ରିୟାନ ପରାଗଙ୍କ ଉପରେ ରାଗିଲେ ପ୍ରଶଂସକ, କହିଲେ ଏହି ପିଲାଳିଆମୀ ହରକତ ପଡ଼ିଆରେ କରନି

କ୍ରିକେଟ ଖବର : ଟାଟା ଆଇପିଏଲର ଏକ ଗୁରୁତ୍ୱପୂର୍ଣ୍ଣ ମ୍ୟାଚ ସୋମବାର ଅନୁଷ୍ଠିତ ହୋଇଯାଇଛି । ଏହା ସିଜିନର ୬୩ତମ ମ୍ୟାଚ ଥିଲା ଏବଂ ଏହି ମ୍ୟାଚରେ ଦୁଇ ଟପ୍ ଟିମ ଖେଳୁଥିଲେ। ଏହି ମ୍ୟାଚରେ ରାଜସ୍ଥାନ ରୟାଲସ ଲକ୍ଷ୍ନୌ ଟିମକୁ ୨୪ ରନରେ ପରାସ୍ତ କରିଥିଲା। ମ୍ୟାଚ ସମୟରେ ରାଜସ୍ଥାନ ରୟାଲସର ଯୁବଖେଳାଳି ରିୟାନ ପରାଗ ମାର୍କନ ଷ୍ଟେଇନିସଙ୍କ କ୍ୟାଚ ନେବା ପରେ ଯେଭଳି ଭାବରେ ସେ କାର୍ଯ୍ୟକଲେ ଯାହାକୁ ନେଇ ପ୍ରଶଂସକମାନେ ତାଙ୍କୁ ଟାର୍ଗେଟ କରିଥିଲେ । ସୋସିଆଲ୍ ମିଡିଆରେ ତାଙ୍କୁ ଅନେକ କଥା ଶୁଣିବାକୁ ପଡୁଛି।

୨୦ ତମ ଓଭର ସମୟରେ ଷ୍ଟେଇନିସ ବ୍ୟାଟିଂ କରୁଥିଲେ ସେତେବେଳେ କୃଷ୍ଣାଙ୍କ ଏକ ବଲକୁ ସେ ବାଉଣ୍ଡରି ଲାଇନକୁ ଖେଳିବାକୁ ପ୍ରୟାସ କରିଥିଲେ । କିନ୍ତୁ ଏହି ସ୍ଲୋୟର ଡେଲିଭରି ସିଧାସଳଖ ବାଉଣ୍ଡରୀ ଲାଇନରେ ଠିଆ ହୋଇଥିବା ରିୟାନ ପରାଗଙ୍କୁ ହାତକୁ ଚାଲିଯାଇଥିଲା ଯାହାପରେ ରିୟାନ ମଜାକିଆ ଅନ୍ଦାଜରେ ବଲକୁ ଘାସ ଆଡ଼କୁ ନେଇଯାଇଥିଲେ ଏବଂ ଦେଖେଇବାକୁ ଚାହୁଁଥିଲେ ଯେ ବଲଟି ଘାସକୁ ଛୁଇଁ ରହିଯାଇଥିଲା । କିନ୍ତୁ ଏହି ମଜାକିଆ ଅନ୍ଦାଜକୁ ପ୍ରଶଂସକମାନେ ପ୍ରଶଂସା କରିନଥିଲେ । ଏନେଇ ସୋସିଆଲ ମିଡ଼ିଆରେ ମଧ୍ୟ ରିୟାନ ପରାଗଙ୍କୁ ବହୁ ଟ୍ରୋଲ କରାଯାଇଥିଲା ।

ଏପରିକି କମେଣ୍ଟ୍ରିରେ ଥିବା ମାଥ୍ୟୁ ହେଡେନ୍ ଏବଂ ଇୟାନ୍ ବିଶପ୍ ମଧ୍ୟ ରିୟାନଙ୍କ କାର୍ଯ୍ୟରେ ଅସନ୍ତୋଷ ବ୍ୟକ୍ତ କରିଥିଲେ। ସୋସିଆଲ ମିଡିଆରେ ରିୟାନ୍ ପାରାଗଙ୍କୁ ମଧ୍ୟ ତୀବ୍ର ସମାଲୋଚନା କରାଯାଉଛି। ଅନେକ ପ୍ରଶଂସକ ତାଙ୍କୁ ପଡ଼ିଆରେ ଏହିପରି ପିଲାଳିଆମୀ ପ୍ରଦର୍ଶନ ନକରିବାକୁ କହିଛନ୍ତି।