ଆଉ ଭାରତ ପାଇଁ ଖେଳି ନ ପାରନ୍ତି ଏହି ୩ ଷ୍ଟାର ଖେଳାଳି! ଆଇପିଏଲରେ ଭଲ ପ୍ରଦର୍ଶନ ସତ୍ତ୍ୱେ ମିଳୁନି ସ୍ଥାନ….

ଟି-୨୦ ଫର୍ମାଟରୁ ରୋହିତ ଶର୍ମା ଏବଂ ବିରାଟ କୋହଲିଙ୍କ ଅବସର ପରେ ଟିମ୍ ଇଣ୍ଡିଆ ଏକ ନୂଆ ପର୍ଯ୍ୟାୟ ଦେଇ ଗତି କରୁଛି। ଯୁବ ଖେଳାଳିଙ୍କ ଯୁଗ ଆରମ୍ଭ ହୋଇଛି। ଯେଉଁଠାରେ ବରିଷ୍ଠ ଖେଳାଳିମାନେ ନିଜେ ଟିମ୍ ଇଣ୍ଡିଆଠାରୁ ଦୂରେଇ ଯାଉଥିବା ପରି ମନେହଉଛି। ଏପରି ୩ ଖେଳାଳି ଅଛନ୍ତି ଯେଉଁମାନେ ଭାରତୀୟ ଦଳରେ ସୁଯୋଗ ପାଇଥାନ୍ତେ। କିନ୍ତୁ, ଏହା ଘଟିଲା ନାହିଁ ଏବଂ ଏହି ଖେଳାଳିମାନେ କେବଳ ଆଇପିଏଲ ଖେଳାଳି ହୋଇ ରହିଯାଇଛନ୍ତି। 

୧. ୟୁଜବେନ୍ଦ୍ର ଚହଲ:- ଟିମ୍ ଇଣ୍ଡିଆର ଲେଗ୍ ସ୍ପିନ ବୋଲର ୟୁଜବେନ୍ଦ୍ର ଚହଲ ଆଇପିଏଲରେ ଚମତ୍କାର ପ୍ରଦର୍ଶନ କରିଛନ୍ତି। ୨୦୨୪ ମସିହାରେ ସେ ସର୍ବାଧିକ ୧୮ ୱିକେଟ୍ ନେବା ପରେ ଦଶମ ସ୍ଥାନରେ ରହିଥିଲେ। ଚହଲ ୨୦୨୨ ମସିହାରେ ସର୍ବାଧିକ ୨୭ ୱିକେଟ୍ ନେଇଥିଲେ। ଏହା ସହିତ ସେ ପର୍ପଲ୍ କ୍ୟାପ୍ ପାଇଥିବା ଖେଳାଳି ତାଲିକାରେ ଯୋଗ ଦେଇଥିଲେ।

କିନ୍ତୁ, ଲାଗୁଛି ଯେ ଚାହଲଙ୍କ ଟିମ୍ ଇଣ୍ଡିଆରେ ପ୍ରବେଶ ଉପରେ ପ୍ରତିବନ୍ଧକ ଲଗାଯାଇଛି।  କାରଣ ଚମତ୍କାର ପ୍ରଦର୍ଶନ ସତ୍ତ୍ୱେ ତାଙ୍କୁ ଜିମ୍ବାୱେ ଏବଂ ଶ୍ରୀଲଙ୍କା ବିପକ୍ଷରେ ସୁଯୋଗ ଦିଆଯାଇନଥିଲାବେଳେ ଅନେକ ଖେଳାଳି ଡେବ୍ୟୁ କରିବାର ସୁଯୋଗ ପାଇଥିଲେ।

୨. ସଞ୍ଜୁ ସାମସନ:- ସଞ୍ଜୁ ସାମସନ ଜଣେ ଦକ୍ଷ ଖେଳାଳି ଅଟନ୍ତି। ଟେକ୍ନିକାଲି ସେ ଅନ୍ତର୍ଜାତୀୟ କ୍ରିକେଟ୍ ରେ ବଡ ଇନିଂସ ଖେଳିବାକୁ ସମ୍ପୂର୍ଣ୍ଣ ସକ୍ଷମ ଅଟନ୍ତି। କିନ୍ତୁ, ସଞ୍ଜୁ ବହୁତ କମ୍ ସୁଯୋଗ ପାଉଛନ୍ତି। ଋଷଭ ପନ୍ତ ଟିମ୍ ଇଣ୍ଡିଆରେ ପ୍ରବେଶ କରିଛନ୍ତି।  ଯେଉଁଥିପାଇଁ ସଞ୍ଜୁଙ୍କୁ ସୁଯୋଗ ମିଳୁନାହିଁ।

ଟିମ୍ ଇଣ୍ଡିଆରେ ସୁଯୋଗ ନ ପାଇବା ପରେ ସଞ୍ଜୁ ଆଇପିଏଲରେ ରନ୍ ସ୍କୋର ଜାରି ରଖିଛନ୍ତି। ସେ ରାଜସ୍ଥାନର ଅଧିନାୟକ ଥିବାବେଳେ ସେ ୧୫ ଟି ମ୍ୟାଚ୍ ଖେଳିଥିଲେ।  ଯେଉଁଥିରେ ୪୮.୨୭ ର ଆଭରେଜ ସହିତ ସଞ୍ଜୁ  ୫୩୧ ରନ୍ ସ୍କୋର କରିଥିଲେ। ଏହା ସତ୍ତ୍ୱେ ଭାରତ ତରଫରୁ ତାଙ୍କୁ ସୁଯୋଗ ମିଳୁନାହିଁ। ଏଭଳି ପରିସ୍ଥିତିରେ ସଞ୍ଜୁ କେବଳ ଜଣେ ଆଇପିଏଲ୍ ଖେଳାଳି ହୋଇ ରହିଯିବାର ସମ୍ଭାବନା ରହିଛି। ୩. ଭୁବନେଶ୍ୱର କୁମାର:-

ଏହି ତାଲିକାର ତୃତୀୟ ତଥା ଶେଷ ନାମ ହେଉଛି ଦ୍ରୁତ ବୋଲର ଭୁବନେଶ୍ୱର କୁମାରଙ୍କର। ଭୁବି ଏବେ ମଧ୍ୟ ଆଇପିଏଲ ଏବଂ ଘରୋଇ କ୍ରିକେଟ ଖେଳୁଛନ୍ତି। ଏବେ ମଧ୍ୟ ସେ ଦୁଇ ପଟେ ବଲ୍ ସୁଇଙ୍ଗ୍ କରିବାର କଳା ବଜାୟ ରଖିଛନ୍ତି ଏଥିସହିତ ଘରୋଇ କ୍ରିକେଟରେ ଚମତ୍କାର ବୋଲିଂ କରୁଛନ୍ତି। ତାଙ୍କର ଯାଦୁ ଆଇପିଏଲରେ ମଧ୍ୟ ଦେଖିବାକୁ ମିଳେ।

କିନ୍ତୁ, ପାୱାର ପ୍ଲେରେ ଭାରତ ପାଇଁ ସର୍ବାଧିକ ୱିକେଟ୍ ନେଇଥିବା ଭୁବନେଶ୍ୱର କୁମାର ୨୦୨୨ ମସିହାରୁ ଟିମ୍ ଇଣ୍ଡିଆର ଅଂଶ ରହିନାହାଁନ୍ତି।  ଲାଗୁଛି ଯେପରି ତାଙ୍କ ପାଇଁ ଜାତୀୟ କ୍ରିକେଟ୍ ଦଳର କବାଟ ସମ୍ପୂର୍ଣ୍ଣ ବନ୍ଦ ଅଛି। ସେ କେବଳ ଆଇପିଏଲ ପ୍ଲେୟାର ହୋଇ ରହିଯିବାର ସମ୍ଭାବନା ରହିଛି।