କାହିଁକି ସଞ୍ଜୁ ସାମସନ୍ ଏବଂ ଉମ୍ରାନ ଙ୍କୁ ଖେଳାଇଲେ ନାହିଁ ହାର୍ଦ୍ଦିକ ପାଣ୍ଡ୍ୟା, ନିଜେ କହିଲେ ନ ଖେଳାଇବାର କାରଣ...

କ୍ରିକେଟ ଖବର : ନ୍ୟୁଜିଲ୍ୟାଣ୍ଡ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଟି-20 ସିରିଜରେ ସଞ୍ଜୁ ସାମସନ ଏବଂ ଉମ୍ରାନ ମଲିକଙ୍କ ପରି ଏକ୍ସ-ଫ୍ୟାକ୍ଟର ଖେଳାଳି ଏକାଦଶ ଖେଳିବାରେ ସୁଯୋଗ ପାଇ ନଥିଲେ। ଟି -20 ବିଶ୍ୱକପରୁ ବାଦ୍ ପଡ଼ିବା ପରେ ଆଶା କରାଯାଉଥିଲା ଯେ ଭାରତ ଟି -20 ସେଟଅପରେ ନୂତନ ଖେଳାଳିଙ୍କୁ ପରିଚିତ କରାଇବ କିନ୍ତୁ ସାମସନ ଏବଂ ମଲିକଙ୍କୁ ବେଞ୍ଚରେ ନ୍ୟୁଜିଲାଣ୍ଡ ବିପକ୍ଷରେ ବସିଥିବାର ନଜର ଆସିଛି। ଯେତେବେଳେ ସାମସନ୍ ଏବଂ ଉମ୍ରାନଙ୍କ ଚୟନ ବିଷୟରେ ପଚରାଗଲା ଅଧିନାୟକ ହାର୍ଦ୍ଦିକ ପାଣ୍ଡ୍ୟା ନିଜର ମତ ରଖିଛନ୍ତି। 

ଏହି ଦୁଇ ଖେଳାଳିଙ୍କ ବିଷୟରେ କଣ କହିଲେ ପାଣ୍ଡ୍ୟା :

ସାମ୍ବାଦିକ ସମ୍ମିଳନୀରେ ହାର୍ଦ୍ଦିକ ପାଣ୍ଡ୍ୟା କହିଛନ୍ତି ଯେ, ସର୍ବପ୍ରଥମେ ବାହାରେ ଯାହା କୁହାଯାଉଛି ତାହା ଏହି ସ୍ତରରେ ଗୁରୁତ୍ୱପୂର୍ଣ୍ଣ ନୁହେଁ। ଏହା ମୋର ଦଳ, କୋଚ୍ ଏବଂ ଆମେ ଯାହା ଚାହିଁବୁ ସେମିତି ଖେଳାଇବୁ। ବହୁତ ସମୟ ଅଛି। ସମସ୍ତେ ସୁଯୋଗ ପାଇବେ ଏବଂ ଯେତେବେଳେ ସେମାନେ ସୁଯୋଗ ପାଇବେ ସେମାନେ ଏକ ଦୀର୍ଘ ସମୟ ଦଳରେ ରହିବେ। ଯଦି ଏକ ବଡ଼ ସିରିଜ୍, ଅଧିକ ମ୍ୟାଚ୍ ଥାଏ, ତେବେ ନିଶ୍ଚିତ ଭାବରେ ଅଧିକ ସୁଯୋଗ ହୋଇଥାନ୍ତା। 

ଆହୁରି ପଢ଼ନ୍ତୁ : ସେହୱାଗ ପରି ବ୍ୟାଟିଂ କରୁଥିବା ଏହି ଖେଳାଳି 15 ମାସ ହେବ ଦଳରେ ପ୍ରତ୍ୟାବର୍ତ୍ତନ ପାଇଁ କରିଛନ୍ତି ଅପେକ୍ଷା, BCCI କରୁଛି ଅଣଦେଖା

ହାର୍ଦ୍ଦିକ ପାଣ୍ଡ୍ୟା ଆହୁରି କହିଛନ୍ତି, 'ଏହା ଏକ ଛୋଟ ସିରିଜ୍ ଥିଲା, ମୁଁ ଅଧିକ ପରିବର୍ତ୍ତନ ଉପରେ ବିଶ୍ୱାସ କରେ ନାହିଁ ଏବଂ ଆଗକୁ ବିଶ୍ୱାସ କରିବି ବି ନାହିଁ । ଯେପରି ମୋର 6ଟି ବୋଲିଂ ବିକଳ୍ପ ଆବଶ୍ୟକ ଥିଲା ଏବଂ ଦୀପକ ବୋଲିଂ କରିଥିବାରୁ ସିରିଜ୍ ଜିତିବାରେ ସମ୍ଭବ ହେଲା।