IND vs AFG: ମ୍ୟାଚ ହାରିବା ପରେ ଆଫଗାନିସ୍ତାନ ଅଧିନାୟକ ମହମ୍ମଦ ନବୀ ଙ୍କ ଅଜବ ବୟାନ, କହିଲେ "ଆମେ ମ୍ୟାଚ ହାରିଗଲୁ କାରଣ...

କ୍ରିକେଟ୍ ଖବର : ଭାରତ ବିପକ୍ଷରେ ଖେଳାଯାଇଥିବା ମ୍ୟାଚ୍ ମହମ୍ମଦ ନବୀ ଏବଂ ତାଙ୍କ ଦଳ ପାଇଁ ଏକ ଦୁଃସ୍ୱପ୍ନଠାରୁ କମ୍ ହେବ ନାହିଁ। ଗତ ଏସିଆ କପ୍ ମ୍ୟାଚରେ ଭାରତ ଆଫଗାନିସ୍ତାନକୁ ଖରାପ ଭାବେ ପରାସ୍ତ କରିଛି। ବିସ୍ଫୋରକ ବ୍ୟାଟିଂ ଏବଂ ଘାତକ ବୋଲିଂ ଆଧାରରେ ଟିମ୍ ଇଣ୍ଡିଆ 101 ରନରେ ମ୍ୟାଚ ଜିତିଥିଲା।  ଆଫଗାନିସ୍ତାନର ବ୍ୟାଟ୍ସମ୍ୟାନ୍ ଏବଂ ବୋଲରମାନେ ଉଭୟ ଏହି ମ୍ୟାଚରେ ଫ୍ଲପ୍ ହୋଇଥିଲେ। ଏଥି ସହିତ, ଏହି ମ୍ୟାଚରୁ ପରାଜୟ ପରେ ଦଳର ଅଧିନାୟକ ମହମ୍ମଦ ନବୀ ଏକ ବଡ଼ ବୟାନ ଦେଇଛନ୍ତି ।

ପରାଜୟ ପରେ ମହମ୍ମଦ ନବୀ ଦଳ ବିଷୟରେ କଲେ ବଡ଼ ଖୁଲାସା : 

ଭାରତ ବିପକ୍ଷରେ ପରାଜୟ ପରେ ଆଫଗାନିସ୍ତାନ ଅଧିନାୟକ ମହମ୍ମଦ ନବୀ ମ୍ୟାଚ୍ ଉପସ୍ଥାପନାରେ କହିଛନ୍ତି ଯେ ସେ ଆଉ ତାଙ୍କ ଦଳ ଏହି ମ୍ୟାଚ୍ ପାଇଁ ମାନସିକ ସ୍ତରରେ ପ୍ରସ୍ତୁତ ନ ଥିଲେ।

ସେ କହିଥିଲେ ଯେ, “ପାକିସ୍ତାନ ବିପକ୍ଷରେ ଖେଳିବା ବାସ୍ତବରେ କଷ୍ଟସାଧ୍ୟ ଥିଲା। ମ୍ୟାଚ୍ କଠିନ ଥିଲା ଏବଂ ଏହା ପରେ ପରବର୍ତ୍ତୀ ଖେଳ ଭାରତ ବିପକ୍ଷରେ। ଏହା ଆମ ପାଇଁ ବହୁତ କଷ୍ଟସାଧ୍ୟ ହୋଇଛି। ଏହି ମ୍ୟାଚ୍ ପାଇଁ ଆମେ ମାନସିକ ଭାବେ ପ୍ରସ୍ତୁତ ନ ଥିଲୁ। 

ଆମେ ପ୍ରସ୍ତୁତ ହେବାକୁ ଯଥାସମ୍ଭବ ଚେଷ୍ଟା କରିଥିଲୁ କିନ୍ତୁ ଆମ ଖେଳାଳି ମାନସିକ ସ୍ତରରେ ପ୍ରସ୍ତୁତ ନଥିଲେ। ଆଜି ଆମେ ଆମର ଯଥାସମ୍ଭବ ଚେଷ୍ଟା କରିଥିଲୁ, କେ.ଏଲ୍ ରାହୁଲ ଏବଂ କୋହଲି ଯେପରି ଆରମ୍ଭ କରିଥିଲେ ତାହା ପ୍ରଶଂସନୀୟ।ଆମେ କ୍ୟାଚ୍ ଛାଡିଥିଲୁ , ତେଣୁ ମ୍ୟାଚ ହାରିଗଲୁ। ଆମେ ଟୁର୍ନାମେଣ୍ଟ ବହୁତ ଭଲ ଆରମ୍ଭ କରିଥିଲୁ। କିନ୍ତୁ ସମାପ୍ତି ଆଦୌ ଭଲ ହୋଇ ନାହିଁ। "