଏକ ଭଲ ଆଇପିଏଲ୍ ଦଳ ଅଟେ। ଏଥର ଆଇପିଏଲ ଭଲ ହେବ ଏବଂ ଆମ ଦିଲ୍ଲୀ ଦଳ ଭଲ ଖେଳିବ।

ଆହୁରି ପଢ଼ନ୍ତୁ : IND vs SL: ୟୁଜବେନ୍ଦ୍ର ଚହଲ ଶ୍ରୀଲଙ୍କା ବିପକ୍ଷ ଦ୍ୱିତୀୟ ଦିନିକିଆରେ କାହିଁକି ଖେଳୁନାହାଁନ୍ତି? ରୋହିତ ଦେଲେ ଉତ୍ତର