ସବୁବେଳେ ଧୋକା ଦିଏ ଏହି ଭାରତୀୟ ଖେଳାଳି, ଦେଶ ପାଇଁ ଖେଳିଲା ବେଳେ ପେଟ, ପିଠି ରେ ହୁଏ ଯନ୍ତ୍ରଣା କିନ୍ତୁ IPL ବେଳେ ରୁହନ୍ତି ଫିଟ

ଭାରତ ଏବଂ ଇଂଲଣ୍ଡ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯାଉଛି। ଯେଉଁଥିରେ ଅନେକ ଯୁବ ଖେଳାଳି ଏକ ସୁଯୋଗ ପାଇଛନ୍ତି। ଅନେକ ବରିଷ୍ଠ ଖେଳାଳି ଆହତ ହେବା ଏବଂ ଅନ୍ୟାନ୍ୟ କାରଣରୁ ବାଦ୍ ପଡିଥିବା ବେଳେ ଏଭଳି ପରିସ୍ଥିତି ସୃଷ୍ଟି ହୋଇଛି। ଅନ୍ୟପକ୍ଷରେ ଭାରତରେ ରଣଜୀ ଟ୍ରଫି ଖେଳାଯାଉଛି। ଏହି ଘରୋଇ ଟୁର୍ନାମେଣ୍ଟକୁ ଭାରତୀୟ ଦଳର କିଛି ଖେଳାଳି ଗୁରୁତ୍ୱ ଦେଉନଥିବା ଦେଖିବାକୁ ମିଳିଛି।

ଏହା ପରେ ବିସିସିଆଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ସହିତ ଭାରତ ପାଇଁ ଖେଳୁନଥିବା ଖେଳାଳି ମାନଙ୍କୁ ଘରୋଇ କ୍ରିକେଟ ଖେଳିବା ପାଇଁ ନିର୍ଦେଶ ଦେଇଥିଲା।  କିନ୍ତୁ, ଫିଟ୍ ହେବା ସତ୍ତ୍ୱେ ଜଣେ ଭାରତୀୟ ଖେଳାଳି ଆହତ ହୋଇଥିବାର ଦେଖିବାକୁ ମିଳିଛି। ଏନସିଏ ଦ୍ୱାରା ବିସିସିଆଇକୁ ଲେଖାଯାଇଥିବା ଚିଠିରେ ଏହା ପ୍ରକାଶ ପାଇଛି। ଆଇପିଏଲ୍ ସିଜନ ଆସୁଥିବା ବେଳେ ଏହା ପୂର୍ବରୁ ରଣଜୀରେ ଖେଳିବାକୁ ସେମାନେ ଡ୍ରାମା କରୁଥିବା ଦେଖିବାକୁ ମିଳିଛି। ଯେଉଁଥିରେ ଭାରତ କ୍ରିକେଟ୍ ନିୟନ୍ତ୍ରଣ ବୋର୍ଡ ନିଜର ଅସନ୍ତୋଷ ପ୍ରକାଶ କରିସାରିଛି। ଖରାପ ଫିଟନେସ୍ ଏବଂ ଫର୍ମ ସହ ସଂଘର୍ଷ କରୁଥିବା ଟିମ୍ ଇଣ୍ଡିଆର ଖେଳାଳିଙ୍କୁ ରଣଜୀ ଖେଳିବା ପାଇଁ କଡା ନିର୍ଦ୍ଦେଶ ଦେଇଛି ବିସିସିଆଇ। କଡ଼ା ଚେତାବନୀ ସତ୍ତ୍ୱେ ଇଶାନ କିଶନ ନିଜ ରାଜ୍ୟରୁ ରଣଜୀ ଖେଳି ନାହାଁନ୍ତି।

ଖରାପ ଫର୍ମ ଯୋଗୁଁ ଟିମ୍ ଇଣ୍ଡିଆର ମିଡିଲ୍ ଅର୍ଡର ବ୍ୟାଟ୍ସମ୍ୟାନ୍ ଶ୍ରେୟସ୍ ଆୟରଙ୍କୁ ଇଂଲଣ୍ଡ ବିପକ୍ଷ ଶେଷ ୩ ମ୍ୟାଚରୁ ବାଦ୍ ଦିଆଯାଇଥିଲା। ଘରୋଇ କ୍ରିକେଟ୍ ଖେଳିବାକୁ ତାଙ୍କୁ ପରାମର୍ଶ ଦିଆଯାଇଥିଲା। କିନ୍ତୁ, ବର୍ତ୍ତମାନ ଜାତୀୟ କ୍ରିକେଟ୍ ଏକାଡେମୀରୁ ଆଶ୍ଚର୍ଯ୍ୟଜନକ ଖବର ଆସୁଛି। ମିଡିଆ ରିପୋର୍ଟ ଅନୁଯାୟୀ, ବିସିସିଆଇକୁ ଲେଖାଯାଇଥିବା ଚିଠିରେ ଏନସିଏ ଶ୍ରେୟାସଙ୍କୁ ଫିଟ୍ ଘୋଷଣା କରିଛି।  ଏହା ସତ୍ତ୍ୱେ, ଏହି ଖେଳାଳି ବିସିସିଆଇ ଆଖିରେ ଧୂଳି ପକାଇ ପିଠି ଯନ୍ତ୍ରଣାର ବାହାନା କରିଥିଲେ। ଇଂଲଣ୍ଡ ବିପକ୍ଷ ପ୍ରଥମ ଦୁଇଟି ମ୍ୟାଚରେ ଶ୍ରେୟସ୍ ଆୟର ସମ୍ପୂର୍ଣ୍ଣ ଫ୍ଲପ୍ ହୋଇଥିଲେ।  

ହାଇଦ୍ରାବାଦରେ ଖେଳାଯାଇଥିବା ପ୍ରଥମ ଟେଷ୍ଟର ଉଭୟ ଇନିଂସରେ ସେ ମାତ୍ର ୩୫ ଏବଂ ୧୩ ରନ୍ ସ୍କୋର କରିଥିଲେ, ଦ୍ୱିତୀୟ ଟେଷ୍ଟରେ ସେ ୨୭ ଓ ୨୯ ରନ୍ ସ୍କୋର କରିଥିଲେ। ଯେଉଁଥିପାଇଁ ଶେଷ ୩ ଟେଷ୍ଟରୁ ଆୟରଙ୍କୁ ବାଦ୍ ଦିଆଯାଇଥିଲା। ଖରାପ ଫର୍ମ ସହ ସଂଘର୍ଷ କରୁଥିବା ଆୟର ମଧ୍ୟ ରଣଜୀ ଖେଳୁ ନାହାଁନ୍ତି।  ବିଶ୍ୱାସ ହେଉଛି ଯେ ବର୍ତ୍ତମାନ ସେ ସିଧାସଳଖ ଆଇପିଏଲରେ କେକେଆରର ନେତୃତ୍ୱ ନେବେ। ଗତ ବର୍ଷ ପିଠି ଯନ୍ତ୍ରଣା ହେତୁ ସେ ଆଇପିଏଲରେ ଅଂଶଗ୍ରହଣ କରିପାରିନଥିଲେ। ତାଙ୍କ ସ୍ଥାନରେ ନୀତୀଶ ରାଣା ଅଧିନାୟକ ଭାବରେ ମନୋନୀତ ହୋଇଥିଲେ। ଚଳିତବର୍ଷ ନୀତିଶ ଉପ ଅଧିନାୟକ ଭାବରେ ଦେଖାଦେବେ।