ଅନ୍ୟ ଜଣେ ଯୁବତୀଙ୍କ ସହିତ ଚହଲଙ୍କ ଫୋଟୋ ଭାଇରାଲ! ଧନଶ୍ରୀ ସେୟାର କରିଲେ କ୍ରିପ୍ଟିକ୍ ପୋଷ୍ଟ…..

ଟିମ୍ ଇଣ୍ଡିଆର ବୋଲର ୟୁଜବେନ୍ଦ୍ର ଚହଲ ଏବଂ ନୃତ୍ୟଶିଳ୍ପୀ ଧନଶ୍ରୀ ଭର୍ମାଙ୍କ ସମ୍ପର୍କ ପାଇଁ ଆଜିକାଲି ହେଡଲାଇନରେ ରହିଛି। ରବିବାର ଚାମ୍ପିଅନ୍ସ ଟ୍ରଫି ୨୦୨୫ର ଫାଇନାଲରେ ୟୁଜଭେନ୍ଦ୍ର ଚହଲ ତାଙ୍କ ନୂତନ ବନ୍ଧୁ ଆର.ଜେ ମାହୱିଶଙ୍କ ସହ ବସିଥିବା ଦେଖିବାକୁ ମିଳିଥିଲା। ଯାହା ପରେ ଧନଶ୍ରୀ ଭର୍ମାଙ୍କ ଏକ ପୋଷ୍ଟ ଭାଇରାଲ ହେବାରେ ଲାଗିଛି।

ଏଥିରେ ଧନଶ୍ରୀ ଚହଲଙ୍କ ନାମ ନେଇ ନଥିଲେ ହେଁ, ପୋଷ୍ଟ ଦେଖି ଏହା ସ୍ପଷ୍ଟ ହେଉଥିଲା ଯେ ଧନଶ୍ରୀ ତାଙ୍କ 'ପୂର୍ବତନ ସ୍ୱାମୀ'ଙ୍କୁ ଇଙ୍ଗିତ କରିଛନ୍ତି।  କିଛି ସମୟ ପାଇଁ, ଛାଡପତ୍ର, ପ୍ରେମ ସମ୍ପର୍କ, ଆଲିମୋନି ଏବଂ ଅନ୍ୟାନ୍ୟ କାରଣରୁ ଧନଶ୍ରୀଙ୍କୁ ଟ୍ରୋଲ କରାଯାଉଛି। ଯାହା ପରେ ଶେଷରେ ବର୍ତ୍ତମାନ ସେ ଜବାବ ଦେଇଛନ୍ତି….

ଚାମ୍ପିଅନ୍ସ ଟ୍ରଫି ଫାଇନାଲରେ ୟୁଜଭେନ୍ଦ୍ର ଚହଲ ଏବଂ ଆରଜେ ମହୱିଶଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହା ପରେ ଧନଶ୍ରୀ ଭର୍ମା ମଧ୍ୟ ଏକ କ୍ରିପ୍ଟିକ୍ ପୋଷ୍ଟ କରିଛନ୍ତି। ଯେଉଁଥିରେ ସେ ଲେଖିଛନ୍ତି ଯେ,”ମହିଳାମାନଙ୍କୁ ଦୋଷ ଦେବା ସର୍ବଦା ଫ୍ୟାଶନରେ ରହିଥାଏ। ପୋଷ୍ଟରେ କାହାର ନାମ ସ୍ପଷ୍ଟ ଭାବରେ ଲେଖା ଯାଇନଥିଲେ ହେଁ ଏହା ସ୍ପଷ୍ଟ ଭାବରେ ଚହଲଙ୍କୁ ଇଙ୍ଗିତ କରୁଥିବା ଜଣାପଡୁଛି। 

ଧନଶ୍ରୀ ଭର୍ମା ନିକଟରେ ୟୁଜବେନ୍ଦ୍ର ଚହଲଙ୍କ ସହ ସମସ୍ତ ଫଟୋ ସୋସିଆଲ ମିଡିଆରେ ରିଷ୍ଟୋର କରିଛନ୍ତି। ତେବେ ଧନଶ୍ରୀ ଏବଂ ଚହଲ ପରସ୍ପରକୁ ସୋସିଆଲ ମିଡିଆରେ ଫଲୋ କରୁନାହାଁନ୍ତି। କିନ୍ତୁ ଉପଭୋକ୍ତାମାନେ ଅନୁମାନ କରୁଛନ୍ତି ଯେ ଧନଶ୍ରୀ ତାଙ୍କ ବିବାହକୁ ଆଉ ଏକ ସୁଯୋଗ ଦେବାକୁ ଚାହୁଁଛନ୍ତି। ଏଥିସହିତ, କେହି କେହି ଏହା ମଧ୍ୟ କହିଛନ୍ତି ଯେ ଆରଜେ ମେହୱିଶଙ୍କ ସହ ଚାହଲଙ୍କୁ ଦେଖିବା ପରେ ଧନଶ୍ରୀ ଏହା କରିଛନ୍ତି।

ୟୁଜବେନ୍ଦ୍ର ଚହଲ ଏବଂ ଧନଶ୍ରୀ ଧର୍ମର ଅଲଗା ହେବାର ଖବର ଦୀର୍ଘ ଦିନରୁ ଭାଇରାଲ ହୋଇଆସୁଛି। ନିକଟରେ ଅନେକ ରିପୋର୍ଟ ଦାବି କରିଛି ଯେ ଦୁହେଁ ଛାଡପତ୍ର ନେଇ ସାରିଛନ୍ତି। ତେବେ ଏପର୍ଯ୍ୟନ୍ତ ଚାହଲ ଏବଂ ଧନଶ୍ରୀ ଏ ସମ୍ପର୍କର କୌଣସି ଅଫିସିଆଲ୍ ଅପଡେଟ୍ ଦେଇନାହାଁନ୍ତି। କିନ୍ତୁ ଉଭୟ ପ୍ରାୟ ୧୮ ମାସ ଧରି ଅଲଗା ରହୁଛନ୍ତି।

୨୦୨୦ ମସିହାରେ ଦୁହେଁ ବିବାହ କରିଥିଲେ। କିନ୍ତୁ ସେମାନଙ୍କ ସମ୍ପର୍କ ଅଧିକ ଦିନ ପର୍ଯ୍ୟନ୍ତ ରହିପାରିଲା ନାହିଁ ଏବଂ ମାମଲା ଛାଡପତ୍ର ଯାଏଁ ପହଞ୍ଚିଗଲା। ଏହି ସମୟରେ, ଧନଶ୍ରୀ ୬୦ କୋଟି ଆଲିମୋନି ମାଗୁଥିବା କଥା ମଧ୍ୟ ସାମ୍ନାକୁ ଆସିଥିଲା, ଯେଉଁଥିରେ କୌଣସି ସତ୍ୟତା ନଥିବା ସେ କହିଥିଲେ।