IND vs PAK: ଭାରତ ଠାରୁ ଲଜ୍ଜାଜନକ ପରାଜୟ ହଜମ କରିପାରୁ ନାହିଁ ପାକିସ୍ତାନ, BCCI ଓ ICC କୁ ଦୋଷ ଦେଇ କହିଲା ଏମିତି

ଗତ 14 ତାରିଖରେ ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଭାରତ ଓ ପାକିସ୍ତାନ ମଧ୍ୟରେ ବଡ଼ ମ୍ୟାଚ ଖେଳା ଯାଇଥିଲା । ଏହି ମ୍ୟାଚରେ ଭାରତୀୟ ଦଳ ପାକିସ୍ତାନକୁ 7 ୱିକେଟରେ ସହଜରେ ପରାସ୍ତ କରିଥିଲା ।

ବାବର ଆଜମଙ୍କ ନେତୃତ୍ୱରେ ପାକିସ୍ତାନୀ ଦଳକୁ ଲଜ୍ଜାଜନକ ପରାଜୟର ସମ୍ମୁଖୀନ ହେବାକୁ ପଡିଥିଲା । ତେବେ ଭାରତ ବିପକ୍ଷରେ ପରାଜୟ ପରେ ପାକିସ୍ତାନୀ ଦଳର ନିର୍ଦ୍ଦେଶକ ମିକି ଆର୍ଥର ଏକ ବଡ଼ ବୟାନ ଦେଇଛନ୍ତି ।

ଭାରତ ବିପକ୍ଷରେ ପରାଜୟ ପରେ କ’ଣ କହିଲେ ମିକି ଆର୍ଥର?

ମିକି ଆର୍ଥର କହିଛନ୍ତି ଯେ ଆଜି ରାତିରେ ଏହା ଆଇସିସି ଇଭେଣ୍ଟ ପରି ମନେ ହେଉନାହିଁ, ଏହା ବିସିସିଆଇ ଇଭେଣ୍ଟ ପରି ଲାଗୁଛି । ତେବେ ମୁଁ ଏହାକୁ ବାହାନା ଭାବରେ ବ୍ୟବହାର କରିବି ନାହିଁ।

ମିକି ଆର୍ଥର ଆହୁରି କହିଛନ୍ତି ଯେ ଅହମ୍ମଦାବାଦର ପରିବେଶକୁ ଦେଖିଲେ ଏହା ଏକ ଆଇସିସି ଇଭେଣ୍ଟ ଲାଗୁ ନାହିଁ । ଏହି ବିସିସିଆଇ ଇଭେଣ୍ଟ ଦ୍ୱିପାକ୍ଷିକ ସିରିଜ୍ ପରି ଅଧିକ ଦେଖାଯାଉଥିଲା । ଷ୍ଟାଡିୟମରେ ପାକିସ୍ତାନ କ୍ରିକେଟ୍ ଦଳର ଥିମ୍ ଗୀତ ‘ଦିଲ୍-ଦିଲ୍ ପାକିସ୍ଥାନ’ ଶୁଣିବାକୁ ମଧ୍ୟ ପାଇଲୁ ନାହିଁ । ଯେଉଁଥି ପାଇଁ ପାକିସ୍ତାନ ହାରିଗଲା  ।

ଯଦି ଆମେ ଭାରତ-ପାକିସ୍ତାନ ମ୍ୟାଚ୍ ବିଷୟରେ କଥା ହେବା, ରୋହିତ ଶର୍ମାଙ୍କ ନେତୃତ୍ୱରେ ଟିମ୍ ଇଣ୍ଡିଆ କ୍ରମାଗତ ତୃତୀୟ ବିଜୟ ପଞ୍ଜିକରଣ କରିଛି । ଯେତେବେଳେ କି ପାକିସ୍ତାନ ଦଳକୁ ବିଶ୍ୱକପ 2023 ରେ ପ୍ରଥମ ପରାଜୟର ସାମ୍ନା କରିବାକୁ ପଡିଛି ।| ଏହା ବ୍ୟତୀତ ଭାରତୀୟ ଦଳ ବିଶ୍ୱକପରେ କ୍ରମାଗତ ଅଷ୍ଟମ ଥର ପାଇଁ ପାକିସ୍ତାନକୁ ପରାସ୍ତ କରିଛି ।