୨୦୨୩ ବିଶ୍ୱକପ ହରାଇବା ପରେ ମଧ୍ୟ ଏହି ଖେଳାଳିଙ୍କୁ ନିଜ ଦଳରେ ସାମିଲ କରିଲେ ଗମ୍ଭୀର! ରୋହିତଙ୍କୁ ବଡ଼ ଝଟକା….
ଶ୍ରୀଲଙ୍କା ବିପକ୍ଷ ଟି-୨୦ ସିରିଜ ଜିତିବା ପରେ ଟିମ୍ ଇଣ୍ଡିଆକୁ ଆୟୋଜକ ଦଳ ସହ ଏକ ଏକଦିବସୀୟ ସିରିଜ୍ ଖେଳିବାକୁ ହେବ। ଏକଦିବସିୟ ସିରିଜ ଅଗଷ୍ଟ ୨ ତାରିଖରୁ ଆରମ୍ଭ ହେବାକୁ ଯାଉଛି। ଏହି ସିରିଜରେ ସ୍ଥାୟୀ ଅଧିନାୟକ ରୋହିତ ଶର୍ମା ଭାରତର ପ୍ରତିନିଧିତ୍ୱ କରିବେ। ତାଙ୍କ ସହ ନୂତନ କୋଚ୍ ଗୌତମ ଗମ୍ଭୀର ମଧ୍ୟ ସାମିଲ ରହିବେ।
ତେବେ, ଗମ୍ଭୀର ଏପରି ଜଣେ ଖେଳାଳିଙ୍କୁ ଚୟନ କରିଛନ୍ତି ଯିଏକି ୮ ମାସ ତଳେ ଭାରତକୁ ବିଶ୍ୱକପ ହରାଇବାରେ ମୁଖ୍ୟ ଭୂମିକା ଗ୍ରହଣ କରିଥିଲେ। ଶ୍ରୀଲଙ୍କା ବିପକ୍ଷ ଏକଦିବସୀୟ ସିରିଜ୍ ପାଇଁ ରୋହିତ ଶର୍ମାଙ୍କ ଦଳକୁ ଶ୍ରେୟସ୍ ଆୟର ଫେରିଛନ୍ତି। ପ୍ରାୟ ୮ ମାସ ପରେ ତାଙ୍କୁ ଆଉ ଏକ ସୁଯୋଗ ଦିଆଯାଇଛି। ତାଙ୍କର ଆଉ ଏକ ସୁଯୋଗ ପାଇବା ନିଶ୍ଚିତ ଥିଲା, କାରଣ ସେ ବିଶ୍ୱକପ୍ର ୧୦ ଟି ମ୍ୟାଚରେ ୫୦୦ ରୁ ଅଧିକ ରନ୍ ସ୍କୋର କରିବାରେ ସଫଳ ହୋଇଥିଲେ।
ଏଥିସହ ତାଙ୍କ ପ୍ରଦର୍ଶନ ମଧ୍ୟମ କ୍ରମରେ ଟିମ୍ ଇଣ୍ଡିଆକୁ ଶକ୍ତି ପ୍ରଦାନ କରିଥାଏ। ସେଥିପାଇଁ ଆୟର ଫେରି ଆସିଛନ୍ତି। କେବଳ ଆୟର ନୁହଁନ୍ତି କେ.ଏଲ୍ ରାହୁଲ ମଧ୍ୟ ଲଙ୍କା ସିରିଜ ପାଇଁ ଦଳକୁ ଫେରିଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଗତ ବର୍ଷ ଦିନିକିଆ ବିଶ୍ୱକପ୍ର ଅନ୍ତିମ ମ୍ୟାଚ୍ରେ କେ.ଏଲ୍ ରାହୁଲଙ୍କ ପ୍ରଦର୍ଶନ ଅତ୍ୟନ୍ତ ଖରାପ ରହିଥିଲା। ତାଙ୍କ ଦ୍ୱାରା ଖେଳାଯାଇଥିବା ମନ୍ଥର ଇନିଂସ ଯୋଗୁଁ ଟିମ୍ ଇଣ୍ଡିଆ ୫୦ ଓଭରରେ ମାତ୍ର ୨୪୨ ରନ୍ ସ୍କୋର କରିବାରେ ସକ୍ଷମ ହୋଇଥିଲା, ଯାହା ଅଷ୍ଟ୍ରେଲିଆ ଅତି ସହଜରେ ହାସଲ କରି ନେଇଥିଲା।
ଏହି ପରାଜୟ ପରେ ସମଗ୍ର ଭାରତୀୟ କ୍ରିକେଟ୍ ଦଳର ଆଖିରେ ଲୁହ ଦେଖିବାକୁ ମିଳିଥିଲା। କେ.ଏଲ୍ ରାହୁଲଙ୍କ ବିଷୟରେ କହିବାକୁ ଗଲେ ସେ ୧୨୦ ବଲରେ ୬୫ ରନ୍ ସଂଗ୍ରହ କରିଥିଲେ। ଯଦି ସେ ଏହି ମ୍ୟାଚରେ ଟିକେ ଆକ୍ରମକ ବ୍ୟାଟିଂ କରିଥାନ୍ତେ ତେବେ ଭାରତର ସ୍କୋର ଅଧିକ ହୋଇଥାନ୍ତା। ତେବେ ସେହି ଟାଇଟଲ୍ ମ୍ୟାଚର ଫଳାଫଳ ଅଲଗା ହୋଇ ପାରିଥାନ୍ତା। ତେବେ ସମସ୍ତ ଖରାପ ପ୍ରଦର୍ଶନ ସତ୍ୱେ ଏବେ ରାହୁଲଙ୍କୁ ଭାରତୀୟ ଦଳରୁ କାଢ଼ିବା କଷ୍ଟକର ମନେହୁଏ।