ଦେଖନ୍ତୁ VIDEO: ଶେଷ ଓଭରର ହେଲା ବଡ଼ ଡ୍ରାମା, ପନ୍ତ ରାଗରେ ବ୍ୟାଟ୍ସମ୍ୟାନ୍ ଙ୍କୁ କହିଲେ ଫେରି ଆସ, ତାପରେ ସେନ୍ ୱାଟସନ...
Apr 23, 2022, 09:40 IST
IPL 2022 RR vs DC: ଶୁକ୍ରବାର ଦିନ ଆଇପିଏଲରେ ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ ରାଜଧାନୀ ମଧ୍ୟରେ ମୁହାଁମୁହିଁ ହୋଇଥିଲା । ଏହି ମ୍ୟାଚରେ ରାଜସ୍ଥାନ ଦିଲ୍ଲୀକୁ 15 ରନରେ ପରାସ୍ତ କରିଛି । ତେବେ ରାଜସ୍ଥାନର ବିଜୟ ଅପେକ୍ଷା ଷ୍ଟାଡିୟମରେ ଲାଷ୍ଟ ଓଭର ରେ ହୋଇଥିବା ବିବାଦ ଉପରେ ଅଧିକ ଆଲୋଚନା କରାଯାଇଥିଲା । ଶେଷ ଓଭରରେ ଅମ୍ପାୟାର ବଲକୁ ନୋ-ବଲ ନ ଦେଇଥିବାରୁ ଏହା ଘଟିଥିଲା ।
ଶେଷ ଓଭରରେ ଦିଲ୍ଲୀ ଜିତିବା ପାଇଁ 36 ରନ୍ ଆବଶ୍ୟକ କରିଥିଲା । କ୍ରିଜ୍ରେ ଥିବା ରୋବେନ୍ ପାୱେଲ ପ୍ରଥମ ତିନିଟି ବଲରେ କ୍ରମାଗତ ତିନିଟି ଛକା ମାରି ଦଳକୁ ଆଶା ଦେଇଥିଲେ। ତେବେ ତୃତୀୟ ବଲ ଫୁଲଟସ ଥିଲା ଏବଂ ଦିଲ୍ଲୀ ବ୍ୟାଟ୍ସମ୍ୟାନ୍ ଏହା ନୋ-ବଲ୍ ବୋଲି ଦାବି କରିଥିଲେ। କିନ୍ତୁ ଅମ୍ପାୟାରମାନେ ଏହାକୁ ନୋ ବଲ ଦେଇନଥିଲେ ।