ଲୋକେଶ ରାହୁଲଙ୍କ ଉପରେ ବଡ଼ ଅଭିଯୋଗ ଲଗାଇଲେ ଏହି ପୂର୍ବତନ ଖେଳାଳି, ପଞ୍ଜାବ କିଙ୍ଗସ ପାଇଁ କରୁଥିଲେ ଧିମା ବ୍ୟାଟିଂ !

କ୍ରିକେଟ୍ ଖବର : ବିରାଟ କୋହଲିଙ୍କ ପରେ ଭାରତୀୟ କ୍ରିକେଟ୍ ଦଳର ଅନ୍ୟଜଣେ ଷ୍ଟାଇଲିସ୍ ବ୍ୟାଟ୍ସମ୍ୟାନ୍ ହେଉଛନ୍ତି ଲୋକେଶ ରାହୁଲ। ସେ ନିଜର ଦମଦାର ଷ୍ଟାଇଲିସ୍ ବ୍ୟାଟିଂଶୈଳୀରେ ଭାରତକୁ ଅନେକ ମ୍ୟାଚ ଜିତାଇଛନ୍ତି। ସେପରି ଆଇପିଏଲରେ ବି ସେ ପଞ୍ଜାବ କିଙ୍ଗସ ପାଇଁ ଅଧିନାୟକତ୍ୱ କରୁଥିବା ସମୟରେ ତାଙ୍କ ଦଳକୁ ଅନେକ ବଡ଼ ବଡ଼ ସ୍କୋର କରି ମ୍ୟାଚ ଜିତାଇଥିବାର ଉଦାହରଣ ରହିଛି। କିନ୍ତୁ ବର୍ତ୍ତମାନ ତାଙ୍କ ନାମରେ ଏକ ବଡ଼ ଅଭିଯୋଗ ଆସିଛି। ଯାହା ସଭିଙ୍କୁ ଆଶ୍ଚର୍ଯ୍ୟ କରିଛି। ତାଙ୍କ ନାମରେ ଧିମା ବ୍ୟାଟିଂ କରୁଥିବାର ଅଭିଯୋଗ ଆସଛି। ଆଉ ଏହି ଅଭିଯୋଗ ଆଣିଛନ୍ତି କିମ୍ବଦନ୍ତୀ ଭାଷ୍ୟକାର ଆକାଶ ଚୋପ୍ରା । 

ଭାରତୀୟ ଦଳର ପୂର୍ବତନ ବ୍ୟାଟ୍ସମ୍ୟାନ୍ ଆକାଶ ଚୋପ୍ରା ପଞ୍ଜାବର ପୂର୍ବତନ ଅଧିନାୟକ କେ.ଏଲ୍ ରାହୁଲଙ୍କୁ ଟାର୍ଗେଟ କରିଛନ୍ତି। ଆଇପିଏଲ୍ ଫ୍ରଞ୍ଚାଇଜ ପଞ୍ଜାବ କିଙ୍ଗ୍ସର ଅଧିନାୟକତ୍ୱ ଛାଡିବା ପରେ କେ.ଏଲ୍ ରାହୁଲ ଏବଂ ପଞ୍ଜାବ ଫ୍ରାଞ୍ଚାଇଜ୍ ମଧ୍ୟରେ ବିବାଦ ଦେଖା ଦେଇଥିଲା। ନୂତନ ଦଳ ଲକ୍ଷ୍ନୌ ସୁପର ଜିଆଣ୍ଟସ୍, କେ.ଏଲ୍ ରାହୁଲଙ୍କୁ କିଣି ତାଙ୍କୁ ଦଳର ଅଧିନାୟକ ପଦରେ ରଖିଛି। ତେବେ ପଞ୍ଜାବ ଦଳର ପୁରୁଣା ଖେଳାଳି ମୟଙ୍କଙ୍କୁ ଦଳର ଅଧୀନାୟକ ଭାବରେ ବଛାଯାଇଛି। ଏଥି ସହ ଭାରତୀୟ ଦଳର ପୂର୍ବତନ ବ୍ୟାଟ୍ସମ୍ୟାନ୍ ତଥା ଭାଷ୍ୟକାର ଆକାଶ ଚୋପ୍ରା କେ.ଏଲ୍ ରାହୁଲଙ୍କ ବ୍ୟାଟିଂ ଉପରେ ପ୍ରଶ୍ନ ଉଠାଇଛନ୍ତି।

ନିଜର ୟୁଟ୍ୟୁବ ଚ୍ୟାନେଲରେ କଥାବାର୍ତ୍ତା କରିବା ସମୟରେ, ଭାରତୀୟ ଦଳର ପୂର୍ବତନ ବ୍ୟାଟ୍ସମ୍ୟାନ୍ ଆକାଶ ଚୋପ୍ରା, ଲୋକେଶ ରାହୁଲଙ୍କ ନାମରେ ଏକ ବଡ ଅଭିଯୋଗ କରିଛନ୍ତି। ସେ କହିଛନ୍ତି ଯେ," ପଞ୍ଜାବ କିଙ୍ଗସ୍ ପାଇଁ ଧିମା ଗତିରେ ଖେଳୁଥିଲେ ଲୋକେଶ ରାହୁଲ। କାରଣ ତାଙ୍କ ଦଳ ମଧ୍ୟ ସେହିଭଳି ଧିମା ଥିଲା।

ଅଧିନାୟକଙ୍କୁ ପଚାରି ଦଳ ଚୟନ କରାଯାଏ। ସେ କହିବା ଅନୁସାରେ ଖେଳାଳିଙ୍କୁ ଦଳରେ ସ୍ଥାନ ଦିଆଯାଏ। ମୁଁ ଜାଣେ ସେ ଜଣେ ଭଲ ଅଧିନାୟକ। କିନ୍ତୁ ନିଜର ଧିମା ବ୍ୟଟିଂ ଆଉ ଧିମା ଦଳ ଚୟନ କାରଣରୁ ପଞ୍ଜାବ କିଙ୍ଗସ ବହୁ ଅସୁବିଧାର ସମ୍ମୁଖୀନ ହୋଇଛି। ରାହୁଲ ତୁମେ1 ଜଣେ ଭଲ ଅଧିନାୟକ, ତୁମେ ଜଣେ ମହାନ ଖେଳାଳି, ତୁମେ ଶ୍ରେଷ୍ଠ ହେବାକୁ ଚେଷ୍ଟା କର।"mage widget