ୱାର୍ଣ୍ଣର କ୍ୟାରିୟରର ଶେଷ ଟେଷ୍ଟରେ ହେଲେ ଭାବପ୍ରବଣ, ପାକିସ୍ତାନୀ ଖେଳାଳିମାନେ ଏହିପରି ଜିତିଲେ ହୃଦୟ, ଭିଡିଓ ଭାଇରାଲ
ଅଷ୍ଟ୍ରେଲିଆର ଅନ୍ୟତମ ତାରକା ଓପନର ଡେଭିଡ ୱାର୍ନର ଟେଷ୍ଟ କ୍ରିକେଟକୁ ବିଦାୟ ଦେଇଛନ୍ତି । ଗତ ଟେଷ୍ଟ ମ୍ୟାଚ୍ରେ ପାକିସ୍ତାନ ବିପକ୍ଷରେ ବିଜୟ ସହ ୱାର୍ଣ୍ଣର ତାଙ୍କ ଟେଷ୍ଟ କ୍ୟାରିୟର ଶେଷ କରିଥିଲେ।
37 ବର୍ଷ ବୟସ୍କ ଅଷ୍ଟ୍ରେଲୀୟ ଓପନିଂ ବ୍ୟାଟ୍ସମ୍ୟାନ୍ ଅବସର ଘୋଷଣା କରିସାରିଛନ୍ତି । ପାକିସ୍ତାନ ବିପକ୍ଷ ଟେଷ୍ଟ ସିରିଜ୍ ତାଙ୍କ କ୍ୟାରିୟରର ଶେଷ ଟେଷ୍ଟ ସିରିଜ୍ ଥିଲା । ତାଙ୍କର ଶେଷ ମ୍ୟାଚରେ ସେ ପାକିସ୍ତାନ ବିପକ୍ଷରେ ଅର୍ଦ୍ଧଶତକ ହାସଲ କରିଥିଲେ । ଏହା ସହିତ ତାଙ୍କୁ ଏକ ଭାବପ୍ରବଣ ବିଦାୟ ମଧ୍ୟ ଦିଆଯାଇଥିଲା । ଏହା ସହ ଜଡିତ ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଭାଇରାଲ ହେଉଛି ।
ଅଷ୍ଟ୍ରେଲିଆ ବନାମ ପାକିସ୍ତାନର ତୃତୀୟ ଟେଷ୍ଟ ମ୍ୟାଚରେ ଟାର୍ଗେଟକୁ ପଛରେ ପକାଇ ଡେଭିଡ ୱାର୍ଣ୍ଣର 7 ଚୌକା ସହାୟତାରେ 57 ରନ ସ୍କୋର କରିଥିଲେ । ତାଙ୍କୁ ଶେଷ ଟେଷ୍ଟ ମ୍ୟାଚରେ ପାକିସ୍ତାନର ସାଜିଦ ଖାନ ଆଉଟ କରିଥିଲେ । ୱାର୍ଣ୍ଣର ଆଉଟ ହେବା ପରେ ପାକିସ୍ତାନୀ ଖେଳାଳି ସାଜିଦ ତାଙ୍କୁ ଅଭିବାଦନ ଜଣାଇଛନ୍ତି ।
ୱାର୍ଣ୍ଣରଙ୍କ ଆଉଟ ହେବା କରିବା ପରେ ତାଙ୍କ ସାଥୀ ମାର୍ନୁସ୍ ଲାବୁସାଗ୍ନେ ମଧ୍ୟ ଭାବପ୍ରବଣ ଦେଖାଯାଉଥିଲେ । ଏହା ସହିତ ସମସ୍ତ ପାକିସ୍ତାନୀ ଖେଳାଳି ଅଷ୍ଟ୍ରେଲୀୟ ଓପନର୍ ଙ୍କୁ ବିଦାୟ ଦେଇ ଶୁଭକାମନା ଜଣାଇଥିଲେ ।