୪୨ ବର୍ଷ ବୟସରେ ଧୋନି ସୃଷ୍ଟି କରିଲେ ନୂଆ ରେକର୍ଡ! ପ୍ରଥମ ୱିକେଟକିପର ଭାବରେ କରିଲେ ଏହି କାରନାମା….

ଆଇପିଏଲ୍ ୨୦୨୪ ରେ, ଏମ୍ଏସ୍ ଧୋନି ପ୍ରମାଣ କରିଛନ୍ତି ଯେ ସିଂହ ଯେତେ ପୁରୁଣା ହେଲେ ମଧ୍ୟ ସେ ଶିକାର କରିବା କଦାପି ଭୁଲିବ ନାହିଁ। ଅନ୍ତର୍ଜାତୀୟ କ୍ରିକେଟରୁ ଅବସର ନେବା ପରେ ମଧ୍ୟ ସେ ରେକର୍ଡ ସୃଷ୍ଟି କରିବାରେ ଉଣା କରୁନାହାଁନ୍ତି।  ରବିବାର ଦିନ, ଏମଏସ ଧୋନି ଟି-୨୦ କ୍ରିକେଟ୍ ଦୁନିଆରେ ଏପରି ଇତିହାସ ସୃଷ୍ଟି କରିଥିଲେ, ଯାହା କୌଣସି ଖେଳାଳି ଭାବିନଥିବେ। 

 ୪୨ ବର୍ଷ ବୟସରେ ସେ ଏପରି କୀର୍ତ୍ତିମାନ ସ୍ଥାପନ କରିଛନ୍ତି ଯାହା ଆଜି ପର୍ଯ୍ୟନ୍ତ କୌଣସି ୱିକେଟ୍ କିପର କରିପାରି ନାହାଁନ୍ତି। ଯଦିଓ ଏମଏସ ଧୋନି ୨୦୨୦ ମସିହାରେ ଅନ୍ତର୍ଜାତୀୟ କ୍ରିକେଟରୁ ଅବସର ନେଇଥିଲେ, କିନ୍ତୁ ତାଙ୍କ ପ୍ରଶଂସକଙ୍କ ହୃଦୟକୁ ଜିଣିବା ପାଇଁ ସେ ଆଇପିଏଲରେ ନିଜର ପ୍ରଭାବ ବିସ୍ତାର କରୁଛନ୍ତି।  ତାଙ୍କର ଉଜ୍ଜ୍ୱଳ ପ୍ରଦର୍ଶନ ପ୍ରତ୍ୟେକ ସିଜନରେ ଦେଖିବାକୁ ମିଳୁଛି।

ମାର୍ଚ୍ଚ ୩୧ ତାରିଖରେ, ଏମଏସ ଧୋନି ଟି-୨୦ କ୍ରିକେଟ୍ ଇତିହାସର ସବୁଠାରୁ ସଫଳ ୱିକେଟକିପର ହୋଇପାରିଛନ୍ତି।  ସେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଏପରି ଏକ ସଫଳତା ହାସଲ କରିଛନ୍ତି ଯାହା କୌଣସି ୱିକେଟ୍ କିପର ସ୍ୱପ୍ନରେ ସୁଦ୍ଧା ଭାବିନଥିବେ। ଦିଲ୍ଲୀ କ୍ୟାପିଟାଲ୍ସର ଯୁବ ଓପନର୍ ପୃଥ୍ବୀ ଶ’ଙ୍କ କ୍ୟାଚ ଧରିବା ପରେ ଏମଏସ ଧୋନି ଏକ ନୂଆ ରେକର୍ଡ ସୃଷ୍ଟି କରିଛନ୍ତି।  ବାସ୍ତବରେ ସେ ୩୦୦ କ୍ୟାଚ୍ ନେଇଥିବା ଦୁନିଆର ପ୍ରଥମ ୱିକେଟ୍ କିପର ହୋଇଛନ୍ତି।

ଏମଏସ ଧୋନିଙ୍କ ଏହି ରେକର୍ଡ ଅତ୍ୟନ୍ତ ସ୍ୱତନ୍ତ୍ର ଅଟେ କାରଣ ସେ ୪୨ ବର୍ଷ ବୟସରେ ଏହି ସଫଳତା ହାସଲ କରିଛନ୍ତି। ଏଥିସହିତ, ତାଙ୍କ ପ୍ରଶଂସକମାନେ ଏଥିରେ ବହୁତ ଖୁସି ଅଛନ୍ତି ଏବଂ ସୋସିଆଲ ମିଡିଆରେ ନିଜର ପ୍ରତିକ୍ରିୟା ଦେଉଛନ୍ତି। 

ଟି-୨୦ କ୍ରିକେଟରେ ଅଧିକ ୱିକେଟ ନେଇଥିବା ୱିକେଟ୍ କିପର:-

୧. ୩୦୦ - MS ଧୋନି*।

୨. ୨୭୪ - କାମ୍ରାନ୍ ଆକମଲ୍।

୩. ୨୭୪ - ଦୀନେଶ କାର୍ତ୍ତିକ।

୪. ୨୭୦ - କ୍ୱିଣ୍ଟନ୍ ଡି କକ୍।

୫. ୨୦୯ - ଜସ୍ ବଟଲର୍।