ଏହି 3 ଜଣ ମହାନ ବ୍ୟାଟ୍ସମ୍ୟାନ୍ କେବେବି ଟେଷ୍ଟ୍ ର଼୍ୟାଙ୍କିଙ୍ଗରେ 1 ନମ୍ବର ସ୍ଥାନ ପାଇନାହାଁନ୍ତି, ଭାରତର ଜଣେ ଖେଳାଳି ସାମିଲ

କ୍ରିକେଟ ଖବର : 1877 ମସିହାରେ ଇଂଲଣ୍ଡ ଏବଂ ଅଷ୍ଟ୍ରେଲିଆ ପ୍ରଥମ ଟେଷ୍ଟ ମ୍ୟାଚ୍ ଖେଳିବା ଦିନଠାରୁ, କ୍ରିକେଟ ଖେଳ ଅନେକ ବିକାଶ ଏବଂ ନିୟମ ପରିବର୍ତ୍ତନ କରିସାରିଛି। ସୀମିତ ଓଭର କ୍ରିକେଟ୍ ୱାନ ଡେ ଇଣ୍ଟରନ୍ୟାସନାଲରୁ ଆରମ୍ଭ ହୋଇଥିଲା, ପ୍ରଥମେ 60 ଓଭର ଏବଂ ପରେ 50 ଓଭର ପରେ ଟି -20 କ୍ରିକେଟ୍, ଯାହା ଖେଳର ସବୁଠାରୁ ଛୋଟ ଫର୍ମାଟ୍।

ଅନେକ ମହାନ ବ୍ୟାଟ୍ସମ୍ୟାନ୍ ବର୍ଷ ବର୍ଷ ଧରି ଏହି ଖେଳ ଖେଳିଛନ୍ତି। ସମ୍ପ୍ରତି, ସମସ୍ତ ତିନୋଟି ଫର୍ମାଟରେ ପାରଦର୍ଶୀ ହେବା ଏକ ପ୍ରଶଂସନୀୟ ସଫଳତା। ଚେତେଶ୍ୱର ପୂଜାରାଙ୍କ ପରି ଖେଳାଳିଙ୍କୁ ଟେଷ୍ଟ ବିଶେଷଜ୍ଞ ଭାବରେ ସ୍ୱୀକୃତି ଦିଆଯାଇଥିବାବେଳେ କେନ୍ ୱିଲିୟମସନ ଏବଂ ବିରାଟ କୋହଲିଙ୍କ ପରି କିଛି ଖେଳାଳି ଯେକୌଣସି ଫର୍ମାଟରେ ଚମତ୍କାର ବ୍ୟାଟିଂ କରିବାର କ୍ଷମତା ରଖିଛନ୍ତି।

ଏହି ଆର୍ଟିକିଲରେ, ଆମେ 3 ଜଣ ମହାନ ବ୍ୟାଟ୍ସମ୍ୟାନଙ୍କ ବିଷୟରେ ଆପଣଙ୍କୁ କହିବୁ, ଯେଉଁମାନେ କ୍ରିକେଟ୍ ର ଦୀର୍ଘତମ ଫର୍ମାଟରେ ଚମତ୍କାର ଖେଳ ଖେଳିବି କେବେବି ଆଇସିସି ଟେଷ୍ଟ୍ ର଼୍ୟାଙ୍କିଙ୍ଗରେ 1 ନମ୍ବର ସ୍ଥାନ ପାଇ ନାହାଁନ୍ତି।

1) ଫାଫ୍ ଡୁ ପ୍ଲେସିସ୍ :

ଫାଫ୍ ଡୁ ପ୍ଲେସିସ୍ କ୍ରିକେଟ୍ ର ଜଣେ ମହାନ ଖେଳାଳି। ଦକ୍ଷିଣ ଆଫ୍ରିକାର 35 ବର୍ଷୀୟ ପୂର୍ବତନ ଅଧିନାୟକ 2011 ରେ ODI ଏବଂ 2012 ରେ ଟେଷ୍ଟ ଡେବ୍ୟୁ କରିଥିଲେ।  ବିଳମ୍ବରେ ଡେବ୍ୟୁ କରିବା ପରେ ବି ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟରେ ଡୁ ପ୍ଲେସିସ୍ ନିଜର ଚମତ୍କାର ଖେଳ ଖେଳିଥିଲେ। ସେ ଅଷ୍ଟ୍ରେଲିଆ ବିପକ୍ଷ ପ୍ରଥମ ଇନିଂସରେ 78 ରନ୍ ସଂଗ୍ରହ କରିଥିଲେ।

ଦ୍ୱିତୀୟ ଇନିଂସରେ ସେ କ୍ରିଜରେ 7 ଘଣ୍ଟାରୁ ଅଧିକ ବ୍ୟାଟିଂ କରି 376 ବଲରୁ 110 * ରନ ମାରିଥିଲେ।  ଡୁ ପ୍ଲେସିସ୍ ଏଭଳି ଅନେକ ଉଜ୍ଜ୍ୱଳ ଇନିଂସ ଖେଳିଛନ୍ତି କିନ୍ତୁ ଆଇସିସି ଦ୍ୱାରା ସେ କେବେବି ODI କିମ୍ବା ଟେଷ୍ଟ କ୍ରିକେଟ୍ ରେ ପ୍ରଥମ ସ୍ଥାନ ପାଇନାହାଁନ୍ତି।

2) ହର୍ସେଲ ଗିବ୍ସ :

ଏହି ତାଲିକାରେ ଅନ୍ୟ ଜଣେ ଦକ୍ଷିଣ ଆଫ୍ରିକୀୟ ବ୍ୟାଟ୍ସମ୍ୟାନ୍ ହର୍ସେଲ ଗିବ୍ସ ଅଛନ୍ତି ଯିଏ ସୀମିତ ଓଭର ଫର୍ମାଟରେ ଆକ୍ରମଣାତ୍ମକ ବ୍ୟାଟିଂ ପାଇଁ ପ୍ରସିଦ୍ଧ ଥିଲେ।  ସେ ପ୍ରଥମ ଖେଳାଳି ଯିଏକି ନେଦରଲ୍ୟାଣ୍ଡ ବିପକ୍ଷ ଏକ ODI ରେ ମ୍ୟାଚରେ ଛଅଟି ବଲରେ 6 ଟି ଛକା ମାରିଥିଲେ। ଟେଷ୍ଟରେ କିନ୍ତୁ ତାଙ୍କ କ୍ୟାରିୟର ଭଲ ଆରମ୍ଭ ହୋଇନଥିଲା, 12 ଟି ମ୍ୟାଚରେ 54 ତାଙ୍କର ସର୍ବାଧିକ ସ୍କୋର ଥିଲା।

କିନ୍ତୁ ତାଙ୍କର 13 ତମ ଟେଷ୍ଟରେ ସେ ନ୍ୟୁଜିଲ୍ୟାଣ୍ଡ ବିପକ୍ଷରେ ଦ୍ୱିଶତକ (218 * ରନ୍) ସ୍କୋର କରିଥିଲେ। ଏହା ପରେ ସେ ଜାନୁଆରୀ 2003 ରେ ପାକିସ୍ତାନ ବିପକ୍ଷରେ 228 ରନ୍ ସ୍କୋର କରିଥିଲେ ଏବଂ ପରେ ଜୁଲାଇ-ଅଗଷ୍ଟ 2003 ରେ ଇଂଲଣ୍ଡ ବିପକ୍ଷ ସିରିଜରେ ଦୁଇ ଶତକ ହାସଲ କରିଥିଲେ।

ପରବର୍ତ୍ତୀ ସିରିଜରେ ଗିବ୍ସ ପାକିସ୍ତାନ ବିପକ୍ଷରେ ଏକ ଶତକରୁ ବଂଚିତ ହୋଇଥିଲେ, ସେ ଦ୍ୱିତୀୟ ଟେଷ୍ଟରେ 98 ରନ୍ ସ୍କୋର କରିଥିଲେ। 2003-04 ରେ ୱେଷ୍ଟଇଣ୍ଡିଜ୍ (142, 142, 192) ବିପକ୍ଷ ସମସ୍ତ ମ୍ୟାଚରେ ସେ ଶତକ ହାସଲ କରିଥିଲେ। ଏଭଳି ଫର୍ମ ସତ୍ତ୍ୱେ ଗିବ୍ସ ସେହି ସିଜନରେ ଆଇସିସି ର଼୍ୟାଙ୍କିଙ୍ଗର ଶୀର୍ଷରେ ପହଁଚିନଥିଲେ।

3) ଭିଭିଏସ୍ ଲକ୍ଷ୍ମଣ :

ଭାରତୀୟ ମଧ୍ୟମ ଅର୍ଡର ବ୍ୟାଟ୍ସମ୍ୟାନ୍ ଭିଭିଏସ୍ ଲକ୍ଷ୍ମଣ ଜଣେ ଟେଷ୍ଟ ବିଶେଷଜ୍ଞ ଯିଏ ସୀମିତ ଓଭର କ୍ରିକେଟ୍ ଅପେକ୍ଷା ଖେଳର ଲମ୍ବା ଫର୍ମାଟରେ ଅଧିକ ସଫଳ ହୋଇଥିଲେ। ଲକ୍ଷ୍ମଣ ଭାରତ ପାଇଁ ଅନେକ ସହଜ ଇନିଂସ ଖେଳିଛନ୍ତି ଏବଂ ମୋହାଲିରେ ଅଷ୍ଟ୍ରେଲିଆ ବିପକ୍ଷରେ ତାଙ୍କର ଟାର୍ଗେଟକୁ ଚେଜ କରିବା ଭାରତୀୟ କ୍ରିକେଟ୍ ପ୍ରଶଂସକଙ୍କ ମନରେ ଏବେ ବି ତାଜା ରହିଛି।

ତେବେ, ତାଙ୍କର ସବୁଠାରୁ ପ୍ରସିଦ୍ଧ ଇନିଂସ ହେଉଛି 2001 ରେ ଇଡେନ୍ ଗାର୍ଡେନ୍ସରେ ଅଷ୍ଟ୍ରେଲିଆ ବିପକ୍ଷରେ 281 ରନ। ଅଷ୍ଟ୍ରେଲିଆ ବିପକ୍ଷରେ ଲକ୍ଷ୍ମଣ ଅତ୍ୟନ୍ତ ସଫଳତା ହାସଲ କରିଥିଲେ। ସେ ହାରାହାରି 49 ରେ ଅଷ୍ଟ୍ରେଲିଆ ବିପକ୍ଷରେ ଛଅଟି ଶତକ ଏବଂ 12 ଟି ଅର୍ଦ୍ଧଶତକ ସ୍କୋର କରିଥିଲେ।  ଏଭଳି ଉଜ୍ଜ୍ୱଳ ଇନିଂସ ପରେ ବି କେବେବି ସେ ଆଇସିସି ଟେଷ୍ଟ ମାନ୍ୟତାର ଶୀର୍ଷରେ ପହଞ୍ଚି ପାରିନଥିଲେ।