IND vs BAN: ଏହି କାରଣରୁ ବାଂଲାଦେଶ ବିପକ୍ଷ ପ୍ରଥମ ODI ମ୍ୟାଚରେ ରିଷଭ ପନ୍ତଙ୍କୁ ମିଳିଲା ନାହିଁ ସୁଯୋଗ

କ୍ରିକେଟ ଖବର : ରବିବାର ଦିନ ବାଂଲାଦେଶ ବିପକ୍ଷ ତିନି ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ପ୍ରଥମ ମ୍ୟାଚରେ ୱିକେଟ୍ କିପର-ବ୍ୟାଟ୍ସମ୍ୟାନ୍ ରିଷଭ ପନ୍ତ ଦଳରେ ସାମିଲ ନ ଥିଲେ। ହଠାତ୍ ଭାରତୀୟ ଦିନିକିଆ ଦଳରୁ ତାଙ୍କୁ ରିଲିଜ କରାଯାଇଛି ବୋଲି ବିସିସିଆଇ କହିଛି।  ବିସିସିଆଇ ମେଡିକାଲ ଦଳ ସହିତ ପରାମର୍ଶ ପରେ ପନ୍ତଙ୍କୁ ମୁକ୍ତ କରାଯାଇଥିଲା ଏବଂ ତାଙ୍କ ସ୍ଥାନରେ କୋଣସି ଖେଳାଳିଙ୍କୁ ସ୍ଥାନ ଦିଆଯାଇ ନାହିଁ। 

ବିସିସିଆଇ ଏକ ବିବୃତ୍ତିରେ କହିଛି, "ବିସିସିଆଇ ମେଡିକାଲ ଟିମ୍ ସହିତ ପରାମର୍ଶ କରି ରିଷଭ ପନ୍ତଙ୍କୁ ODI ଦଳରୁ ରିଲିଜ କରାଯାଇଛି। ସେ ଟେଷ୍ଟ ସିରିଜ୍ ପୂର୍ବରୁ ଦଳରେ ଯୋଗଦେବେ। ଟି -20 ବିଶ୍ୱକପରେ ଭାରତ ସେମିଫାଇନାଲ ପରାଜୟ ହେବା ପରେ ବିରାଟ କୋହଲି ଏବଂ ରୋହିତ ଶର୍ମାଙ୍କ ପରି ଖେଳାଳିଙ୍କୁ ବିଶ୍ରାମ ଦିଆଆଯାଇଥିଲା। କିନ୍ତୁ ପନ୍ତ ଦଳ ସହିତ ନ୍ୟୁଜିଲ୍ୟାଣ୍ଡ ଗସ୍ତ କରିଥିଲେ। ଏକ ମିଶ୍ରିତ 6ଟି ମ୍ୟାଚ୍ ସୀମିତ ଓଭର ସିରିଜ୍ ପାଇଁ ସେ ଯାଇଥିଲେ।

ଆହୁରି ପଢ଼ନ୍ତୁ : IPL 2023: ମିନି ନିଲାମରେ CSK ଫ୍ରାଞ୍ଚାଇଜ୍ ଏହି 3 ଜଣ ଖେଳାଳିଙ୍କୁ କିଣିବାକୁ କରିବ ଆପ୍ରାଣ ଉଦ୍ୟମ

ଯଦିଓ 25 ବର୍ଷୀୟ ପନ୍ତଙ୍କ ରିଲିଜ ପାଇଁ କୌଣସି ନିର୍ଦ୍ଦିଷ୍ଟ କାରଣ ଦର୍ଶାଯାଇ ନାହିଁ, ସେ ହେଉଛନ୍ତି ଏକମାତ୍ର ପ୍ରଥମ ଦଳ ଅଲ-ଫର୍ମାଟ୍ ଖେଳାଳି ଯିଏକି ଗତ ମାସରେ ଅଷ୍ଟ୍ରେଲିଆରେ ଅନୁଷ୍ଠିତ ଟି -20 ବିଶ୍ୱକପ ପରେ ବିରତି ପାଇନାହାଁନ୍ତି। ତେବେ ବାଂଲାଦେଶ ବିପକ୍ଷ ଦିନିକିଆ ସିରିଜରେ ଉପ ଅଧିନାୟକ ଲୋକେଶ ରାହୁଲ୍ କିପିଙ୍ଗ ଦାୟିତ୍ୱ ନେବେ ବୋଲି ସ୍ପଷ୍ଟ ହୋଇଛି।