ଏସିଆ କପରୁ ବାହାରିବା ମାତ୍ରେ ପାକିସ୍ତାନ ଦଳରେ ଦେଖାଗଲା ବିବାଦ, ବାବର-ଶାହିନ୍ ଡ୍ରେସିଂ ରୁମରେ ହେଲେ ମୁହାଁମୁହିଁ

ଏସିଆ କପ୍ 2023 ରେ ପାକିସ୍ତାନର ନିରାଶାଜନକ ପ୍ରଦର୍ଶନ ଦେଖିବାକୁ ମିଳିଥିଲା, ଆଇସିସି ODI ର଼୍ୟାଙ୍କିଙ୍ଗରେ ଏକ ନମ୍ବର ଦଳର ଯାତ୍ରା ସୁପର 4 ରେ ନିମ୍ନ ସ୍ଥାନ ସହିତ ଶେଷ ହୋଇଥିଲା । ଏହି ଟୁର୍ନାମେଣ୍ଟରେ ପାକିସ୍ତାନ ଫାଇନାଲରେ ପହଞ୍ଚିବା ପାଇଁ ଶ୍ରୀଲଙ୍କାକୁ ପରାସ୍ତ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା, କିନ୍ତୁ ଶ୍ରୀଲଙ୍କା ମ୍ୟାଚ ଜିତି ଫାଇନାଲରେ ସ୍ଥାନ ପାଇଲା ।

ତେବେ ପାକିସ୍ତାନର ଖରାପ ପ୍ରଦର୍ଶନ ପରେ ଅଧିନାୟକ ବାବର ଆଜାମ ଏବଂ ଦ୍ରୁତ ବୋଲର ଶାହିନ ଆଫ୍ରିଦି ଡ୍ରେସିଂ ରୁମରେ ପରସ୍ପର ସହ ମୁହାଁମୁହିଁ ହେବାର ଫଟୋ ସୋସିଆଲ ମିଡ଼ିଆ ରେ ଭାଇରଲ ହେଉଛି ।

ପାକିସ୍ତାନ ଦଳର ଡ୍ରେସିଂ ରୁମରେ ବାବର-ଶାହିନ ସଂଘର୍ଷ:

ପାକିସ୍ତାନ ଏସିଆ କପ୍ ଫାଇନାଲରେ ପହଞ୍ଚିବା ପାଇଁ ସୁପର 4 ରେ 2 ଟି ବିଜୟ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ଥିଲା କିନ୍ତୁ ପାକିସ୍ତାନ କେବଳ ଗୋଟିଏ ମ୍ୟାଚ୍ ଜିତିଥିଲା ​​। ଶ୍ରୀଲଙ୍କା ବିପକ୍ଷ କର ବା ମର ମ୍ୟାଚ୍ ରେ ପରାଜୟ ପରେ ବାବର ଆଜାମ ଏବଂ ଶାହିନ୍ ଆଫ୍ରିଦି ଡ୍ରେସିଂ ରୁମରେ ପରସ୍ପର ସହ ମୁହାଁମୁହିଁ ହୋଇଥିଲେ ।

ପାକିସ୍ତାନୀ ନ୍ୟୁଜ୍ ଚ୍ୟାନେଲ ଅନୁଯାୟୀ, ଏହି ଖେଳାଳିମାନେ ଡ୍ରେସିଂ ରୁମରେ ପରସ୍ପର ସହ ସଂଘର୍ଷ କରିଥିଲେ । ଯାହା ପରେ ମହମ୍ମଦ ରିଜୱାନ୍ ଦୁହିଁଙ୍କ ମଧ୍ୟରେ ଆସି ଏହି ମାମଲାକୁ ଶାନ୍ତ କରିଥିଲେ

ବାବର ଆଜମ ଏବଂ ଶାହିନଙ୍କ ମଧ୍ୟରେ ତୀବ୍ର ଯୁକ୍ତିତର୍କ ହୋଇଥିଲା:

ପାକିସ୍ତାନୀ ଚ୍ୟାନେଲ ବୋଲ ନ୍ୟୁଜ୍ ଅନୁଯାୟୀ, ଶ୍ରୀଲଙ୍କା ବିପକ୍ଷରେ ପରାଜୟ ପରେ ଅଧିନାୟକ ବାବର ଆଜାମ ତାଙ୍କ ଖେଳାଳିଙ୍କୁ କହିଥିଲେ ଯେ ସେମାନେ ଦାୟିତ୍ୱ ର ସହିତ ଖେଳୁ ନାହାଁନ୍ତି । ଏଥିପାଇଁ ଶାହିନ୍ ଆଫ୍ରିଦି ଉତ୍ତର ଦେଇଛନ୍ତି, ଯିଏ ଭଲ ବ୍ୟାଟିଂ କରିଛନ୍ତି ସେ ତାଙ୍କ ପ୍ରଶଂସା କରିବା ଉଚିତ୍ । ବାବର ଏହି ଉତ୍ତରକୁ ପସନ୍ଦ କରୁନଥିଲେ ଏବଂ ସେ କହିଥିଲେ, ମୁଁ ଜାଣେ କିଏ ଭଲ ପ୍ରଦର୍ଶନ କରୁଛି ।