ଦେଖନ୍ତୁ ଭିଡ଼ିଓ: ସୁର୍ଯ୍ୟ ଏବଂ ବିରାଟଙ୍କ ଖେଳ ଦେଖି ଆଶ୍ଚର୍ଯ୍ୟ ହେଲେ ବେନ୍ ଷ୍ଟୋକ୍ସ, ଆଉ କହିଲେ "ଆମେ ଚେଷ୍ଟା କରିବୁ ଯେ...

କ୍ରିକେଟ ଖବର : ସୂର୍ଯ୍ୟକୁମାର ଯାଦବ ଏବଂ ବିରାଟ କୋହଲି। ବର୍ତ୍ତମାନ ଟି -20 କ୍ରିକେଟ୍ ରେ ଭାରତୀୟ ଦଳର ମେରୁଦଣ୍ଡ ଅଟନ୍ତି। ଏହି ଟି -20 ବିଶ୍ୱକପ ସମୟରେ ଉଭୟ ଖେଳାଳି ଭଲ ଖେଳ ପ୍ରଦର୍ଶନ କରୁଛନ୍ତି। ଯେଉଁ କାରଣରୁ ଟିମ୍ ଇଣ୍ଡିଆ ବିଶ୍ୱକପ୍‌ର ସେମିଫାଇନାଲରେ ପ୍ରବେଶ କରିଛି। ତେବେ ଦଳ 10 ନଭେମ୍ବରରେ ଇଂଲଣ୍ଡ ସହିତ ସେମିଫାଇନାଲ ମ୍ୟାଚ ଖେଳିବ। ଏଭଳି ପରିସ୍ଥିତିରେ ଏହି ଦୁଇ ଖେଳାଳିଙ୍କୁ  ଦୃଷ୍ଟିରେ ରଖି ଇଂଲଣ୍ଡ ଦଳର ଚିନ୍ତା ବଢିଛି। ଯାହା ଦଳର ଅଲରାଉଣ୍ଡର ବେନ୍ ଷ୍ଟୋକ୍ସଙ୍କ ବୟାନରୁ ସ୍ପଷ୍ଟ ହୋଇଛି।

ଚଳିତବର୍ଷ ଟୁର୍ନାମେଣ୍ଟରେ ସୂର୍ଯ୍ୟ ପଡ଼ିଆର ଚାରିଆଡେ ଆକର୍ଷଣୀୟ ସଟ୍ ମାରୁଥିବା ବେଳେ ବିରାଟ ମଧ୍ୟ ତାଙ୍କ ପୁରୁଣା ରୂପକୁ ଫେରିଥିବା ନଜର ଆସିଛନ୍ତି। ଏହି ମେଗା ଇଭେଣ୍ଟରେ ଉଭୟ ଖେଳାଳି 200 ରୁ ଅଧିକ ରନ୍ ସଂଗ୍ରହ କରିଛନ୍ତି। ଏହା ଦେଖି ଇଂଲଣ୍ଡର ତାରକା ଅଲରାଉଣ୍ଡର ବେନ୍ ଷ୍ଟୋକ୍ସ ପ୍ରଶଂସା କରିଛନ୍ତି।

ଏହି ଦୁଇ ଖେଳାଳିଙ୍କ ବିଷୟରେ କଣ କହିଲେ ବେନ୍ ଷ୍ଟୋକ୍ସ :

ବେନ୍ ଷ୍ଟୋକ୍ସ ସେମିଫାଇନାଲ ମ୍ୟାଚ୍ ପୂର୍ବରୁ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, କ୍ରିକେଟ୍ ଜଗତରେ ସୂର୍ଯ୍ୟକୁମାର ପ୍ରକୃତରେ ଭଲ ଫର୍ମରେ ଅଛନ୍ତି। ସେ ଜଣେ ପ୍ରତିଭାବାନ ଖେଳାଳୀ ଏବଂ କିଛି ସଟ ଖେଳନ୍ତି ଯାହା ଆପଣଙ୍କୁ ଭାବିବାକୁ ବାଧ୍ୟ କରିଦେବ। ସେ ବର୍ତ୍ତମାନ ବହୁତ ଭଲ ଫର୍ମରେ ଅଛନ୍ତି, କିନ୍ତୁ ସେମିଫାଇନାଲ ମ୍ୟାଚରେ ତାଙ୍କୁ ଏମିତି ଭାବରେ ଖେଳିବାକୁ ନଦେବାକୁ ଆମେ ଚେଷ୍ଟା କରିବୁ।