IPL 2022: ମୁମ୍ବାଇ ଇଣ୍ଡିଆନ୍ସର ବଡ ବଡ଼ ଖେଳାଳି ବିଫଳ ହେବା ପରେ ଏବେ ରୋହିତ ଦେବେ ଅର୍ଜୁନ ତେନ୍ଦୁଲକରଙ୍କୁ ସୁଯୋଗ ?

କ୍ରିକେଟ୍ ଖବର: ମୁମ୍ବାଇ ଇଣ୍ଡିଆନ୍ସ ଦଳ ଏପର୍ଯ୍ୟନ୍ତ ଟୁର୍ଣ୍ଣାମେଣ୍ଟରେ ମୋଟ ୫ଟି ମ୍ୟାଚ୍ ଖେଳିଛି ଏବଂ ସେମାନଙ୍କୁ ସମସ୍ତ ପାଞ୍ଚଟିରେ ପରାଜୟର ସାମ୍ନା କରିବାକୁ ପଡିଛି। ଏହା ହେଉଛି ଦ୍ୱିତୀୟ ଥର ପାଇଁ ପାଞ୍ଚ ଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଗୋଟିଏ ସିଜନରେ କ୍ରମାଗତ ପାଞ୍ଚଟି ଓପନିଂ ମ୍ୟାଚ୍ ହାରିଛି। କ୍ରମାଗତ ଭାବରେ ହାରିଥିବା ମୁମ୍ବାଇ ଇଣ୍ଡିଆନ୍ସକୁ ନେଇ ସମାଲୋଚନା ଆରମ୍ଭ ହୋଇଛି।

ଏହି ସମୟରେ, ମୁମ୍ବାଇ ଇଣ୍ଡିଆନ୍ସର ଦଳ ପରିଚାଳନା ଟୁର୍ନାମେଣ୍ଟର ଅବଶିଷ୍ଟ ମ୍ୟାଚ୍ ପାଇଁ କୌଣସି ବଡ଼ ପରିବର୍ତ୍ତନ କରିବାକୁ ଚାହୁଁଥିବା ଆଲୋଚନା ହେଉଛି।ଏଭଳି ପରିସ୍ଥିତିରେ ଯେତେବେଳେ ଦଳର ବଡ ଖେଳାଳିମାନେ କ୍ରମାଗତ ଭାବରେ ବିଫଳ ହୋଇଛନ୍ତି, ଠିକ ସେତେବେଳେ ମୁମ୍ବାଇ ଇଣ୍ଡିଆନ୍ସ ଦଳରେ ଅର୍ଜୁନ ତେନ୍ଦୁଲକରଙ୍କୁ ଏକ ସୁଯୋଗ ମିଳିପାରେ ବୋଲି ଆଲୋଚନା ହେଉଛି।

ଏହି ସିଜନରେ ମୁମ୍ବାଇର ଯୁବ ଖେଳାଳି ଅର୍ଜୁନ ତେନ୍ଦୁଲକରଙ୍କୁ ମୁମ୍ବାଇ ଇଣ୍ଡିଆନ୍ସର କ୍ୟାମ୍ପରେ ଅନ୍ତର୍ଭୁକ୍ତ କରାଯାଇଛି। ଯଦିଓ ସେ 2021 ସିଜନରେ ମୁମ୍ବାଇ ଇଣ୍ଡିଆନ୍ସ ସହିତ ଜଡିତ ଥିଲେ, କିନ୍ତୁ ଗତ ସିଜନରେ ତାଙ୍କୁ 20 ଲକ୍ଷ ଟଙ୍କା ମିଳିଥିବାବେଳେ ଏଥର ତାଙ୍କୁ 30 ଲକ୍ଷ ଟଙ୍କାରେ କିଣାଯାଇଛି। ତେବେ ସେ ଏପର୍ଯ୍ୟନ୍ତ ଗୋଟିଏ ମ୍ୟାଚ୍‌ ବି ଖେଳିବାର ସୁଯୋଗ ପାଇନାହାନ୍ତି। ଗତ ମ୍ୟାଚରେ ପଞ୍ଜାବ କିଙ୍ଗସ ଠାରୁ ହାରିବା ପରେ ମୁମ୍ବାଇ ଦଳ ଟୁର୍ଣ୍ଣାମେଣ୍ଟରେ କ୍ରମାଗତ ପାଞ୍ଚଟି ମ୍ୟାଚ୍ ହାରିଛି। ସେବେଠାରୁ ସୋସିଆଲ ମିଡିଆରେ ଆଲୋଚନା ଆରମ୍ଭ ହୋଇଛି। ଏଥିସହିତ ପ୍ରଶଂସକମାନେ କହିଛନ୍ତି ଯେ ଯଦି ଦଳ ହାରିଯାଉଛି, ତେବେ ଅର୍ଜୁନ ତେନ୍ଦୁଲକରଙ୍କ ଭଳି ଯୁବ ଖେଳାଳିଙ୍କୁ ପଡ଼ିଆରେ ପ୍ରବେଶ କରିବାର ସୁଯୋଗ ଦିଆଯାଉ ନାହିଁ କାହିଁକି?

ଉଲ୍ଲେଖନୀୟ କଥା ହେଉଛି, ଅର୍ଜୁନ ତେନ୍ଦୁଲକରଙ୍କୁ ମାତ୍ର 22 ବର୍ଷ ବୟସ। ସେ ନିଜ କ୍ୟାରିୟରରେ ଏପର୍ଯ୍ୟନ୍ତ କେବଳ ଦୁଇଟି ଟି -20 ମ୍ୟାଚ୍ ଖେଳିଛନ୍ତି।  ଏହି ସମୟ ମଧ୍ୟରେ ସେ ଦୁଇଟି ୱିକେଟ୍ ନେଇଛନ୍ତି। ଏଭଳି ପରିସ୍ଥିତିରେ ଅର୍ଜୁନ ତେନ୍ଦୁଲକରଙ୍କ ପରି ଜଣେ ଯୁବ ଖେଳାଳି ଆଗାମୀ ମ୍ୟାଚରେ ସୁଯୋଗ ପାଇବେ କି ନାହିଁ, ତାହା ବର୍ତ୍ତମାନ ଦେଖିବାକୁ ଦର୍ଶକ ଚାହିଁରହିଛନ୍ତି। ରୋହିତଙ୍କର ଗେମ ପ୍ଲାନ୍ କଣ ରହିଛି ତାହା ଆଗାମୀ ମ୍ୟାଚରେ ଜଣାପଡିବ।