"T-20 ଦଳରେ ମୁଁ ହର୍ଷଲଙ୍କ ବଦଳରେ ଏହି ଘାତକ ଖେଳାଳିଙ୍କୁ ସାମିଲ କରିଥାନ୍ତି" କହିଲେ ପୂର୍ବ ଭାରତୀୟ ଅଧିନାୟକ

କ୍ରିକେଟ୍ ଖବର :  ସୋମବାର ଦିନ ସନ୍ଧ୍ୟା ସମୟରେ ଟିମ୍ ଇଣ୍ଡିଆର ଟି -20 ବିଶ୍ୱକପ୍ ଦଳ ଘୋଷଣା କରାଯାଇଛି। ଏଥିରେ ଦ୍ରୁତ ବୋଲର ଜସପ୍ରୀତ ବୁମ୍ରା ଏବଂ ହର୍ଷଲ ପଟେଲ ଆହତ ଅବସ୍ଥାରୁ ସୁସ୍ଥ ହୋଇ ଦଳକୁ ପ୍ରତ୍ୟାବର୍ତ୍ତନ କରିଛନ୍ତି। ବୁମରା ଏବଂ ହର୍ଷଲଙ୍କ ସହ ଭୁବନେଶ୍ୱର ଏବଂ ଅର୍ଶଦୀପ ମଧ୍ୟ ଦ୍ରୁତ ବୋଲରଙ୍କ ମଧ୍ୟରେ ସାମିଲ ହୋଇଛନ୍ତି। ଏଥି ସହିତ ମହମ୍ମଦ ଶାମିଙ୍କୁ ଷ୍ଟାଣ୍ଡବାଇ ଖେଳାଳି ରୂପେ ରଖାଯାଇଛି। 

ଭାରତର ପୂର୍ବତନ ଅଧିନାୟକ କୃଷ୍ଣମାଚରି ଶ୍ରୀକାନ୍ତ ବିଶ୍ୱାସ କରନ୍ତି ଯେ ଭେଟେରାନ ଫାଷ୍ଟ ବୋଲର ମହମ୍ମଦ ଶାମି ଟି -୨୦ ବିଶ୍ୱକପ ପାଇଁ ଭାରତର ୧୫ ଜଣିଆ ଦଳର ଅଂଶ ହେବା ଉଚିତ୍। ସେ କହିଛନ୍ତି ଯେ ଯଦି ସେ ଚୟନକର୍ତ୍ତା ହୋଇଥାନ୍ତେ ତେବେ ସେ ହର୍ଷଲ ପଟେଲଙ୍କ ବଦଳରେ ମହମ୍ମଦ ଶାମିଙ୍କୁ ବାଛିଥାନ୍ତେ।

ଦଳର ଘୋଷଣା ପରେ 'ଷ୍ଟାର୍ ସ୍ପୋର୍ଟସ୍'ର ବ୍ଲୁଜ୍ ଶୋ' ଉପରେ ଚୟନ କମିଟିର ପୂର୍ବତନ ଅଧ୍ୟକ୍ଷ ଶ୍ରୀକାନ୍ତ କହିଛନ୍ତି ଯେ ମୁଁ ଯଦି ଚୟନ କମିଟିର ବର୍ତ୍ତମାନର ଅଧ୍ୟକ୍ଷ ଥାଆନ୍ତି, ତେବେ ମହମ୍ମଦ ଶାମି ନିଶ୍ଚିତ ଭାବରେ ଦଳରେ ରହିଥାନ୍ତେ। ଆମେ ଅଷ୍ଟ୍ରେଲିଆରେ ବିଶ୍ୱକପ୍ ଖେଳିବୁ । ଶାମିର ଗତି ଏବଂ ବାଉନ୍ସ ପକେଇବାର କ୍ଷମତା ଅଛି।

ସେ ସୁଇଙ୍ଗ୍ କରି ଶୀଘ୍ର ୱିକେଟ୍ ନେଇପାରନ୍ତି। ଏଭଳି ପରିସ୍ଥିତିରେ ହର୍ଷଲ ପଟେଲଙ୍କ ବଦଳରେ ମୁଁ ଶାମିଙ୍କୁ ଦଳରେ ରଖିଥାନ୍ତି । ଏଥିରେ କୌଣସି ସନ୍ଦେହ ନାହିଁ ଯେ ହର୍ଷଲ ପଟେଲ ଜଣେ ଭଲ ବୋଲର, କିନ୍ତୁ ପରିସ୍ଥିତି ଅନୁଯାୟୀ ମହମ୍ମଦ ଶାମି ଜଣେ ଭଲ ଖେଳାଳି।

ICC ଟି -20 ବିଶ୍ୱକପ ପାଇଁ ଭାରତୀୟ ଦଳ: 

ରୋହିତ ଶର୍ମା (ଅଧିନାୟକ), କେ.ଏଲ୍ ରାହୁଲ (ଉପ-ଅଧିନାୟକ), ବିରାଟ କୋହଲି, ସୂର୍ଯ୍ୟକୁମାର ଯାଦବ, ଦୀପକ ହୁଡା, ରିଷଭ ପନ୍ତ (ୱିକେଟ୍ କିପର), ଦୀନେଶ କାର୍ତ୍ତିକ (ୱିକେଟ୍ କିପର), ହାର୍ଦ୍ଦିକ ପାଣ୍ଡ୍ୟା, ଆର ଅଶ୍ୱିନ୍, ୟୁଜବେନ୍ଦ୍ର ଚହଲ, ଅକ୍ସର୍ ପଟେଲ, ଜସପ୍ରୀତ ବୁମ୍ରା, ଭୁବନେଶ୍ୱର କୁମାର, ହର୍ଷଲ ପଟେଲ, ଅର୍ଶଦୀପ ସିଂ।

ଷ୍ଟାଣ୍ଡବାଇ ଖେଳାଳି - ମହମ୍ମଦ ଶାମି, ଶ୍ରେୟସ୍ ଆୟର, ରବି ବିଷ୍ଣୁ, ଦୀପକ ଚହର।