ଖୋଲିଲା ସବୁଠାରୁ ବଡ଼ ଗୁମର! ଏହି କାରଣରୁ ନିୟମିତ ଭାବରେ ବ୍ୟାଟିଂ କରିବାକୁ ଆସୁନାହାଁନ୍ତି ମହେନ୍ଦ୍ର ସିଂ ଧୋନି, ଡାକ୍ତର ଦେଲେ ଚେତାବନୀ…..

ଚେନ୍ନାଇର ସୁପର କିଙ୍ଗ୍ସର ପୂର୍ବତନ ଅଧିନାୟକ ତଥା ମହାନ ବ୍ୟାଟ୍ସମ୍ୟାନ୍ ଏମ୍.ଏସ୍ ଧୋନି ଆଇପିଏଲ୍ ୨୦୨୪ ରେ ବହୁତ କମ୍ ବ୍ୟାଟିଂ କରୁଥିବା ଦେଖିବାକୁ ମିଳିଛି।  ଏପର୍ଯ୍ୟନ୍ତ ଖେଳାଯାଇଥିବା ୧୧ ଟି ମ୍ୟାଚ ମଧ୍ୟରୁ ସେ କେବଳ ନଅ ଇନିଂସ ଖେଳିଛନ୍ତି। ଏଭଳି ପରିସ୍ଥିତିରେ ପ୍ରଶଂସକମାନେ ମଧ୍ୟ ନିରାଶ ହୋଇଥିବାର ଦେଖିବାକୁ ମିଳିଛି। ଏହି ସମୟ ମଧ୍ୟରେ, ବର୍ତ୍ତମାନ ଏମଏସ ଧୋନିଙ୍କ ବିଷୟରେ ଏକ ବଡ ଅପଡେଟ୍ ଆସିଛି।  ଏକ ସୂତ୍ର ଅନୁଯାଇ ଏମଏସ ଧୋନି କାହିଁକି ଆଇପିଏଲ ୨୦୨୪ ରେ ବ୍ୟାଟିଂ କରିବାକୁ ଆସୁନାହାଁନ୍ତି ସେଥିନେଇ ସୂଚନା ମିଳିଛି। 

ବାସ୍ତବରେ, ନିକଟରେ ଏକ ସୂତ୍ର ଟାଇମ୍ସ ଅଫ୍ ଇଣ୍ଡିଆକୁ ଅଜ୍ଞାତତା ସର୍ତ୍ତରେ କହିଛି ଯେ ଏମଏସ ଧୋନିଙ୍କ ଗୋଡରେ ଆଘାତ ଲାଗିଛି। ଏହା ସତ୍ତ୍ୱେ ସେ ତାଙ୍କ ଦଳ ପାଇଁ ଖେଳୁଛନ୍ତି। ତାଙ୍କୁ ଅଧିକ ଚାଲିବାକୁ ବାରଣ କରାଯାଇଛି। ସେଥିପାଇଁ ସେ ମାତ୍ର ଅଳ୍ପ ଓଭରରେ ବ୍ୟାଟିଂ କରିବାକୁ ଆସୁଛନ୍ତି। ଏହି ରିପୋର୍ଟ ଅନୁଯାଇ,“ଚଳିତ ବର୍ଷର ଆଇପିଏଲ୍ ଆରମ୍ଭରେ ତାଙ୍କର ଗୋଡ ସମସ୍ୟା ହୋଇଥିଲା ଏବଂ ଦଳର ଅନ୍ୟ ୱିକେଟ୍ କିପର ଡିଭନ୍ କନୱେ ଆହତ ହୋଇ ଟୁର୍ନାମେଣ୍ଟରୁ ବାଦ ପଡିଥିଲେ”।

“ସେ ଯଦି ଉପଲବ୍ଧ ରହିଥାନ୍ତେ ତେବେ, ଏମଏସ ଧୋନି ହୁଏତ ନିଜକୁ ବ୍ରେକ ଦେବାକୁ ଚିନ୍ତା କରିଥାନ୍ତେ। ପରିସ୍ଥିତି ଏପରି ଯେ ଧୋନିଙ୍କୁ ଯନ୍ତ୍ରଣା ସତ୍ତ୍ୱେ ଖେଳିବାକୁ ପଡୁଛି, ଔଷଧ ସେବନ କରିବାକୁ ପଡୁଛି ଏବଂ ଯେତେ ସମ୍ଭବ କମ୍ ଦୌଡାଦୌଡ଼ି କରିବାକୁ ପଡୁଛି”। ପ୍ରକୃତରେ ଡାକ୍ତର ଏମଏସ ଧୋନିଙ୍କୁ ବିଶ୍ରାମ ନେବାକୁ ପରାମର୍ଶ ଦେଇଛନ୍ତି।  କିନ୍ତୁ ଦଳରେ ୱିକେଟ୍ କିପର ଅଭାବରୁ ସେ ଦଳଠାରୁ ଦୂରେଇ ରହିପାରୁନାହାଁନ୍ତି।  

ଟାଇମ୍ସ ଅଫ୍ ଇଣ୍ଡିଆର ସୂତ୍ର ମଧ୍ୟ ଏହା ସୂଚନା ଦେଇଛି ଯେ ଚେନ୍ନାଇ ସୁପର କିଙ୍ଗ୍ସ ଏହାର 'ବି' ଦଳ ସହିତ ଖେଳୁଛି।  ସେ ଏମଏସ ଧୋନିଙ୍କ ଟ୍ରୋଲରକୁ ମଧ୍ୟ ଭର୍ତ୍ସନା କରି କହିଛନ୍ତି ଯେ ଯେଉଁମାନେ ତାଙ୍କୁ ସମାଲୋଚନା କରୁଛନ୍ତି ସେମାନେ ଜାଣନ୍ତି ନାହିଁ ଯେ ମାହି ଦଳ ପାଇଁ କେତେ ବଳିଦାନ ଦେଇଛନ୍ତି। ଏଠାରେ ଉଲ୍ଲେଖଯୋଗ୍ୟ ଯେ ଏମଏସ ଧୋନି ଆଇପିଏଲ ୨୦୨୪ ର ନଅ ଇନିଂସରେ ୨୨୪.୪୮ ଷ୍ଟ୍ରାଇକ ରେଟରେ ୧୧୦ ରନ ସ୍କୋର କରିଛନ୍ତି।  ଏହି ଅବଧି ମଧ୍ୟରେ ତାଙ୍କ ବ୍ୟାଟରୁ ୧୦ ଛକା ଓ ୯ ଚୌକା ଆସିଛି।