ଏହି ଭାରତୀୟ ଖେଳାଳିଙ୍କ ଉପରେ ସେହୱାଗ ହେଲେ କ୍ରୋଧିତ, କହିଲେ- ଧୋନିଙ୍କୁ ନିଜର ଆଦର୍ଶ ଭାବୁଛ, ତେବେ ତାଙ୍କଠାରୁ କିଛି ଶିଖିବା ଉଚିତ୍

କ୍ରିକେଟ ଖବର: ଦିଲ୍ଲୀ କ୍ୟାପିଟାଲ୍ସର ଅଧିନାୟକ ରିଷଭ ପନ୍ତ ଏପର୍ଯ୍ୟନ୍ତ ଚଳିତ ଆଇପିଏଲରେ ନିଜ ବ୍ୟାଟ୍ ସହିତ ଅଧିକ କିଛି କରିପାରି ନାହାଁନ୍ତି, ଏହି ସିଜନର ଆଠଟି ମ୍ୟାଚରେ ମାତ୍ର ସେ 188 ରନ୍ ସ୍କୋର କରିଛନ୍ତି। ତାଙ୍କର ବେଷ୍ଟ ସ୍କୋର 41 ରନ ରହିଛି।  ସେ କିଛି ମ୍ୟାଚରେ ଭଲ ଆରମ୍ଭ କରିଛନ୍ତି ସତ, କିନ୍ତୁ ପରେ କିଛି ଖାସ୍ କରି ପାରିନାହାନ୍ତି। 

ଏହି ସମୟରେ ପୂର୍ବତନ ଭାରତ ଓପନର୍ ବିରେନ୍ଦ୍ର ସେହୱାଗ କହିଛନ୍ତି ଯେ ଚଳିତ ସିଜନରେ ଦିଲ୍ଲୀ କ୍ୟାପିଟାଲର ମିଡିଲ ଅର୍ଡର ଖରାପ ହୋଇଥିବାରୁ ପନ୍ତଙ୍କୁ ଏକ ବଡ ଇନିଂସ ଖେଳିବାକୁ ପଡିବ ଏବଂ ଏହା ତାଙ୍କ ପାଇଁ ଚିନ୍ତାର ବିଷୟ ପାଲଟିଛି।  ଏହା ବ୍ୟତୀତ ସେ ଏହା ମଧ୍ୟ କହିଛନ୍ତି ଯେ ଏମଏସ ଧୋନିଙ୍କ ପ୍ରଶଂସକ ଭାବରେ ଯୁବଖେଳାଳି ମାନେ ତାଙ୍କ ଠାରୁ ଶିଖିବା ଉଚିତ ଯେ, ମ୍ୟାଚ କିପରି ଶେଷ କରାଯାଏ। 

କ୍ରିକବଜ ସହ କଥାବାର୍ତ୍ତା ବେଳେ ସେହୱାଗ କହିଛନ୍ତି:

“ରିଷଭ ପନ୍ତ DC ପାଇଁ ଏକ ଗୁରୁତ୍ୱପୂର୍ଣ୍ଣ ଖେଳାଳି ହେବେ। ଓପନରମାନେ ଭଲ ପ୍ରଦର୍ଶନ କଲେ ମଧ୍ୟ ମଧ୍ୟମ କ୍ରମରେ ରନ୍ ପାଇବା ପାଇଁ ପନ୍ତ ଗୁରୁତ୍ୱପୂର୍ଣ୍ଣ ଭାବରେ ଖେଳିବା ଉଚିତ। ଯଦି ପନ୍ତ ଏମଏସ ଧୋନିଙ୍କର ଜଣେ ପ୍ରଶଂସକ ତେବେ ସେ ତାଙ୍କଠାରୁ ଶିଖିବା ଉଚିତ୍। ମ୍ୟାଚ ଜିତାଇବାକୁ ହେଲେ ତାଙ୍କୁ ଶେଷ ଓଭର ପର୍ଯ୍ୟନ୍ତ କ୍ରିଜରେ ଛିଡା ହେବାକୁ ପଡିବ। 

ଚଳିତ ସିଜନରେ ଦିଲ୍ଲୀର ପ୍ରଦର୍ଶନ ବିଷୟରେ କହିବାକୁ ଗଲେ 8ଟି ମ୍ୟାଚ ମଧ୍ୟରୁ ଏପର୍ଯ୍ୟନ୍ତ ସେମାନେ 4 ଟି ଜିତିଥିବାବେଳେ 4 ଟି ମ୍ୟାଚ ହାରିଯାଇଛନ୍ତି। ଆଉ 8 ପଏଣ୍ଟ ସହିତ ଡିସି ପଏଣ୍ଟ ଟେବୁଲରେ ଷଷ୍ଠ ସ୍ଥାନରେ ଅଛି।