ଶତକ ପୂର୍ବରୁ ନିଉଜିଲାଣ୍ଡ ର ଏହି ବୋଲରଙ୍କୁ ଭୟ କରୁଥିଲେ ରୋହିତ ଶର୍ମା, ଶୁଭମାନ ଗିଲ କଲେ ବଡ଼ ଖୁଲାସା

କ୍ରିକେଟ୍ ଖବର: ODI ସିରିଜର ତୃତୀୟ ମ୍ୟାଚ୍‌ରେ ଭାରତୀୟ ଦଳ ନ୍ୟୁଜିଲ୍ୟାଣ୍ଡକୁ 90 ରନରେ ପରାସ୍ତ କରି ସିରିଜକୁ 3-0 ଜିତିଛି। ଏହି ମ୍ୟାଚରେ ପୁଣି ଥରେ ଟିମ୍ ଇଣ୍ଡିଆର ଓପନିଂ ଯୋଡି ଅର୍ଥାତ୍ କ୍ୟାପଟେନ୍ ରୋହିତ ଶର୍ମା ଏବଂ ତାଙ୍କ ସହଯୋଗୀ ଶୁଭମାନ ଗିଲ ଚମତ୍କାର ବ୍ୟାଟିଂ କରିଥିଲେ।

ଟିମ୍ ଇଣ୍ଡିଆର ଉଭୟ ଓପନର୍ ଶତକ ହାସଲ କରିଥିଲେ। ଦୀର୍ଘ ସମୟ ପରେ ହିଟମ୍ୟାନ୍ ମଧ୍ୟ ନିଜ ବ୍ୟାଟ୍ ଦ୍ୱାରା ଶତକ ହାସଲ କରିଥିଲେ। ସେ 83 ବଲରେ ଶତକ ପୂରଣ କରି 101 ରନର ଇନିଂସ ଖେଳିଥିଲେ। ପ୍ରାୟ 1100 ଦିନ ପରେ ରୋହିତ ଏକ ଶତକୀୟ ଇନିଂସ ଖେଳିଥିଲେ। ODI କ୍ରିକେଟରେ ଏହା ତାଙ୍କର ଦ୍ୱିତୀୟ ଦ୍ରୁତତମ ଶତକ ଅଟେ। 

ତେବେ ରୋହିତଙ୍କ ଏହି ଶତକ ସହ ଜଡିତ ଏକ ରହସ୍ୟ ବର୍ତ୍ତମାନ ତାଙ୍କ ଓପେନିଂ ପାର୍ଟନର ଶୁଭମାନ ଗିଲ କହିଛନ୍ତି। ଗିଲ କହିଛନ୍ତି ଯେ ଶତକ ପୂର୍ବରୁ ରୋହିତ ଭାଇ କିୱି ବୋଲର ଡ୍ୟାରିଲ୍ ମିଚେଲଙ୍କ ବଲ୍ ଖେଳିବାକୁ ଭୟ କରୁଥିଲେ। ଯେତେବେଳେ ରୋହିତ 70 ରନରେ ବ୍ୟାଟିଂ କରୁଥିଲେ ସେ ଡ୍ୟାରିଲଙ୍କ ବଲ୍ ଖେଳିବାକୁ ଭୟ କରୁଥିଲେ ବୋଲି ଗିଲ୍ କହିଛନ୍ତି। ଏହି କଥା ଗିଲ୍ ଟିମ୍ ଇଣ୍ଡିଆର ହେଡ୍ କୋଚ୍ ରାହୁଲ୍ ଦ୍ରାବିଡଙ୍କୁ କହିଥିଲେ। ଯାହାର ଭିଡ଼ିଓ ବର୍ତ୍ତମାନ ସୋସିଆଲ ମିଡ଼ିଆରେ ଭାଇରାଲ୍ ହେଉଛି। 

ଆହୁରି ପଢ଼ନ୍ତୁ : ଦେଖନ୍ତୁ ଭିଡ଼ିଓ: ସିରିଜ୍ ଜିତିବା ପରେ ରୋହିତ ଏହି ବୃଦ୍ଧ ଲୋକଙ୍କୁ ଦେଲେ ଟ୍ରଫି, ତାପରେ ବିରାଟ-ସୂର୍ଯ୍ୟ ଉଠାଇଲେ ମଜାଳିଆ ଫଟୋ