ଦେଖନ୍ତୁ ଭିଡ଼ିଓ: ଏହି କାରଣରୁ ଅଳସୁଆ ମହମ୍ମଦ ଶାମିଙ୍କ ଉପରେ ରାଗିଲେ ହାର୍ଦ୍ଦିକ ପାଣ୍ଡ୍ୟା, ଭିଡ଼ିଓ ହେଲା ଭାଇରଲ

କ୍ରିକେଟ୍ ଖବର : ଗୁଜୁରାଟ ଟାଇଟାନ୍ସ (GT) ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଏ ପର୍ଯ୍ୟନ୍ତ ପଡ଼ିଆ ଭିତରେ ବହୁତ କୁଲ୍ ଦେଖାଯାଉଛନ୍ତି। କିନ୍ତୁ, ସନରାଇଜର୍ସ ହାଇଦ୍ରାବାଦ (SRH) ବିପକ୍ଷରେ ଖେଳାଯାଇଥିବା ମ୍ୟାଚ୍ ସମୟରେ ଏକ ଘଟଣା ଘଟିଥିଲା ​​ଯାହା ତାଙ୍କ କୁଲ୍ ପଣିଆକୁ ପଦାରେ ପକାଇଥିଲା।

ସେ ଅତ୍ୟନ୍ତ ରାଗିଯାଇଥିଲେ । ହାଇଦ୍ରାବାଦର ବ୍ୟାଟିଂର ୧୩ ତମ ଓଭରରେ ହାର୍ଦ୍ଦିକ ପାଣ୍ଡ୍ୟାଙ୍କୁ ହାଇଦ୍ରାବାଦ ଦଳର ବ୍ୟାଟ୍ସମ୍ୟାନ ଜୋରଦାର ପ୍ରହାର କରିଥିଲେ। ହାର୍ଦ୍ଦିକଙ୍କ ଓଭରର ଦ୍ୱିତୀୟ ଏବଂ ତୃତୀୟ ବଲରେ SRH ଅଧିନାୟକ କେନ୍ ୱିଲିୟମସନ ଛକା ମାରିଥିଲେ।  ଏହି ଦୁଇଟି ଛକା ଖାଇବା ପରେ ହାର୍ଦ୍ଦିକ ନିରାଶ ହୋଇଥିଲେ।

ଓଭରର ପଞ୍ଚମ ବଲରେ ହାର୍ଦ୍ଦିକଙ୍କ କ୍ରୋଧ ଦେଖିବାକୁ ମିଳିଥିଲା, ​​ଯେତେବେଳେ ରାହୁଲ ତ୍ରିପାଠୀ ବାଉଣ୍ଡ୍ରି ଆଡକୁ ଏକ ସଟ୍ ଖେଳିଥିଲେ । ବଲଟି ଦୀର୍ଘ ସମୟ ଧରି ପବନରେ ଥିଲା ଏବଂ ମହମ୍ମଦ ଶାମି ସୀମା ରେଖା ଉପରେ ଫିଲ୍ଡିଂ କରୁଥିଲେ । ପଡ଼ିଆରେ ଫିଲ୍ଡିଂ କରିବା ସମୟରେ ଫାଷ୍ଟ ବୋଲର ଶାମିଙ୍କୁ ସେତେଟା ସକ୍ରିୟ ମୋଡରେ ଦେଖାଯାଇ ନଥିଲା। ଶାମି ବଲ ଧରି ପାରିନଥିଲେ। କ୍ୟାଚ୍ ନେବାକୁ ସେ ଉଦ୍ୟମ ହିଁ କରିନଥିଲେ ।

ଦେଖନ୍ତୁ ଭିଡିଓ :