ଏହି ୩ ଜଣ ଖେଳାଳି କୋହଲିଙ୍କ ସହିତ ଟିମ୍ ଇଣ୍ଡିଆରେ କରିଥିଲେ ଡେବ୍ୟୁ, ଏବେ କେରିଅର ଶେଷ ହୋଇ ନେଇ ସାରିଲେଣି ସନ୍ୟାସ

କ୍ରିକେଟ୍ ଖବର : ଟିମ ଇଣ୍ଡିଆର ପୂର୍ବତନ କ୍ୟାପ୍ଟେନ  ବିରାଟ କୋହଲି ଜଣେ ଚର୍ଚ୍ଚିତ ଖେଳାଳି । ୨୦୦୮ରେ କୋହଲି ଭାରତୀୟ ଅଣ୍ଡର-୧୯ କ୍ରିକେଟ ଟିମକୁ ବିଶ୍ୱକପ ଜିତାଇଥିବା ଦ୍ୱିତୀୟ କ୍ୟାପ୍ଟେନ ଅଟନ୍ତି । ଯାହାପରେ ସେ ଟିମ ଇଣ୍ଡିଆରେ ଡେବ୍ୟୁ କରିଥିଲେ । ଏହାପରଠାରୁ ଏଯାବତ ବିଶ୍ୱର ମହାନ ଖେଳାଳି ତାଲିକାରେ ତାଙ୍କର ନାମ ରହିଛି । ଅନ୍ୟପଟେ ତାଙ୍କ ସହିତ ଟିମ୍ ଇଣ୍ଡିଆରେ ଡେବ୍ୟୁ କରିଥିବା ୩ ଜଣ ଖେଳାଳି କ୍ରିକେଟକୁ ଅଲବିଦା କହିସାରିଛନ୍ତି । ତେବେ ଚାଲନ୍ତୁ ଜାଣିବା ସେହି ୩ ଖେଳାଳିଙ୍କ ବିଷୟରେ...

୧) ସୁବ୍ରମଣ୍ୟମ୍ ବଦ୍ରିନାଥ :

ଏହି ତାଲିକାରେ ପ୍ରଥମ ସ୍ଥାନରେ ରହିଛନ୍ତି ସୁବ୍ରମଣ୍ୟମ ବଦ୍ରିନାଥ । ସେ ୨୦ ଅଗଷ୍ଟ ୨୦୦୮ରେ ଇଣ୍ଟରନ୍ୟାସନାଲ କ୍ରିକେଟରେ ଡେବ୍ୟୁ କରିଥିଲେ ।  ବଦ୍ରିନାଥଙ୍କ ନିକଟରେ ଏକ ଭଲ ବ୍ୟାଟିଂ ସ୍କିଲ ଥିଲା ଯାହାକି  ତାଙ୍କୁ  ବ୍ୟାଟିଂ କ୍ଷେତ୍ରରେ ତାଙ୍କର ଅଲଗା ନାଁ ରହିଛି । ଆଇପିଏଲରେ ସେ ଚେନ୍ନାଇ ସୁପରକିଙ୍ଗସର ଖେଳାଳି ମଧ୍ୟ ରହିସାରିଛନ୍ତି । ତାଙ୍କର ପ୍ରଦର୍ଶନ ମଧ୍ୟ ବହୁତ ଭଲ ରହିଥିଲା । କିନ୍ତୁ ଭାରତୀୟ ଚୟନକର୍ତ୍ତାମାନେ ତାଙ୍କୁ ଅନେକ ସମୟରେ ଅଣଦେଖା କରିଥିଲେ। 

ସେ ଠିକ୍ ସମୟରେ ସଠିକ୍ ସ୍ଥାନ ପାଇ ନଥିଲେ ଏବଂ ସେ ଶୀଘ୍ର ଟିମ୍ ଇଣ୍ଡିଆରୁ ନିଜ ସ୍ଥାନ ହରାଇଥିଲେ ଏବଂ ଆଜି ସେ କୌଣସି ପ୍ରକାର କ୍ରିକେଟ୍ ରେ ସକ୍ରିୟ ନୁହଁନ୍ତି।  ତାଙ୍କ କ୍ୟାରିୟର ବିଷୟରେ କହିବାକୁ ଗଲେ ସେ ଭାରତ ପାଇଁ ୨ ଟି ଟେଷ୍ଟ, ୭ଟି ODI ଏବଂ ଗୋଟିଏ ଟି -୨୦ ମ୍ୟାଚ୍ ଖେଳିଛନ୍ତି। ସେ ୨୦୧୮ ମସିହାରେ କ୍ରିକେଟରୁ ବିଦାୟ ନେଇଛନ୍ତି।

୨) ପ୍ରଜ୍ଞାନ ଓଝା : 

ଦ୍ୱିତୀୟରେ ରହିଛନ୍ତି ପ୍ରଜ୍ଞାନ ଓଝା । ଯାହାଙ୍କର ଅର୍ନ୍ତନିହିତ ପ୍ରତିଭା ସମ୍ପର୍କରେ ସମସ୍ତେ ଜାଣନ୍ତି । ଓଝା ବିରାଟ କୋହଲିଙ୍କ ପୂର୍ବରୁ ଅର୍ଥାତ୍ ୨୮ ଜୁନ ୨୦୦୮ରେ  ଇଣ୍ଟରନ୍ୟାସନାଲ କ୍ରିକେଟରେ ଡେବ୍ୟୁ କରିଥିଲେ । ଭାରତୀୟ କ୍ରିକେଟକୁ ଅନିଲ କୁମ୍ବଲେ ଓ ହରଭଜନ ସିଂହଙ୍କ ପରେ ପ୍ରଜ୍ଞାନ ଓଝାଙ୍କ ରୂପରେ ଜଣେ ଭଲ ସ୍ପିନ୍ ବୋଲର ମିଳିଥିଲା ।  

କ୍ରିକେଟର ଦୀର୍ଘତମ ଫର୍ମାଟରେ ସେ ନିଜ ସ୍ଥାନକୁ ମଧ୍ୟ ଦୃଢ଼ କରିଥିଲେ କିନ୍ତୁ ଆଘାତ ତାଙ୍କ କ୍ୟାରିୟରରେ ଫୁଲଷ୍ଟପ୍ ଲଗାଇଦେଲା। ​ ସେବେଠାରୁ ତାଙ୍କୁ କୌଣସି ସୁଯୋଗ ମିଳିନଥିଲା। ପ୍ରଜ୍ଞାନ ଓଝା ଭାରତ ପାଇଁ ୨୪ ଟି ଟେଷ୍ଟ, ୧୮ ଟି ODI ଏବଂ ୬ଟି ଟି -୨୦ ମ୍ୟାଚ୍ ଖେଳିଛନ୍ତି। ଯେଉଁଥିରେ ସେ ଯଥାକ୍ରମେ ୧୧୩, ୨୧ ଏବଂ ୧୦ ୱିକେଟ୍ ନେଇଛନ୍ତି। ସେ ୨୧ ଫେବୃଆରୀ ୨୦୨୦ ରେ ଅନ୍ତର୍ଜାତୀୟ କ୍ରିକେଟରୁ ବିଦାୟ ନେଇଥିଲେ।

୩) ମନପ୍ରୀତ ଗୋନି : 

ତୃତୀୟ ସ୍ଥାନରେ ରହିଛନ୍ତି ପଞ୍ଜାବର ଦ୍ରୁତ ବୋଲର ମନପ୍ରୀତ ଗୋନି । ଯିଏ ବିରାଟ କୋହଲିଙ୍କ ପୂର୍ବରୁ ଅର୍ଥାତ୍ ୨୫ ଜୁନ ୨୦୦୮ରେ ଇଣ୍ଟରନ୍ୟାସନାଲ କ୍ରିକେଟରେ ପ୍ରବେଶ କରିଥିଲେ । ଗୋନିଙ୍କ ପରିଚୟ ୨୦୦୮ର ଆଇପିଏଲରେ ଚେନ୍ନାଇ ସୁପରକିଙ୍ଗସ ପାଇଁ ଖେଳିବାବେଳେ ମିଳିଥିଲା । ଚେନ୍ନାଇ ପକ୍ଷରୁ ଖେଳି ସେ ଚୟନକର୍ତ୍ତାଙ୍କୁ ପ୍ରଭାବିତ କରିଥିଲେ । ଯାହାପରେ ସିନିୟର ଟିମରେ ସୁଯୋଗ ମିଳିଥିଲା । ଗୋନି ହଂକଂ ବିପକ୍ଷ ଏସିଆକପରେ ଭାରତ ପାଇଁ ଖେଳିଥିଲେ । ଏହାପରେ ତାଙ୍କୁ ଆଉ ସୁଯୋଗ ମିଳିନଥିଲା । ସେ ଭାରତ ପାଇଁ ମାତ୍ର ୨ ଟି ODI ମ୍ୟାଚ୍ ଖେଳିଛନ୍ତି ଯେଉଁଥିରେ ତାଙ୍କ ନାମରେ ୨ ଟି ୱିକେଟ୍ ଅଛି। ଜୁନ୍ ୨୦୧୯ ରେ ସେ କ୍ରିକେଟର ସମସ୍ତ ଫର୍ମାଟରୁ ବିଦାୟ ନେଇଥିଲେ।