IND vs AUS: ଏହି 3 ଜଣ ଖେଳାଳି ଉମେଶ ଯାଦବଙ୍କ ଅପେକ୍ଷା ଭଲ ବିକଳ୍ପ ଥିଲେ, କିନ୍ତୁ ରୋହିତ ଦେଲେନି ସୁଯୋଗ

କ୍ରିକେଟ ଖବର : ଅଷ୍ଟ୍ରେଲିଆ ବିପକ୍ଷରେ ମହମ୍ମଦ ଶାମିଙ୍କ ବଦଳରେ 43 ମାସ ପରେ ଉମେଶ ଯାଦବ ଟି -20 ଦଳରେ ମନୋନୀତ ହୋଇଥିଲେ। ଯଦି ରୋହିତ ଶର୍ମା ଏବଂ ଚୟନକର୍ତ୍ତା ଉମେଶ ଯାଦବଙ୍କ ବଦଳରେ ଏହି 3 ଯୁବ ଖେଳାଳିଙ୍କ ମଧ୍ୟରୁ ଜଣଙ୍କୁ ବାଛିଥାନ୍ତେ, ତେବେ ସେ ଟିମ୍ ଇଣ୍ଡିଆ ପାଇଁ ଅଧିକ ପ୍ରଭାବଶାଳୀ ହୋଇଥାନ୍ତେ। ଆଉ ଗତକାଲିର ମ୍ୟାଚ ବି ଭାରତ ଜିତିଥାନ୍ତା।

ଅନ୍ୟପଟେ ଉମେଶ ଗତକାଲିର ମ୍ୟାଚରେ ମହଙ୍ଗା ସାବ୍ୟସ୍ତ ହୋଇଛନ୍ତି। ସେ ମାତ୍ର ଦୁଇ ଓଭର ବୋଲିଂ କରି 27 ରନ ବ୍ୟୟ କରିଥିଲେ। କିନ୍ତୁ ଏହି ଦୁଇ ଓଭରରେ ସେ ଦୁଇଟି ୱିକେଟ ବି ନେଇଛନ୍ତି। ସେ ଷ୍ଟିଭେନ୍ ସ୍ମିଥ୍ ଆଉ ଗ୍ଲେନ୍ ମ୍ୟାକ୍ସୱେଲଙ୍କୁ ଆଉଟ୍ କରିଛନ୍ତି। କିନ୍ତୁ ଉମେଶଙ୍କ ଏହି ପ୍ରଦର୍ଶନ ଦଳକୁ ମ୍ୟାଚ ଜିତିବାରେ ସହାୟକ ହେଲା ନାହିଁ। 

1) ଟି ନାଟାରାଜନ :

ଚୟନକର୍ତ୍ତା କାହିଁକି ଟି ନାଟାରାଜନଙ୍କୁ ଚୟନ କରୁନାହାଁନ୍ତି, ଯିଏକି ୟର୍କର କିଙ୍ଗ ଭାବରେ ଜଣାଶୁଣା, ତାହା ବର୍ତ୍ତମାନ ବୁଝିବା ବାହାରେ। ଡେଥ୍ ଓଭରରେ ବିରୋଧୀ ଦଳ ପାଇଁ ଟି ନାଟରାଜନ୍ ଜସପ୍ରୀତ ବୁମ୍ରାଙ୍କ ପରି ଏକ ସମସ୍ୟା ସୃଷ୍ଟି କରନ୍ତି।ଆଇପିଏଲ୍ 2022 ରେ, ନଟରାଜନ୍ 11 ଟି ମ୍ୟାଚ୍ ରେ 18 ଟି ୱିକେଟ୍ ନେଇ ଚମତ୍କାର ବୋଲିଂ କରିଥିଲେ। କିନ୍ତୁ ତାଙ୍କୁ ଅଣଦେଖା କରାଯାଉଛି। 

2) ମୋହସିନ୍ ଖାନ୍ :

ଆଇପିଏଲ୍ 2022 ରେ ଚମତ୍କାର ପ୍ରଦର୍ଶନ କରିଥିବା ମୋହସିନ୍ ଖାନଙ୍କୁ ଟିମ୍ ଇଣ୍ଡିଆରେ ସୁଯୋଗ ମିଳୁନାହିଁ। ମୋହସିନ୍ ଖାନଙ୍କର 150 KMPH ବେଗରେ କ୍ରମାଗତ ଭାବରେ ବୋଲିଂ କରିବାର କ୍ଷମତା ରଖନ୍ତି। ଆଇପିଏଲ୍ 2022 ରେ, ଏହି ଦ୍ରୁତ ବୋଲର 9 ଟି ମ୍ୟାଚ୍ ରେ ମୋଟ 14 ୱିକେଟ୍ ନେଇଥିବାବେଳେ 5.97 ର ଏକ ପ୍ରଭାବଶାଳୀ ଇକୋନମିରେ ବୋଲିଂ କରିଥିଲେ। ଶାମିଙ୍କ ସ୍ଥାନରେ ଉମେଶଙ୍କୁ ନ ଚୟନ କରି ମୋହସିନଙ୍କୁ ଚୟନକର୍ତା ଆଉ ରୋହିତ ଏକ ସୁଯୋଗ ଦେବାର ଥିଲା। 

3) ଦୀପକ ଚହାର :

ପାୱାରପ୍ଲେ ରରେ ଯୁବ ଦ୍ରୁତ ବୋଲର ଦୀପକ ଚହାର ଭଲ ବୋଲିଂ କରନ୍ତି। ସେ ମଧ୍ୟ ଆଇପିଏଲରେ ନିଜକୁ ପ୍ରମାଣିତ କରିଛନ୍ତି। ଯଦି ଅଷ୍ଟ୍ରେଲିଆ ବିପକ୍ଷ ଟି -20 ସିରିଜରେ ଟିମ୍ ଇଣ୍ଡିଆ ଦୀପକ ଚହାରଙ୍କୁ ସୁଯୋଗ ଦେଇଥାନ୍ତା, ତେବେ ଭବିଷ୍ୟତରେ ଏହା ଏକ ଭଲ ନିଷ୍ପତ୍ତି ହୋଇଥାନ୍ତା କାରଣ ସେ T20 ବିଶ୍ୱକପ ପାଇଁ ମଧ୍ୟ ଦଳରେ ସ୍ଥାନ ପାଇଛନ୍ତି।